Водителката Супрет Каур во ТВ станицата „IBC 24“, во централната индиска држава Чатисгар, ги читала вечерните вести во 22 часот, кога бил вклучен репортер од местото на фаталната сообраќајна несреќа.
Според „Hindustan Times“ репортерот јавил дека тројца од петмина вклучени во несреќата - загинале.
Тој не ги соопштил имињата на загинатите но го опишал автомобилот и областа каде се случила несреќата.
Тие детали биле доволни Каур да сфати дека една од жртвите е нејзиниот сопруг, Харшад Каваде, за кого се омажила пред само една година.
И покрај страшното сознание, таа успеала уште 10 минути да чита вести, а кога се изгасиле камерите почнала неутешно да плаче- пишува
RT.
Полицијата подоцна потврди дека нејзиниот сопруг загинал во несреќата.
Од телевизиската станица изјавија дека однесувањето на водителката ја докажало нејзината професионалност - таа ги дочитала вестите, а потоа плачејќи почнала да им се јавува на своите роднини...