Ракомет

Вардар без проблеми ја совлада Војводина

Вардар оствари победа од 36:32 над Војводина и ја оправда фаворитската улога на последното гостување во регионалната СЕХА лига за оваа сезона.

Тренерот Раул Гонзалез и на овој натпревар одмараше дел од ракометарите, а Вардар настапи без Арпад Штербик, Рожерио Мораеш и Иван Чупиќ.
„Црвено-црните“ на стартот поведоа со 3:1, а потоа одржуваа предност од три гола, која на полувремето се искачи на 12:17.

Домаќините го отворија второто полувреме со серија од 5:1 по која одново дојдоа само на гол негатива (18:19). Вардар рутински го држеше натпреварот под контрола и се одлепи на сигурна дистанца (19:23) и без многу емоции стигна до нова победа.

Најефикасен кај Вардар беше Лука Циндриќ со седум погодоци, а Игор Карачиќ и Хорхе Македа постигнаа по пет.

Владимир Бојаниќ и Божидар Надовеза со по шест гола беа најефикасни во составот на Војводина.

Вардар се наоѓа на врвот на табелата без пораз по 17 одиграни натпревари, од кои 16 се победи и едно реми.

Последниот натпревар од регуларниот дел на сезоната во СЕХА лигата „црвено-црните“ го играат дома на 13 март против Нексе./МИА

Забава

Фото:Девојката на екс фудбалер на Барса воодушеви со секси фотографии

Девојката на шпанскиот фудбалер и поранешна ѕвезда на Барселона, Марко Бартра е голем љубител на социјалните мрежи.

Убавата Џесика сега ги воодушеви следбениците на Инстаграм со атрактивни фотографии на која таа е облечена само во минијатурно бикини.

На фотките убавата Џесика Гојкочеа која е манекенка ја покажа својата совршена фигура и на тој начин собра голем број лајкови на социјалните мрежи.

Фудбал

Унион Берлин му врачи отказ на Бјелица

Бундеслигашот Унион Берлин се раздели со тренерот Ненад Бјелица, ден откако клупскиот претседател изрази поддршка на хрватскиот стратег.

Унион загуби со 3-4 на домашен терен од ривалот за испаѓање Бохум во неделата и се наоѓа на еден бод и едно место над плеј-офот за опстанок на два натпревари до крајот на сезоната.

Бјелица седна на клупата на Унион во ноември откако Урс Фишер беше отпуштен по серијата слаби резултати, и покрај тоа што го обезбеди првиот настап во Лигата на шампионите претходната сезона.

Унион соопшти дека клубот на двата завршни натпревари ќе го предводат Марко Гроте, заедно со сегашниот помошник тренер Мари-Луиз Ета, првата жена која предводеше машки тим на натпревар од Бундеслигата.

Свет

Макрон ја поздрави намерата на Кина да се воздржи од продажба на какво било оружје на Москва

Францускиот претседател Емануел Макрон за време на денешната заедничка прес-конференција со претседателот Си Џинпинг во Париз, ги поздрави „намерите на Кина да се воздржи од каква било продажба на оружје“ и „каква било помош за Москва“.

Шефот на француската држава, исто така, ја поздрави „подготвеноста“ на неговиот кинески колега „да ги замоли сите заинтересирани страни“ во различни конфликти на „олимписко примирје“ за време на летните Олимписки игри во Париз.