Платформата „BOYSTOWN“ постоела најмалку од јуни 2019 година, а корисниците можеле да пристапуваат исклучиво преку таканаречениот Даркнет, според јавното обвинителство во Франкфурт и федералната полиција БКА.
Како што беше потврдено за јавниот сервис АРД од Централната канцеларија за борба против криминалот на Интернет (ЗИТ) на Германија при ОЈО во Франкфурт, операторите на платформата се уапсени кон средината на април. Истрагата ја спроведува Сојузната канцеларија за криминалистичка полиција во Германија.
Главните осомничени се четворица мажи со германско државјанство: 40-годишник од областа Падерборн, 49-годишник од областа Минхен и 54-годишник во Парагвај биле администратори и оператори на платформата. 64-годишник од Хамбург е обвинет дека бил еден од најактивните членови.
Тројцата осомничени се во притвор во Германија од 14, односно 15 април. За време на апсењето, седум претреси биле извршени во Северна Рајна-Вестфалија, Баварија и Хамбург. За 54-годишникот се бара меѓународна потерница во Парагвај - тој треба да биде екстрадиран во Германија. Откако биле уапсени главните осомничени, истражителите ја затвориле платформата.
Според Јавното обвинителство, корисниците на платформата можеле да разменуваат порнографски материјал и снимки на деца на „Даркнет“.Серверите се наоѓаа во Република Молдавија и биле таму изнајмени, пишува ДВ.
Според информациите, повеќето од снимките за злоупотреба покажуваат момчиња од различни возрасни групи, вклучувајќи ги и најтешките случаи на злоупотреба на мали деца. Платформата се состоела од форум ,поделен на различни области каде што може да се чуваат и пребаруваат извештаи за злоупотреба.
Покрај тоа, имало два области за разговор каде што членовите можеле да комуницираат и да разменуваат материјали. Според истражителите, 64-годишникот од Хамбург, за кого се наведува дека бил особено активен, споделил околу 3.500 слики или видеа на платформата.
Трите наводни оператори на платформата им давале на членовите упатства како да сурфаат безбедно - односно како да не бидат откриени. По германска иницијатива е формирана меѓународна работна група за истрага координирана од Европол. Агенциите за спроведување на законот во Шведска, САД, Австралија и Канада биле вклучени во истрагата.
Бидејќи платформата работела на Даркнет, каде што може да се сурфа анонимно, истрагата била особено тешка. За истражителите, затворањето на платформата и апсењето на наводниот оператор е голем успех во борбата против ширењето на детската порнографија.
Со 400.000 членови, Бојстаун е многу пати поголем од платформата Елисиум, која што имала 111.000 корисници и е затворена во јуни 2017 година. Се смета за еден од најголемите од ваков вид, а со него управувале и од Германија. Пред две години, операторите на таа платформа биле осудени на затворски казни од три години до десет месеци и десет години и девет месеци.