Култура

Во Куманово вечерва почнува 27-тиот меѓународен фестивал „Денови на комедија 2024“

 Вечерва почнува 27-то издание на меѓународниот театарски фестивал „Денови на комедија 2024“. Вечерва на репертоарот е велешкиот театар, а кумановци ќе имаат можност да видат единаесет претстави од театри од земјава и соседните држави.

- Куманово како и секоја година и оваа ќе живее заедно со Фестивалот, и годинава како и секоја очекуваме овој фестивал да го задржи приматот на најпосетен театарски Фестивал во Македонија. Публиката е таа за која го правиме и која го одржува сите овие изминати 27 години. Фестивалската вечер ќе биде отворена во вторник 24 септември со доделување на наградата Васил Иљоски на овогодишниов лауреат, актерот Сашко Коцев која се доделува за особен придонес во театарската дејност особено во делот на комедијата за што претходно едногласно одлучија членовите на советот на фестивалот, изјави директорот на НУЦК „Трајко Прокопиев“, Сашо Тодоровски.

Велешкиот театар настапува со „Вечера за глупаци“, утре е претставата „Секс, лаги и љубомора“ на народен театар Охрид. Кумановци ќе ги видат и комедиите „Фустан за бегство“ на драматичен куклен театар од Враца, Република Бугарија, „Автопат Сагбама“ на Позориште „Бора Станковиќ“ од Врање, Србија, „Пар распар“ на Театар Комедија од Скопје, „Итроштините на Патук“ од тетовскиот театар, „Се бара нов маж“ од Драмско куклен театар Плевен, Бугарија, „Мажи во влечки“ на албанската драма на Театар Куманово, „Женидба“ на Народен театар Штип, „Кокошке“-Народен театар од Ниш. На 8 октомври ќе биде изведена премиерата на „Ноќ спроти Водици (Како што сакате)“ на Театар Куманово во режија на Срѓан Јаниќиевиќ кој традиционално ја затвора фестивалската програма со нова претстава на репертоарот.

- На последната вечер од Фестивалот, на 9 октомври ќе се доделат и наградите за: најдобра актерка и актер, најдобра споредна улога (машка и женска), најдобра режија, сценографија, костимографија и најдобра претстава, додава Тодоровски.

Освен, официјалната програма на фестивалот како новина е планирана и изведба на студентски претстави. Гледачите ќе имаат можност да проследат две претстави на 30 септември и на 7 октомври.

- Годинава ги поканивме и Факултетот за драмски уметности од Скопје и Факултетот за аудио-визуелни уметности ЕСРА, студентите да бидат дел од пропратната програма на овој фестивал, вели Тодоровски.

Заврши и пријавувањето на волонтерите кои помагаат во организација и одржување на „Деновите на комедија“ и годинава ангажирани се десетина млади лица кои одблиску ќе можат да видат како течат подготовките и одржувањето на фестивалот.

Живот

Многумина веќе ги бираат локациите каде ќе го поминат зимскиот одмор

Не барајте евтин лет во овој ден, со само еден трик може да поминете поповолно за време на празниците

Многумина веќе ги бираат локациите каде ќе го поминат зимскиот одмор, како и деновите за празниците, а во планот често е вклучен и авионскиот превоз доколку се одлучат за подалечна дестинација. Билетите за ова превозно средство се најскапи, но и не мора да биде така ако знаете некои „трикови“ за купувањето да биде во ваша корист. Еве неколку совети за тоа кога да барате авионски билет, кога е најдобро да барате евтин лет и на кои замки од авиокомпаниите да не паѓате.

Според економистот Макото Ватанабе, најдобро време за купување авионски билет е осум недели пред патувањето, додека според мислењата на самите авиокомпании тоа е шест недели претходно, пишува „Love this pic“.

Можеби цената на билетот што го барате во еден момент ќе ве израдува, но ако одлучите да го купите откако ќе се вратите од работа, ќе ве чека изненадување - цената на билетот драстично ќе се промени! Да, цената на билетот се менува и до три пати на ден, па кога ќе забележите дека билетот е поволен - не двоумете се, купете го!

Ако одлучите да побарате карти за викенд, кога не работите и немате одредени обврски, ви советуваме да не го правите тоа. Зошто? Затоа што цените се повисоки во недела отколку во другите денови, а тоа авиокомпаниите го прават намерно. Цената на билетот на овој ден може да поскапи околу 40 отсто, па најдобро е да побарате билети на почетокот на неделата, тогаш се нудат најголемите попусти и „рапродажби“ на преостанатите места.

Исто така, иако пристигнувањето на пораки на вашата е-пошта може да ве нервира, ова може да биде корисно, бидејќи ќе добиете евтини летови за време на празниците. Многу авиокомпании нудат попусти за време на специјални датуми, па затоа искористете го тоа.

Се разбира, не треба да се напоменува дека цените за летовите од големите аеродроми се многу поскапи отколку за помалите, затоа секогаш прво почнете да барате летови од помалите аеродроми, ќе добиете подобар договор.

Шоу биз

Видео: Бред Пит падна на снимање

Познатиот актер на Холивуд, Бред Пит престојува во Лас Вегас, каде што снима филм за Формула 1, а во оваа продукција ја толкува една од главните улоги, Сони Хејс.

На социјалните мрежи се појавија снимки од снимањето.

Пит со помош на двојник ја снимил сцената во која нивниот лик (Сони Хејс) удира во болидот „APX GP“, по што излегува од возилото и паѓа во несвест.

Луѓето ги споделуваат овие сцени, шокирани од она што го гледаат.

Како што пишуваат светските медиуми, филмот на Џозеф Косински за возачите на Формула 1 треба да пристигне во кината следното лето, со маестрална актерска екипа предводена од Бред Пит.

Филмот се снима веќе неколку години, а на целата екипа му помага организациониот тим на Формула 1, сите возачи и љубители на овој спорт.

Извор: Аваз

Формула

Џенерал Моторс влегува со свој тим во Формула 1

Формула 1 и Џенерал Моторс (ЏМ) постигнаа денеска начелен договор за влез на ЏМ/Кадилак како 11. тим во светскиот шампионат во Формула 1 од 2026 година.

„Посветеноста на Џенерал Моторс и Кадилак на овој проект е важна и позитивна демонстрација на еволуцијата на нашиот спорт. Сигурни сме во целосната соработка и поддршка од сите вклучени страни“, изјави претседателот и извршен директор на Формула 1, Стефано Доменикали.

Од своја страна, првиот човек на ЏМ, Марк Ројс, рече дека влезот во Формула 1 е чест за Џенерал Моторс.

„Како врв на мотоспортот, Формула 1 бара иновации и извонредност што ги поместува границите. Чест е за Џенерал Моторс и Кадилак да се приклучат на врвната светска тркачка серија, а ние сме посветени да се натпреваруваме со голема страст“, рече Ројс.

Тимот треба да го носи името Кадилак Ф1 и ќе користи мотори на Ферари во првите две години додека GM не добие мотор на Кадилак конструиран за натпреварување, почнувајќи од сезоната 2028 година./МИА

притисни ентер