Околу 46 години по нејзиното лансирање, почна да испраќа чудни податоци назад на Земјата. Во 2012 година, Војаџер 1 го напушти Сончевиот систем, односно хелиосферата и влезе во меѓуѕвездениот простор. Сега е оддалечена од Земјата околу 24 милијарди километри, односно се работи за вселенско летало кое досега отишло до најоддалечените делови на универзумот.
Преку системот AACS, тој испраќа податоци за својата меѓуѕвездена средина, но веќе некое време испраќа мистериозни податоци на Земјата - повторувачки збир на единици и нули. Затоа, инженерите на НАСА испратија шифрирана команда за проверка на системот во март, по што потсистемот за податоци за летот (FDS) покажал што може да биде проблемот.
Имено, се чини дека околу 3 отсто од FDS меморијата е оштетена, поради што со вклучувањето и исклучувањето на системот во ноември 2023 година не се реши проблемот. НАСА верува дека најголем дел од штетата е на еден чип во меморискиот систем.
Во март, инженерите испратија FDS таканаречена команда „poke“ која менува одредени адреси на меморијата. Откако добиле одговор 22,5 часа подоцна, експертите забележале дека еден дел од системот покажува чудни отчитувања. Се чинело дека се во погрешен формат, а инженер од тимот успеал да ги декодира.
Измешаниот сигнал содржел отчитување на целиот мемориски систем FDS. Тимот на Војаџер го споредил со оној што го добиле пред да се појави проблемот и успеале да го лоцираат изворот на дефектот, пишува Science Alert.
Засега не е познато што точно ја предизвикало штетата на чипот; можеби енергетските честички кои патуваат низ вселената се виновни, или можеби едноставно е староста на системот. Откако беше лансиран во доцните 1970-ти, компјутерите на Војаџер се прилично застарени.
Инженерите веруваат дека за неколку недели или месеци ќе успеат да го решат проблемот, односно да ја заобиколат штетата на ФДС, по што повторно треба да се добијат точни податоци за границата на меѓуѕвездениот простор.