Здравје

Во Прилепската болница наскоро ќе се отвори центар за дијабет

Во рамки на Прилепската општа болница наскоро ќе се отвори дијабет центар за пациентите да не патуваат во Скопје туку редовната стручна лекарска контрола да ја извршуваат во Прилеп. 

Ова беше соопштено во Болницата при денешното одбележување на Светскиот ден на дијабетот, при што Здружението на дијабетичари „Сина револуција“, Болницата и Средното медицинско училиште „Ѓорче Петров“ потпишаа Меморандум за соработка. Во холот на болницата бесплатно на граѓаните и на пациентите им се мереа нивото на шеќерот и крвниот притисок.

Според директорот на Прилепската болница Кире Јоноски, наскоро ќе се оспособи дијабет центарот за што е неопходно ангажирање лекари-специјалисти, ендокринолози од Скопје да ги вршат контролите.

-За да функционира Центарот сакаме да ангажираме лекари-ендокринолози од Клиниката за ендокринологија, специјализирани за дијабет, како ендокринолози од Клиниката за педијатрија за пациентите да не патуваат во Скопје, туку контролата на состојбата да ја добиваат во Прилеп, изјави Јоноски.

Во Прилеп има 10 000 регистрирани дијабетичари, од кои 3000 на инсулинска терапија, а од нив 100 се деца.

Една од најбитните работи е да има сензори за сите возрасти, смета Ангела Мирческа, вработена во Болницата, во пунктот за издавање инсулинска терапија и мајка на дете со дијабет од Тип 1.

-Секој ден е предизвик. Мора да се внимава на исхраната, на нивото на шеќерот. Добро е што сега има бесплатни сензори за ние родителите мирно да спиеме. Но, сметам дека не треба да се ограничува возраста, зашто дијабетот од ТИП 1 е автоимуна болест со која цел живот ќе се соочуваме и таа не бира возраст. Битно е да има сензори за сите возрасти, вели Мирческа.

Менде Цветкоски, претседател на Здружението на дијабетичари „Сина револуција“ нагласува дека потребна е понова апаратура за реално мерење на нивото на шеќерот и подостапни термини за пациентите.

-Се соочуваме со огромни предизвици, а тука се и предрасудите. Некои работи се подобрија. Има инсулин, сензори, иако за ограничена возраст, што мора да се промени, без ограничување на возраста. Проблем е што користиме застарена технологија на која не можеме да ѝ веруваме. Тука спаѓаат глукометрите и лентите за мерење шеќер. Освен тоа, мора да се дозволи поголема пристапност до „Мој термин“, зашто пациентите имаат потешкотии да закажат преглед кај своите лекари-специјалисти, изјави Цветкоски.

По повод светскиот ден на дијабетот, во кругот на прилепската болница и во кругот на средното медизцинско училиште „Ѓорче Петров“ беа засадени садници.

Шоу биз

Најомразениот актер во Холивуд- ја оставил сопругата кога родила болно дете

Актерот Крис Прат и неговата сопруга, писателката Кетрин Шварценегер, ќерка на славниот Арнолд Шварценегер, имаат син по име Форд Фицџералд Шварценегер Прат.

Оваа среќна вест тие ја споделија со своите следбеници на „Инстаграм“. Парот веќе има две ќерки, а Крис е татко на 12-годишниот син Џек, кој го добил со поранешната сопруга Ана Фарис, позната по улогата во серијата „Dark Movie“.

Многумина ја искористија оваа добра вест како повод да потсетат на фактот дека Крис Прат долго време е најомразениот холивудски татко.

Џек бил роден предвреме, девет недели пред терминот, тежок само 1,7 килограми и со бројни здравствени компликации. Тој бил подложен на неколку операции и продолжува да се соочува со проблеми со видот и срцето. Кога дојде разводот, Крис Прат често истакнувал дека се чувствува како жртва на ситуацијата, тврдејќи дека сè уште ја сакал Ана. Меѓутоа, во исто време, тој започнал врска со Кетрин, што предизвика дополнителни контроверзии, особено што се венчаа само пет месеци по разводот.

Нивната приказна беше дополнителен извор на шпекулации, имајќи предвид дека за време на разводот постоеше перцепција дека Крис е всушност тој што го „уништил“ бракот. Многумина беа лути што како една од причините за разводот се споменува фактот што не може да се помири со здравствената состојба на синот. После тоа, Ана Фарис се повлече од Холивуд за да се посвети на грижата за Џек, додека Крис продолжи да гради нова врска и семејство.

Кога во 2021 година на социјалните мрежи искажа благодарност на својата нова партнерка, кажувајќи како му обезбедила „неверојатен живот и здрава ќерка“, многумина тоа го протолкуваа како навреда за Ана и нивниот син Џек. Неговата изјава беше сфатена како алузија на здравствените проблеми кои ги има Џек, а не изостанаа бројните критики. Коментарите вклучуваа остри осуди за неговото однесување, со мислење дека тоа покажува недостаток на сочувство за маката на неговиот син.

„Синот на Крис Прат и Ана Фарис од раѓање имаше сериозни здравствени проблеми, а сега се фали дека има здрави деца, како тука да не е вклучен неговиот син“, напишаа дел од корисниците на социјалните мрежи, додека многумина го изразија своето незадоволство од неговите постапки.

Свет

28- годишниот Анас Саид планирал терористички напад во САД, сакал да ја повтори 2001.

ФБИ го уапсиле 28-годишниот Анас Саид од Тексас, кој е осомничен дека ја поддржувал ИСИС и планирал терористички напад во Америка како на 11 септември 2001 година, кога на американско тло беше извршен еден од најголемите напади на сите времиња.

Специјалниот агент на ФБИ Даглас Вилијамс рече: „Денес е голем ден. Успеавме сомнителен терорист да тргнеме од улиците на Хјустон“.

Саид наводно го планирал нападот од неговиот стан во Хјустон, а особено истражувал како да изврши терористички напад врз локални воени центри за регрутирање. Тоа ја потврдил сериозноста на неговите намери и потенцијалната опасност што ја претставува, објави Фокс Њуз.

Во соопштението од канцеларијата на ФБИ во Хјустон се нагласува успехот на операцијата.

- Запревме потенцијален терористички напад да се случи овде во Хјустон. Секој ден можеме да кажеме дека е добар ден. Ова апсење е важен чекор за одржување на безбедноста и мирот во заедницата.

Терористичкиот напад на кулите на Светскиот трговски центар во Њујорк и на зградата на Пентагон на 11 септември, според официјалните извештаи, го извршиле припадници на Ал Каеда во киднапирани патнички авиони. Деветнаесет членови на Ал Каеда упаднаа во кабините на четири патнички авиони и користејќи хартиени ножеви како оружје и ја презедоа контролата.

Трет авион киднапиран над Охајо се урна на западната страна на Пентагон, предизвикувајќи уривање на зградата. Четвртиот авион се упатил кон Вашингтон, но се урнал во поле во Пенсилванија откако патниците влегле во кабината и се бореле со киднаперите за преземање контрола.

Свет

Израелко- палестинска „војна“ во Париз, на натпреварот е и Макрон (ВИДЕО)

Франција и Израел вечерва на „Стад де Франс“ го играат натпреварот од 5. коло во Лигата на нации, а трибините на стадионот во Париз се полупразни поради францускиот протест против Израел.

Мнозинството Французи не сакале да дојдат на натпреварот во знак на протест што нивната репрезентација го пречека Израел на домашен терен. Малиот број навивачи собрани на трибините решија да ги нападнат Израелците.

Во текот на натпреварот Французите ги нападнаа израелските навивачи и на една од трибините настана тепачка. Инциденти имаше и пред самиот натпревар, додека пропалестинските активисти се обидоа да ги нападнат Израелците, но сѐ остана „само“ на нивна пресметка со полицијата.

Икс е полн со постови од француски навивачи кои велат дека е срамота што натпреварот со Израел се игра во Париз додека израелската армија врши геноцид во Газа. Присутните навивачи ја исвиркуваа химната на Израел пред почетокот на натпреварот.

Да потсетиме, неодамна имаше конфликт на улиците на Амстердам каде Макаби од Тел Авив гостуваше кај Ајакс. Марокански навивачи претепаа голем број израелски навивачи поради провокации на сметка на настаните во Газа.

притисни ентер