Меѓу вторите е Кристоф Зицман, кој продава и изнајмува егзотични автомобили, а во слободното време очигледно сака да привлекува внимание. Неодамна учествуваше на „Go Luxury Summer Tour 2022“, а како што веќе најавува името, придружник му беше Bugatti Chiron.
Од само нему познати причини, дошол на идеја да виси до вратата од автомобилот. Ситуацијата ја зачинил со тоа што го правел над канал. И ова не му е прв пат. Иако е тешко да се извлече поука од виденото, нема сомнеж дека дизајнерите навистина размислувале за јачината на секој дел од возилото, вклучувајќи ја и рамката на вратата. Секоја штета што би била предизвикана од ваква вежба секако не би била вклучена во гаранцијата, а поправката би била скапа за сопственикот, како и сѐ што е на тој автомобил.
Ако малку го проучите Зицман на социјалните мрежи, ќе забележите дека ова не е изолиран случај. Очигледно е дека има фетиш на вратите на егзотичните автомобили, па е снимен кога прави вежби на Ролс Ројс, но и седи на вратата на Вејрон. Судејќи по бројот на посети, ваквите вежби дефинитивно имаат големо влијание врз популарноста на неговите профили.