Свет

Во Париз е воведена ограничена брзина за електричните тротинети

Брзината на е-тротинетите во Париз е намалена на 10 km/h во делови од центарот на градот според новите правила воведени од три големи компании за изнајмување.

Според локалниот весник Le Parisien, ова се однесува на области каде што е-скутерите и пешаците биле на заеднички патеки, како што се туристичките атракции, парковите, училиштата и плоштадите.

На иницијатива на градската управа, намалените брзини веќе се тестирани околу Музејот Лувр и на некои други плоштади. Сега компаниите што ќе изнајмат 15.000 електрични скутери во Париз одлучиле да ги прошират своите таканаречени „бавни зони“.

Скутерите автоматски ја намалуваат брзината на возење откако возачот ќе влезе во одредена област и GPS-тракерот на скутерот ќе ја регистрира нивната локација.

Корисниците можат да видат „бавни“ области во апликациите на компаниите за изнајмување. Сопствениците на приватни скутери засега можат да возат со максимална дозволена брзина.

Иако напорите на Париз се меѓу најдалекусежните и ќе ги погодат туристите, тој не е првиот град што воведува такви гео-ограничувања за електричните скутери.

Њујорк, Барселона и Берлин имаат ограничени брзини во одредени области.

Некои париски предградија, исто така, веќе имаат такво ограничување, додека компаниите за изнајмување е-скутери во многу градови исто така поставуваат ограничувања каде може да се паркираат скутерите за да се спречат да ги поплават парковите и преполните места.

Француските служби за изнајмување велат дека нивните бавни зони би можеле дополнително да се прилагодат на барање на градската администрација.

Париските власти се уште не се задоволни од овој доброволен чекор на давателите на услуги. Како што изјавил Дејвид Белијар, советник за мобилност во градското собрание на Париз, за ​​Le Parisien, бреговите на Сена и многу посетените трговски области сè уште не се опфатени со ограничување на брзината.

Со оглед на големиот број несреќи со е-скутери во Париз (329 возачи се повредени, а двајца загинале само оваа година), градот размислува и да ги забрани скутерите на одредени локации и да се користат за две или три лица истовремено.

Во меѓувреме, за да се зголеми безбедноста, три компании за изнајмување во Париз одлучиле да воведат „програма за почетници“ која ја ограничува брзината на скутерите на максимални 15 km/h.

Овој режим може да го постават луѓе кои користат скутер за прв пат и не се чувствуваат безбедно.

Свет

Садик Кан третпат избран за градоначалник на Лондон

Садик Кан го освои рекордниот трет едноподруго градоначалнички мандат во Лондон на локалните избори во Англија на кои што неговите лабуристи ѝ нанесоа тежок пораз на конзервативната партија.

Кан, кој првпат беше избран во 2016, ја победи ривалката Сузан Хол со разлика од повеќе од 276.000 гласови.

„Мојата животна чест е да му служам на градот што го сакам. Во моментов сум многу понизен. Ова беа тешки неколку месеци, во кои се соочивме со кампања на постојана негативност. Горд сум што одговоривме на поттикнувањето страв со факти“, изјави 53-годишниот Кан, кој е и првиот муслиман кој беше избран за градоначалник на Лондон.

Тој истовремено го повика премиерот Риши Сунак да распише парламентарни избори.

Фудбал

Ди Марија пред трансфер во Турција

Турскиот гигант Бешикташ испраќа сезона полна со неуспеси и веќе размислува за новата кампања. „Црните орли“ се во потрага по нов тренер, а планираат и летни трансфер потези.

На „Тупраш“ има сериозен интерес за аргентинскиот ветеран Анхел Ди Марија и ќе преземат конкретни чекори за да го привлечат, тврди „ТРТ Спор“. Тоа се очекува да се случи во наредните денови.

Триесет и шест годишниот офанзивен играч за врска најверојатно ќе ја напушти Бенфика на крајот на сезоната бидејќи му истекува договорот. Има опција да се продолжи за уште една сезона, но тоа веројатно нема да се случи.

Ди Марија има втор престој во португалскиот гигант. Тој минатото лето се врати на „Луж“ откако го напушти Јувентус. Играше и за Реал Мадрид, Манчестер Јунајтед и ПСЖ.

Доколку дојде до трансфер на Аргентинецот во Бешикташ, тоа најверојатно ќе биде неговиот последен европски тим.

Живот

Канал 5 во манастриот Богородица Елеуса познат по крстот на бесконечноста

Манастирот свиен во зеленилото и мирот тивко сведочи за религијата и неговата историја, сите преживени премрежја посебености и убавини што ги има само тој. 

Што е бесконечноста во нашата религија?

Воскресението и Христос

Христовото воскресение е суштината на христијанството, без него верата ќе беше празна, раскажува отец Стоил Димитриев во вековниот манастир Пресевета Богородица Елеуса или Милостлива во струмичко Вељуса раскажуваше за воскресението и за неговата верба во него.

Манастирот свиен во зеленилото и мирот тивко сведочи за религијата и неговата историја, сите преживени премрежја посебености и убавини што ги има само тој. Изграден во 11 век во времето на визнатиската империја бил омилен на тогашниот Алексиј Комин го ослободил од плаќање на данок. Неговиот симбол е познатиот вељушки крст или крстот на бесконечноста што е вграден со тули во самиот манастир.

На влезот од манастирот ве пречекуваат оригинални делови од најстариот мермерен иконостас и фрагменти од мозаичните декорации на подот, кои и покрај многуте несреќи и пожари сведочат спокојно дека тие се уште се во манастирот цели 1000 години. Мошне е ретка и фреската на Исус во куполата, бидејќи Исус ретко се прикажува како дете на 12 години. Отец Димитриев раскажува дека во денешното брзо време луѓето матријално имаат се, ама духовната храна ја немаат за неа се гладни. Пред нив но не ја гледаат. Денешницата бара инстант решенија, во црквата нема брзи решенија.

Во манастирот има монахињи, тие во секоја нивна активност ја кажуваат исусовата молитва затоа тука се е убаво и спокојно, раскажува отецот. Тие во нивната продавница имаат чаеви, сапуни. А секој посетител за вековната убавина на вељушкиот манастир монахињите со благослов ќе раскаже за симболите на манастирот и религијата.

притисни ентер