Формула

Волф: Мерцедес направи грешка и може само да му се извини на Расел

Шефот на Мерцедес, Тото Волф, се осврна на дисквалификацијата на тимскиот возач Џорџ Расел на трката за ГН на Белгија.

Дваесет и шестгодишниот Британец победи на етапата во Спа на 28 јули, но по трката беше дисквалификуван поради недоволна тежина на болидот за 1,5 кг. Првото место му припадна на тимскиот колега на Расел, Луис Хамилтон. Втор беше Оскар Пјастри од Мекларен, а првите три ги комплетираше возачот на Ферари, Шарл Леклер.

-Мора да ја прифатиме оваа дисквалификација. Очигледно направивме грешка. Треба да ја анализираме ситуацијата и да разбереме што тргна наопаку. Губењето на двојната победа е разочарувачко и можеме само да му се извиниме на Џорџ кој возеше многу силна трка. Луис се искачи на првото место. Беше најбрз меѓу оние кои имаа стратегија со две застанувања во бокс и ја заслужија победата, изјави Волф.

Во моментов Расел е на 8. место во поредокот кај возачите со 116 бодови, додека Хамилтон има 150 бодови и е на 6. позиција. Лидер во поредокот е Макс Верстапен од Ред Бул со 277 бодови.

Во поредокот за конструктори, Мерцедес е на четвртото место (266), зад Ферари (345), Мекларен (366) и Ред Бул (408).

Технологија

Црна Месечина ќе се појави на 30 декември- редок феномен корисен за астрономите

Црната месечина, редок феномен кој го опишува појавувањето на втора млада месечина во еден календарски месец, ќе се случи на 30 декември, покажуваат податоците на американската поморска опсерваторија.

Втората млада месечина во декември ќе се случи на 30 декември во 23:27 часот по средноевропско време (22:27 часот по Гринич), два дена откако опаѓачката месечина ќе го помине Меркур на небото пред зори, пренесува Space.com.

Втората млада месечина понекогаш се нарекува „црна месечина“, слично како што две полни месечини во еден месец се нарекуваат „сина месечина“ - иако ниту еден поим не е вистински астрономски термин.

Нова месечина се јавува кога Сонцето и Месечината ја делат истата небесна должина, позиција позната и како спој. За време на оваа фаза Месечината не е видлива од Земјата бидејќи нејзината осветлена страна е свртена кон спротивната страна; младата месечина станува видлива само за време на затемнување на Сонцето.

Ноќите на младата месечина се од голема корист и за професионалните и за аматерските астрономи, бидејќи недостатокот на светлина од Месечината го олеснува набљудувањето на побледите објекти на ноќното небо. Ова е особено изразено во зима во поголемиот дел од Северна Америка, кога воздухот е посув и нуди подобри услови за набљудување преку телескопи.

Кошарка

Сакраменто Кингс го отпушти тренерот Мајк Браун по серијата од пет порази

НБА тимот Сакраменто Кингс го отпушти својот тренер, Мајк Браун (54). Тој беше на чело на тимот трета сезона, а во првата кампања (2022-2023) успеа да се квалификува во плеј-офот. 

Потоа беше прогласен за Тренер на годината во НБА. Браун минатата година потпиша тригодишно продолжување на договорот од 30 милиони долари.

Сакраменто е 12-ти од 15 тима во Западната конференција, откако има пет порази на домашен терен, последниот од Детроит Пистонс.

-Ова беше тешка одлука и сакам да му се заблагодарам на Мајк за неговиот придонес во тимот, изјави генералниот директор на Сакраменто, Монте Мекнер.

Неговиот помошник, Даг Кристи, ќе биде привремен тренер на тимот, кој и самиот играше 15 сезони во НБА, од кои четири и пол беа во Сакраменто.

Браун има 107 победи и 88 порази за повеќе од две години на чело на Сакраменто. Пред тоа беше помошник тренер во Голден Стејт.

Регион

Потврдени случаи на африканска свинска чума во Албанија

Албанското министерството за земјоделство и рурален развој информираше дека се потврдени повеќе случаи на африканска свинска чума во фарма во Лежа.

- Управната единица Шенѓин при увид извршен деновиве констатира дека во село Ишул кај Лежа се угинати 15 од вкупно 71 свиња колку што поседува сопственикот на фармата. Угинатите животни веднаш се закопани, околината е дезинфицирана, сњ наведува во соопштението.

Се додава дека според утврдениот протокол земени се мостри, чија анализа потврдила дека станува збор за африканска свинска чума.

Министерството презело мерки за спречување на ширењето на болеста. Една од нив е забрана за продажба и промет на живи свињи на отворени површини и пазари на територијата на општина Лежа и надзор на другите фарми во ова подрачје на северозападна Албанија.

притисни ентер