Вашингтон Пост: САД знаеја дека Украина планира да го разнесе Северен поток

САД имаа разузнавачки информации за деталниот украински план за напад на гасоводот „Северен поток“ три месеци пред да биде уништен со експлозив, пишува „Вашингтон пост“.

ЦИА минатиот јуни преку Европската шпионска агенција дознала дека тим од шест украински специјални оперативци имале намера да разнесат проект за природен гас од Русија до Германија, пишува весникот.

Извештајот на европското разузнавање беше споделен на платформата за разговор Дискорд (Discord), наводно од членот на националната гарда на воздухопловната гарда Џек Тешеира, кој неодамна беше обвинет за објавување чувствителни американски документи.

Вашингтон пост тврди дека добил копија од еден од онлајн пријателите на Тешеира.

Разузнавачкиот извештај се заснова на информации добиени од лице од Украина, пишува Вашингтон пост, додавајќи дека ЦИА го споделила извештајот со Германија и другите европски земји минатиот јуни.

Според Вашингтон пост, во деталите се наведуваат конкретни оперативци и методи на напад.

Тоа би значело дека речиси една година западните сојузници имаа причина да се сомневаат во саботажа на Киев.

Весникот тврди дека официјални лица во неколку земји потврдиле дека резимето на разузнавањето објавено на Дискорд точно го наведува она што европската агенција и го кажала на ЦИА.

Вашингтон пост се согласи да не го открива името на европската земја и некои аспекти од наводниот план на барање на владини претставници, наведувајќи ги ризиците за изворите и операциите.

Неколку подводни експлозии го оштетија Северен поток 1 и новоизградениот Северен поток 2 што ги поврзува Русија и Германија преку Балтичкото Море во септември 2022 година.

Експлозиите се случија во економските зони на Шведска и Данска.

Двете земји велат дека експлозиите биле намерни, но допрва треба да се утврди кој е одговорен. Двете земји, како и Германија, ги истражуваат инцидентите.

Вашингтон и НАТО го нарекоа инцидентот „чин на саботажа“. Москва го обвини Западот. Ниту една страна не презентираше докази за тоа кој ги извршил нападите.

Хоџај: Курти и Вучиќ го користат северот на Косово за да ја задржат власта

Хоџај, кој е и поранешен министер за надворешни работи на Косово, изјави дека косовскиот премиер го искористил северот на Косово како платформа за консолидирање на својата власт.

Потпретседателот на Собранието на Косово и Член на Претседателството на опозициската Демократска партија на Косово (ПДК), Енвер Хоџај, во врска со ситуацијата на северот на државата и прашањето за Заедницата на општини со српско мнозинство, вели дека премиерот Албин Курти во овие три години владеење делувал „целосно спротивно на меѓународните трендови и геополитичките промени“, јави дописникот на МИА од Приштина.

Хоџај, кој е и поранешен министер за надворешни работи на Косово, изјави дека косовскиот премиер го искористил северот на Косово како платформа за консолидирање на својата власт.

- Со војната во Украина, со војната во Газа, со евентуална војна во Тајван, меѓународниот поредок се распаѓа и господинот Курти дејствуваше целосно во спротивна насока од меѓународните трендови, од геополитичките промени, а пред се решил во име на една политика да го користи северот на Косово како платформа за консолидирање на својата власт, се цитира Хоџај од приштинскиот портал „Телеграфи“.

Според поранешниот шеф на косовската дипломатија. денес ситуацијата на северот на земјата им помага на Курти во Приштина и на српскиот претседател Александер Вучиќ во Белград да останат на власт.

Хоџај нагласи дека кога неговата партија била на власт, никогаш не ја искористила ситуацијата на северот на земјата за политички популизам.

- Ние (ПДК) дејствувавме во однос на северот на Косово, демонтирајќи паралелни структури, борејќи се против криминалот и организираниот криминал на северот на земјата, правејќи сé за да ја заокружиме државноста на Косово на северот на земјата, интегрирајќи ја српската заедница. Никогаш не сме ја искористиле ситуацијата на северот на Косово за политички популизам. Ова што се случува на северот на земјата не е во прилог на националниот интерес на косовската држава, рече Хоџај./МИА

Димитријевиќ по две години го напушти УНИКС

Македонскиот кошаркар Ненад Димитријевиќ по две години го напушти УНИКС, соопштија од рускиот клуб.

Во претходните две сезони Димитријевиќ беше најдобар играч на клубот и во ВТБ лигата. Тој одигра вкупно 50 натпревари во ВТБ лигата со просек од 18,6 поени, 3,6 скока и 1,2 украдени топки на 30 минути игра.

Италијанските медиуми објавија дека Димитријевиќ веќе има договор со челниците на Олимпија и дека до крајот на неделата ќе стане член на клубот од Милано. /МИА

Во Пакистан експлодира бомба крај пат, при што загинаа пет војници, а двајца се повредени

Најмалку пет војници загинаа, а двајца други се повредени денеска при експлозија на бомба покрај пат во близина на безбедносен конвој во северозападен Пакистан, соопштија официјални претставници.

Нападот се случил во областа Курам, поранешно упориште на милитантите во провинцијата Хајбер Пахтунхва, која граничи со Авганистан.

Во соопштението на армијата се наведува дека во тек е потрага по сторителите на нападот со цел да се елиминираат терористите присутни во тоа подрачје и дека „сторителите на овој грозоморен чин ќе бидат изведени пред лицето на правдата“./МИА

притисни ентер