Од утре почнува вакцинацијата против сезонски грип. Од министерството за здравство информираат дека во државата се пристигнати 60 000 дози на вакцини наменети за бесплатна вакцинација, со кои ќе бидат опфатени следните ризични групи:
Со бесплатната вакцинација ќе бидат опфатени следните ризични групи:
- Стари лица (над 65 години)
- Лица со хронични заболувања
- Здравствени работници
- Бремени жени
- Децата на возраст од 6 месеци до 5 години
- Лица сместени во установи за социјална заштита на стари лица и лицата вработени во установи за социјална заштита на стари лица.
Овие лица можат да се пријават на веб страницата vakcinacija.mk, а по пријавата преку смс пораќа ќе добијат известување за точниот датум, час и место за вакцинирање.
Секој граѓанин надвор од оваа група кој сака да ја прими вакцината тоа може да го направи во Центарот за јавно здравје, со надоместок од 700 денари, информира директотор Бесим Зеќири. Тој уверува дека вакцината е безбедна за секој, почнувајќи од лица на 6 месеци па до повозрасните групи.
-Кај нас може да се јави секој што е заинтерсиран да ја прими вакцината. Првично се врши преглед од доктор и доколку не постојат контра индикации се аплицира вакцината. Практично не постојат контра индикации, ги штити сите лица над 6 месечна возраст па до повозрасните групи. Штити максимум 1 година, затоа идеата е секоја година да се вакцинираме против сезонски грип.-Бесим Зеќири – директор на Центарот за јавно здравје.
Од Министерството за здрвство велат дека вакцинацијата против сезонски грип е најефикасна мерка за превенција на грип, која спречува појава на потешки форми, компликации и смртен исход ,особено кај ризичните групи.
На граѓаните, достапни се уште им се и вакцините за Ковид, но од здравствениот дом – Скопје велат дека интерес нема.