Градоначалникот Стефчо Јакимовски објаснува дека барањето до ЕСМ е поднесено поради вкупен долг од над 8 милиони денари во овие училишта, кој според Закон требал да биде подмирен од страна на Владата. Јакимовски додава дека ваков долг од 6 милиони денари имало и лани, но бил подмирен од страна на општината иако тоа не било нивна обврска.

Од Владата велат дека ќе ги проверат ваквите информации

Произведните капацитети и дистрибутивните мрежи се комлетно подготвени за почетокот на грејната сезона – информираат од ЕСМ. Но оттаму посочуваат во некои објекти се уште не се обезбедени потребните услови за испорака на топлинска енергија. ЕСМ апелира сите до потрошувачите да ги отстранат дефектите во внатрешната инсталација, а управителите на зградите да овозможат непречен пристап на службените лица до топлинската станица..

Согласно податоците во Центарот за грижа на потрошувачи, во моментов има 117 затворени објекти, од кои 25 објекти имаат прекин на довод на електрична енергија во топлинската станица, во 23 објекти, екипите на операторот на дистрибутивниот систем немаат пристап до топлинската станица и 69 објекти се оневозможени да добијат испорака на топлина од системот за централно греење поради дефект во внатрешнатаинсталација на објектот.

Од ЕСМ најавија и дека во текот на наредните месеци ќе се спроведува поставувањето на топловодот под мостот Беласица, а се очекува комплетно да биде подготвен за ставање во фукција во текот на грејната сезона. Додека траат активностите за поставување на новите цевки, исто како и минатата година ќе се користи алтернативниот вод на железничкиот мост, за кој што од ЕСМ уверуваат дека има доволен капацитет за непрекинато снабдување со топлинска енегргија до потрошувачите.

По пожарот кој го зафати мостот Беласица ЕСМ и Град Скопје си ја префрлаа топката чија одговорност е поставувањето на топловодните цевки. Повеќе од една година подоцна и 15тина дена пред почетокот на грејната сезона, од ЕСМ започнаа со активности за поставување на цевките.