Македонија

ВМРО-ДПМНЕ: Изворот на заразата лажни вести е СДСМ

Изворот на заразата лажни вести е СДСМ. Заев и СДСМ не може да бидат лекот за спречување на заразата, неопходни се оставки.

СДСМ е политичка партија која затскривајќи ги лошите и грешни политики, шири лажни вести со цел да им замачка очи на граѓаните.

СДСМ е партија која на крајно некоректен начин лажеше дека Република Македонија ќе добие датум за почеток на преговори со ЕУ во април, па потоа во мај, па ноември, па во декември, а во реалноста датумот го нема и наместо него Македонија доби вето.

На граѓаните им е јасно дека ова е најлошата и најнеспособната политичка гарнитура на чело со Зоран Заев и СДСМ која што некогаш ја водела државата. Секогаш кога СДСМ е на власт државата се соочува со економски колапс, затворени фабрики, пропаднати бизниси и криминални афери.

Граѓаните не паметат дека СДСМ некогаш нешто направила или изградила, туку секогаш сведочи на расипничко и недомаќинско работење со нивните пари. Згора на тоа, покрај тоа што СДСМ непродуктивно ги троши парите на граѓаните, лаже и измислува проекти преку кои само го затскрива крадењето кое интензивно го спроведува.

СДСМ е ширач на лаги и манипулации.

Како никогаш досега, власта го стега обрачот околу медиумите во државата и им дава поддршка само на оние медиуми кои што работат во полза на власта и Зоран Заев. Сите останати медиуми се држат во страв и неизвесност, а дел од нив веќе имаат и директни закани. Тоа е вистинското лице на СДСМ.

Зоран Заев јавно во своите обраќања на митинзите велеше дека ќе се бори за слобода на говор и слободни медиуми, а сега јавноста може сама да се увери во спротивното, односно во прогонот на новинарите и медиумите.

Само во Република Македонија новинарите се соочуваат со драконски казни за пишан збор. Тоа е класична диктатура.

Со СДСМ и Зоран Заев нема слобода ниту за медиумите и новинарите, ниту за граѓаните на Република Македонија.

Заев, оди си!

Македонија заслужува многу повеќе!

Центар за комуникации на ВМРО-ДПМНЕ

Македонија

ДИК: Прегласување ќе има на 7 избирачки места, гласањето ќе биде во среда на 22 мај

Изборите сепак не се завршени. Во игра се уште два мандати, по еден во 5-тата и 6-тата изборна единица, кои првично го доби ДУИ, но по прегласувањето може да ги изгуби.

По синоќешната одлука на Управниот суд да ги отфрли сите жалби на Европскиот фронт, ДИК на седница на која не пресуствуваше потпретседателката претставник на ДУИ, Дитмире Шеху, едногласно ја донесе одлучи во среда да се гласа на едно избирачко место во селото Ларце, Желино кое е дел од шестата изборна единица, како и во шест изборачки места во Крушево, Долнени, Струга и Охрид, кои се во рамките на 5-тата изборна единица.. .

ДИК – прегласување за Парламентарни избори 2024

Изборна единица 5 Изборна единица 6

Крушево – избирачки места 1194 и 1202 с. Ларце - Желино - 2101

Долнени – избирачки места 1470 и 1470/1

Струга – избирачко место 1884

Охрид – избирачко место 1272

ДУИ во 6-тата изборна единица освои 9 мандати наспротив 7 на Вреди, но доколку разликата на ова избирачко место се зголеми за дополнителни 80 гласа, тогаш Вреди ќе добие уште еден мандат и ќе се изедначат со по 8 пратеници. Во петката пак, ВМРО ДПМНЕ доби 10 пратеници, Европски фронт 4 и СДСМ тројца. Но по прегласувањето има три опции, може да се случи ДУИ да го задржат пратеничкиот мандат, но и да го добијат или СДСМ или ВМРО ДПМНЕ.

Свет

Состојбата на Фицо е стабилизирана, но и натаму е сериозна

Тој засега нема да биде префрлен во Братислава, соопштија словачки министри.

Состојбата на словачкиот премиер Роберт Фицо е стабилизирана, но и понатаму е сериозна, изјави словачката министерката за здравство Зузана Долинкова.

Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина испука во него неколку истрели од пиштол.

Долинкова објасни дека вчерашната двочасовна операција за отстранување на мртвото ткиво од повеќекратните прострелни рани, која ги зголемила надежите за негово закрепнување, „придонела за позитивната прогноза“ за Фичо.

Словачкиот вицепремиер и министер за одбрана Роберт Калињак им изјави на новинарите пред болницата каде се лекува Фицо дека неговиот трансфер во главниот град Братислава од малиот град во областа, каде што беше застрелан пет пати нема да се случи во следните неколку дена.

Според вицепремиерот, не било потребно официјално преземање на функциите на Фицо и има одредена комуникација со него.

Напаѓачот денеска за прв пат се појави во судницата во Пезинок, гратче недалеку од главниот град Братислава. Судската зграда ја обезбедуваше маскирани полицајци вооружени со пушки./МИА

Македонија

Во Музеј на вино Кавадарци уметници творат на тема вински артефакти

Во Музеј на вино Кавадарци уметници творат на тема вински артефакти, во рамки на одбележувањето на Меѓународниот ден на музеите.

- Ликовни уметници творат во чест на музеите. Темата на ликовниот хепенинг е „Винскиот музеј низ артефактите“. Всушност, на лице место уметниците сликаат на платно, додека заедно со посетителите кои ја следат нивната активност, имаат можност да дегустираст вино од ова поднебје и македонска храна. Настанот го организиравме во соработка со здружението на граѓани љубители на уметноста „Роднокрајци“, чии претставници творат на платно. Ги спојуваме историјата, културата и традицијата на лозаровинарството во најголемиот регион за лозарство и винарство во државата. Уметноста на платно и уметноста во извонредните вино и храна, подвлече Весела Честоева, директор на Вински музеј за регион „Тиквеш“, со седиште во Кавадарци.

Настанот е дел од програмата за работа на музејот, со поддршка на локалната самоуправа. /МИА