Вице Заев: Ниту јас, ниту кој било член во моето семејство нема поврзаност со случајот „Рекет"

​После многубројните лажни вести за мене и моето семејство, а кои се објавуваат секој ден од страна на ВМРО-ДПМНЕ во предизборната кампања со цел лична дискредитација на мојот брат и нашето семејство, принуден сум да се обратам на јавноста.

Како и најголемиот број од нашите граѓани, јас и моето семејство цели 11 години, за време на режимот, бевме под притисок, под закани и уцени, а исто како и голем број други слободни граѓани, бевме изложени под смислена, црна пропаганда, преку медиумите кои ги контролираше Никола Груевски.

Деновиве се потсетувме на дел од овие методи на режимот, ги видовме остатоците на заробената држава повторно како реализираат црни кампањи. Се интензивираа нападите со лажни вести и конструкции насечени кон мене лично и кон моето семејство преку дел од медиумите и преку опозициската ВМРО-ДПМНЕ, контролирани од Груевски.

Сите овие измислици и конструкции ги демантирам јавно. Ниту јас, Вице Заев, ниту било кој член од моето семејство нема поврзаност со случајот познат во јавноста како „Рекет" ниту пак со лагите кои на прес конференции ги изнесува ВМРО-ДПМНЕ.

Изнесените невистини дека сум се среќавал со лицата осомничени за овој случај, дека сум седел, дека ме имало на некои снимки ги демантирам, тоа не е точно. Обидите за мое инволвирање на било каков начин во валканата политичка кампања сметам дека е намерно, лажно и тенденциозно со единствена цел, да му се наштети на Зоран Заев и политиките кои ги спроведува.

Ги повикувам сите надлежни институции да ги проверат сите изнесени наводи, да ги објават сите снимки, видеа, аудио материјали, се што има барам да се објави, за јавноста да се увери во вистината.

Самиот факт што законски била спроведена постапката за прибирање докази и видео материјали потврдува дека никој нема контрола над постапките што се водат во МВР, во обвинителството и судството, освен надлежните институции.

Ако некој имал контрола на овие институции, како што беше за време на режимот, тоа никогаш немало да се случи.

Народот гледа што се случува и се му е јасно. Со невистини и лажни вести мета е семејството на претседателот на СДСМ, Зоран Заев, затоа што тој е најголема закана за вистинските криминалци.

За овие луѓе нема ништо свето, ниту семејството, уште помалку граѓаните или државата.

Семејството Заеви, односно Зоран Заев е трн во окото за сите што се под контрола на Никола Груевски, избеганиот криминалец и кои не и мислат добро ниту на државата, ниту на граѓаните.

Ја уништуваа 11 години нашата татковина и избегаа за да се соочат со одговорност.

Затоа се шират лажни вести преку медиумите под нивна контрола, се шират измислици, секојдневно се пласираат тешки лаги, клевети, но и на прес конференции на ВМРО-ДПМНЕ, не се бираат начини ниту средства да му се наштети на Зоран Заев и неговото семејство.

Им пречи затоа што беше најуспешен градоначалник на Струмица. Им пречи затоа што го сруши нивниот режим со пенкало. Им пречи затоа што ја донесе слободата и демократијата. Им пречи затоа што застана храбро против неправдите. Им пречи затоа ја придвижи економијата, ја врати социјалната сигурност, им помага на ранливите, не дели туку обединува. Им пречи затоа што успеа својата татковина да ја извади од калта и да ја внесе во НАТО, на чекор до ЕУ.

Но најмногу им пречи, затоа што се избори да се донесе Законот за јавно обвинителство со кој конечно доаѓа правда, се обезбедува правна држава и секој што се огрешил пред законот ќе одговара. Нема спас за криминалците. Ги чека затвор.

Јас не сум политичар и немам намера да се занимавам со политика. Со ова мое обраќање до јавноста сакам да соопштам дека нема повеќе да комуницирам ниту да реплицирам на нивните лаги, измислици, конструкции.

Нема да дозволам да ме вовлечат во нивната кал.

Не сум згрешил ништо, не сум прекришил ниту еден закон, работам одговорно и чесно.

11 години моето семејство, бизнисот со којшто се занимава, беше мета на бројни контроли, секојдневни инспекции од партизираните институции, па дури и тој режим не најде ништо незаконско, затоа што незаконско нема. Вистината е секогаш посилна од лагата.

Јас продолжувам да се занимавам со бизнисот со којшто сум уште од 1990 година навака. Семејството Заеви е успешно семејство не заради политиката туку заради луѓето и начинот на којшто го води бизнисот, одговорно и чесно, овде во нашата родна земја.

Обезбедуваме околу 800 работни места и придонесуваме во економијата со годишен данок по сите основи од околу 1 милион евра. Тоа се факти кои говорат за посветеност, за желба за напредок и ние така ќе продолжиме.

На тие што 11 години извршија грабеж на државата и ја држеа во изолација ценам дека им е кристално јасно дека нема да успеат да се спасат од одговорност ниту пак да го застанат напредокот на државата.

Јас, како и целото мое семејство, му даваме на Зоран Заев целосна поддршка да го заврши она што заедно со мнозинството граѓани во оваа земја го започна, да нема режим, криминал и корупција, да владее независна правна држава во која секој е еднаков пред законите. Да не се вратиме во мракот. Никогаш повеќе да не се повтори режим!

Ние ќе ги трпиме сите навреди, лаги, притисоци заради граѓаните на нашата заедничка татковина, Република Македонија, нивните семејства и нивните деца, за нејзината иднина, за нејзината слобода.

Вице Заев

Единствената Авганистанка во дипломатска служба шверцувала 25 килограми злато

Авганистанката Закија Вардак, генерален конзул во Мумбаи, Индија, која била назначена пред талибанците да ја преземат власта во 2021 година, единствената жена во земјата во дипломатската служба, поднесе оставка.

Авганистанката Закија Вардак, генерален конзул во Мумбаи, Индија, која била назначена пред талибанците да ја преземат власта во 2021 година, единствената жена во земјата во дипломатската служба, поднесе оставка по извештаите дека била приведена поради наводен шверц на злато.

Вардак вчера објави дека дала отказ на својот официјален профил X (Твитер), откако минатата недела индиските медиуми објавија дека била накратко задржана на градскиот аеродром поради наводно шверцување на 25 златни прачки, тешки по еден килограм од Дубаи. Според информациите на индиските медиуми, таа не била уапсена поради дипломатскиот имунитет.

Во изјавата Вардак не ги спомнала наводите за шверц на злато, но истакнала дека длабоко жали што како единствена жена во авганистанската дипломатија, наместо да добие конструктивна поддршка за да ја задржи својата позиција, се соочила со бранови организирани напади насочени кон уништување.

„Во текот на изминатата година наидов на бројни лични напади и клевети насочени не само кон мене, туку и кон моето потесно семејство и роднините“, додаде таа.

Вардак истакнала дека нападите „сериозно влијаеле на нејзината способност за ефективно работење и ги покажале предизвиците со кои се соочуваат жените во авганистанското општество“.

Министерството за надворешни работи на Талибанците не одговорило веднаш на повиците на агенцијата за коментар за оставката на Вардак.

Шок на плажа во САД: Луѓе мирно се шетаат, кога пред нив принудно слета авион (ВИДЕО)

Едномоторниот авион „Цесна 152“ слета на плажата Седар во градот Маунт Синај во средата околу 19:30 часот по локално време.

Шеесетгодишниот пилот пријавил дека авионот имал дефект на моторот пред да слета на плажата, пред изненадените луѓе кои шетале и уживале во зајдисонцето, јавува ABC7.

При слетувањето, авионот за малку ќе се превртел, бидејќи предниот дел удрил во песок.

Пилотот и неговата сопатничка, 59-годишна жена, не се повредени. Повредени нема ниту на плажата.

ФАА ќе го испита инцидентот.

Огромна скулптура на хот дог се појави на Тајмс Сквер во Њујорк (ВИДЕО)

Тајмс Сквер во Њујорк е место каде што може да се види навистина сè - од необични луѓе до чудни уметнички инсталации, а една таква неодамна се појави на плоштадот.

Станува збор за необична, џиновска скулптура на хот-дог долг речиси 20 метри - со малку сенф одозгора. Но, тоа не е сѐ. Како оваа инсталација да не е доволно чудна сама по себе, секој ден напладне се дига во воздух и од неа летаат конфети.

Станува збор за скулптура која ја создале двајца уметници од Бруклин, Џен Катрон и Пол Аутлау, а со неа сакале да му оддадат почит на сето она што го симболизираат хот-догот. Во интервју за The Art Newspaper, Катрон ја објаснил симболиката на ова уметничко дело.

„Историјата на хот-догот и како се прави, како стигна до каде што е денес, тоа е навистина вистинска американска приказна - од луѓето кои го прават и луѓето што го јадат, до луѓето кои профитираат од него. Сето тоа завиткано во ова јадење кое е вкусно, но и забавно и глупаво во исто време“, вели Катрон.

@timessquare.nyc And the weiner takes all! 🌭 ‘Hot Dog in the City’ by artist duo Jen Cantron and Paul Outlaw is finally in #TimesSquare 🌟 If you missed the unveiling, you can always ketchup! ‘Hot Dog in the City’ will be on view until June 13, 2024 @ Broadway and 46th St with a confetti pop daily at 12pm. We have more exciting hot dog events to come! #NYC #HotDogInTheCity #HotDog #PublicArt #FreeEvents #NYCEvents ♬ original sound - Empire State Building

Заедно со скулптурата со хот-дог се одржуваат различни настани, меѓу кои и натпревар во јадење хот-дог, како и натпревар за најубаво куче, а скулптурата на хот-дог ќе биде на Тајмс Сквер до 13 јуни.

притисни ентер