НБА

Видео- НБА: ЛА Лејкерс избегна „метла“

Лос Анџелес Лејкерс на домашен терен го совлада синоќа Денвер Нагетс со 119-108 во конференциското четвртфинале на Западната конференција во НБА лигата и ја забележа првата победа во серијата во која Денвер сега води со 3-1.

Лејкерси до воведниот триумф ги предводеше првата ѕвезда Леброн Џејмс со 30 поени. Ентони Дејвис придонесе со 25 поени, а Остин Ривс и Д’Анџело Расел додадоа по 21 поени.

На спротивната страна, Никола Јокиќ го заврши натпреварот со трипл дабл (33 поени, 14 асистенции и 14 скокови).

Лејкерси го победија Денвер за прв пат во последните 12 натпревари од декември 2022 година, но им претстои тешка задача на петтиот натпревар кој ќе се игра во Денвер. Ниту еден тим во историјата на плејофот на НБА не успеал да се врати во серијата до четири победи по негатива од 0-3.

„Сè уште заостануваме 1-3. Денеска ја завршивме работата и ја продолживме нашата серија, но мораме да бидеме уште подобри“, изјави Џејмс.

Тенис

Украинката Јастремска не се поздрави со Белорусинката Сабаленка по поразот во Рим

Белоруската тенисерка Арина Сабаленка ја победи украинската тенисерка Дајана Јастремска со 2:0 и се пласираше во осминафиналето на Мастерсот во Рим.

Сепак, покрај тенисот, она што привлече големо внимание е сцената во самиот финиш на мечот.

Имено, по мечот, наместо вообичаениот поздрав, двете тенисерки само се гледаа, дојдоа до своите клупи, ја спакуваа опремата и без никаков контакт го напуштија теренот до најблиските излези. Покрај тоа, од трибините се слушаа свирежи кои јасно го покажаа односот на публиката.

Живот

Британец освоил 10,2 милиони фунти, па ги поделил со соседите- сите се чудат

Ветеран од британската армија и поранешен полицаец доби џекпот од 10,2 милиони фунти на Поштенската лотарија што го подели со своите соседи во населбата каде што живее.

Дејвид од градот Бриџ Ерне, во округот Першир на југозападниот дел на Шкотска, татко на две деца, на 27 април на Поштенската лотарија успеал да освои 10,2 милиони фунти и, како што објави таблоидот Сан, добивката ја поделил со 10 соседи во неговото маало.

Британските медиуми објавија дека џекпотот од 10,2 милиони фунти е најголемата награда досега освоена во наградна игра во Шкотска.

Другите двајца најдобри победници во ждрепката на 27 април освоија по 680.000 фунти, а осум играчи освоија по 340.000 фунти.

- Не знам како се чувствувам. Јас сум малку шокиран. Мислев дека 15.000 или дури 5.000 фунти ќе бидат многу, но сега сум апсолутно зачуден – рекол Дејвид додека неговите соседи гласно го прославувале џекпотот.

Свет

Фајзер и АстраЗенека најавија нови инвестиции во Франција од речиси милијарда евра

Пред овогодинешниот годишен бизнис самит „Избери Франција“, водечките здравствени компании Pfizer и AstraZeneca денеска објавија нови инвестиции во Франција во вкупна вредност од речиси една милијарда евра.

Pfizer соопшти дека ќе инвестира 500 милиони евра (538,5 милиони долари) во Франција за поддршка и зајакнување на својата истражувачка и развојна работа, додека AstraZeneca најави инвестиција од 388 милиони долари за својата локација во Данкерк, пренесува Ројтерс.

Нивните инвестициски ветувања доаѓаат додека претседателот Емануел Макрон се подготвува да го започне во понеделник годишниот настан „Избери Франција“ чија цел е да ги привлече големите странски компании и инвеститори.

Претходно денеска, Франција објави 100 нови работни места во Париз во банката Морган Стенли од Волстрит, како и инвестиции од други фирми како германската авиокомпанија Лилиум.

Макрон сака да ја подобри улогата на Париз како најголем деловен главен град во Европа, иако тој традиционално заостанува зад Њујорк и Лондон на глобално ниво.

Внимателно следеното истражување на Z/Yen на глобалните финансиски центри, објавено во март, го рангираше Њујорк како најголем финансиски центар во светот, со Лондон на второ место.