Регион

Вучиќ: Вечерва на состанокот носиме важни одлуки за локалните избори и идната власт

Вечерва ќе донесеме одлуки. Ги солушавме сите, ќе дојде Дејан Ѓурѓевиќ и сите други кои најдобро ја разбираат законската регулатива и да видиме како и што со сите избори. Да ја завршиме приказнава, да не го заморуваме народот со глупости.

Претседателот Александар Вучиќ денеска изјави дека вечерва на средба со лидерите на партиите од владејачката коалиција ќе се донесат важни одлуки во врска со организацијата на локалните избори, функционирањето на Народното собрание и идната извршна власт, со цел да се стави крај на сите изборни циклуси што е можно поскоро, јави дописникот на МИА од Белград.

-Вечерва ќе донесеме одлуки. Ги солушавме сите, ќе дојде Дејан Ѓурѓевиќ и сите други кои најдобро ја разбираат законската регулатива и да видиме како и што со сите избори. Да ја завршиме приказнава, да не го заморуваме народот со глупости, туку да се посветиме на работата, изјави Вучиќ.

Како што соопштија од Претседателството на Србија, средбата ќе се одржи во 18:00 часот во официјалната работна резиденција на претседателот Вучиќ.

-Ни претстојат тешки времиња поради геополитичката ситуација, во исто време мораме силно да буткаме. Никогаш посилно и затоа е важно што побрзо да се формираат сите тела, да се завршат сите изборни циклуси и да почнеме целосно да се посветиме на проблемите на народот и да ги решиме, нагласи Вучиќ.

На средбата според медиумите ќе дојдат лидерите на коалицијата СПС-ЈС Ивица Дачиќ и Драган Марковиќ Палма, потоа лидерот на СДПС Расим Љајиќ, Милан Кркобабиќ од ПУПС, како и претседателот на „Здрава Србија“ Милан Стаматовиќ. Се очекува да дојде и Александар Вулин, лидер на социјалистичкото движење и поранешен директор на БИА.

Свет

Баку: Франција да престане со неоснованите тврдења против Азербејџан

Министерството за надворешни работи на Азербејџан вчера ги отфрли „навредливите обвиненија“ и повтори дека Баку не е поврзан со протестите во Нова Каледонија.

- Наместо да го обвинува Азербејџан дека наводно ги поддржува протестите за независност во Нова Каледонија, Франција треба да се фокусира на неуспешната политика на прекуокеанските територии што доведе до такви протести. Уште еднаш ја повикуваме Франција да престане со неоснованите тврдења против нашата земја, истакна портпаролот на азербејџанското МНР, Ајхан Хаџиев.

Францускиот министер за внатрешни работи Жералд Дарманин на 15 мај го обвини Азербејџан за мешање во политиката на пацифичката територија Нова Каледонија.

- Ова не е фантазија … Жалам што некои од сепаратистите се договорија со Азербејџан … дури и ако има обиди за мешање … Франција е суверена на својот сопствена територија, истакна Дарман.

Но, Дарманин не презентираше докази за вмешаноста на Азербејџан во немирите на Нова Каледонија.

Француската единица за откривање дезинформации преку интернет, „Вигинум“, формирана како одговор на руските активности во Африка, објави извештај во кој се идентификувани најмалку 86 азербејџански профили кои на платформата Икс шират антифранцуска пропаганда.

Немирите на Нова Каледонија почнаа на 13 мај поради уставната реформа, која предвидува промени на изборниот закон на француската територија. Националното собрание во Париз усвои реформа со која на илјадници француски граѓани, кои пред најмалку 10 години се преселиле на јужниот пацифички архипелаг, им се дава право на глас на локалните избори, а со тоа и поголемо политичко влијание. /МИА

Фудбал

Саутемптон противник на Лидс во финалето на плејофот за пласман во Премиер лигата

Саутемптон синоќа го победи Вест Бромвич во реванш полуфиналниот натпревар од плејофот на Чемпионшип со 3:1. Средбата се одржа на стадионот „Сент Мери“ во Саутемптон.

Во првото полувреме немаше постигнати голови. По паузата, Вилијам Смолбон го отвори резултатот, Адам Армстронг со два погодока зголеми на 3:0. Во последните минути гостите намалија преку Седрик Кипре.

Првиот меч заврши нерешено 0:0, па Саутемптон се пласираше во финалето каде ќе се сретне со Лидс. /МИА

Македонија

Град Скопје: Без соодведни документи и дозволи се монтира панорамско тркало во Карпош

Град Скопје, во рамки на своите надлежности изврши надзор, превзема мерки и го казни правното лице, но тој сепак НАСИЛНО продожува да работи.

Ја известуваме јавноста дека правното лице Дизниленд Реквизити, фирма од Чаир регистрирана пред само еден месец, без соодветни документи и дозволи, без потребна документација која гарантира безбедност, монтира панорамско тркало и останати реквизити во Карпош пред Борис Трајковски.

Град Скопје, во рамки на своите надлежности изврши надзор, превзема мерки и го казни правното лице, но тој сепак НАСИЛНО продожува да работи.

Ги повикуваме надлежните институции и апелирам да постапат во најкус можен рок, бидејќи се доведува во прашање безбедноста на децата и на сите останати посетители поради практицирањето на ваквото самоволие.

притисни ентер