Технологија

Вештачката интелигенција нема да ги замени луѓето , тврди директорот на Salesforcе

Вештачката интелигенција ќе му пружи холема корист на човештвото и нема да создава проблеми , наведе Петар Шварц , потпретседател за стратегиско пкланирање на Salesforce.

Наместо да размислуваат за секојдневните обврски , кои сега сами ги извршуваат , а би можела да ги врши вештачката интелигенција , луѓето би можеле да се фокусираат на други важни работи, како што се креативнот и меѓучовечки вештини , смета Шварц.

Тој за време на саемот за вештачка интелигенџија во Сингапур рече дека вештачката интелигенција нема да ги замени луѓето , туку ќе ги направи поспособни и ќе им даде повеќе можности.

Неговите ставови се во согласност со извештајот на Светскиот економски форум , каде во септември беше наведено дека развојот на вештачката интелигенција и автоматизацијата до 2022 ќе резултира со 58 милиони работни места повеќе на светско ниво.

Сепак од СЕФ предупредуваат дека ќе бидат изгубени 75 милиони сегашни работни места , а со воведувањето на вештачка интелигенција ќе се создадат 133 милиони нови.

Фудбал

Баерн Минхен подготвува огромна сума за Френки де Јонг

Раководството на Баерн Минхен ќе се обиде да го привлече играчот од средниот ред на Барселона, Френки де Јонг, пренесе „Скај“.

Шефовите на баварците за него подготвиле 75 милиони евра.

Минатото лето Барселона сакаше да го продаде Френки Де Јонг поради финансиски проблеми, но играчот од средниот ред сепак остана во тимот.

Се наведува дека раководството на тимот од Минхен веќе стапил во контакт со претставниците на Де Јонг за да ги дознаат условите на самиот играч.

Барселона би била подготвена да го продаде холандскиот репрезентативец во договор со слични финансиски параметри.

За Барселона најголем проблем е високата плата и поради финансиски проблеми на лето ќе мора повторно да продава играчи.

Живот

Светска програма за храна на ОН-Луѓето во Газа се соочени со „целосно гладување“

Светска програма за храна на ОН: Луѓето во северниот дел на Појасот Газа се соочени со „целосно гладување“.

Шефицата на Светската програма за храна на Обединетите нации (ОН), Синди Мекејн, предупреди дека луѓето во северниот дел на Појасот Газа сега се соочени со „целосно гладување“.

Таа за ТВ мрежата NBC изјави дека е тешко за гледање и дека катастрофалната ситуација се шири кон југ.

„Има гладување, целосно гладување на север и се шири кон југ. Тоа е ужас“, изјавила Синди Мекејн, пренесува Си-Ен-Ен.

Таа додаде дека нејзината организација бара прекин на огнот и непречен пристап до Газа со цел да испорача хуманитарна помош.

Живот

Папата им го честиташе Велигден на православните христијани

Поглаварот на Римокатоличката црква, папата Франциск денеска им го честиташе Велигден на православните христијани и верниците од источните цркви кои го слават според јулијанскиот календар, пренесе Ватикан њуз.

- Со најтопли чувства упатувам честитки до браќата и сестрите од православните цркви и некои источни цркви кои денеска го слават Светиот Велигден според јулијанскиот календар. Нека воскреснатиот Господ ги исполни сите заедници со радост и мир и да ги утеши оние кои поминуваат низ искушенија, рече папата на крајот од традиционалната неделна миса на плоштадот Свети Петар во Ватикан.

Во својата проповед пред неделната молитва, папата повторно повика на молитви за жртвите од поплавите во Бразил, како и за мир во Украина, Израел и на палестинските територии.