Култура

Урната комуникациска бариера за слепите, промовиран софтвер за синтеза на македонски говор

Министрите за труд и социјална политика Спиро Ристовски и министерот за информатичко општество и администрација Иво Ивановски, денеска ја промовираа првата верзија на софтвер за синтенза на говор на македонски јазик.

Софтверот генерира аудио говор од електронски содржини и е наменет за слепите лица. Бесплатен е и секој што сака ќе може да го користи без надомест.

- Денеска направивме огромен чекор, рушиме уште една бариера за слепите лица - комуникациската. Овој ткн. ТТС, софтвер (текст во говор) ќе им овозможи достапност до целокупното општествено опкружување, загарантиран пристап до информациите, нивно примање и испраќање. Со тоа значително ќе се подобри квалитетот на животот, истакна министерот Ристовски.

Како што рече министерот Ивановски сегашната првична верзија допрва ќе се усовршува се до добивање максимално чист човечки говор.

- Софтверот е одличен почеток, но мора да продолжиме со негов одржлив развој. Во спротивно целиот процес ќе згасне, нагласи Коце Димов од Сојузот на слепи.

ТТС софтверот го изготви тим професори од Факултетот за информатички науки и компјутерско инженерство (ФИНКИ). Според Димитар Трајанов, деканот на Факултетот, изработката на ваков систем е исклучително тешка и траеше речиси цела година.

Говорот на македонски што се генерира при читање, какви било електронски содржини на интернет е гласот на презентерката Ленче Смилевска од МРТ.

Како што беше речено, од вкупно 2.500 слепи лица во Македонија, 70 целосно слепи активно користат компјутер. На некои од членовите од Сојузот денеска по презентацијата им беа поделени и компакт дискови за инсталирање на софтверот

Живот

Фатена чудна кинеска банда: Фалсификувале монети од две евра?!

Чудна банда кинески фалсификатори е фатена во Шпанија, која правела лажни монети од две евра.

Ова е чудна идеја на фалсификаторите бидејќи во Европската Унија најчесто се фалсификуваат банкноти од 50 и 20 евра, што е и логично - тие се најобични банкноти, и има многу мали шанси некој да ги земе под микроскоп. од банкноти од 100 или 200 евра, пренесува Дојче веле.

Со помош на Европол, шпанската полиција во Толедо разби синџир фалсификатори на пари кои фалсификувале половина милион „висококвалитетни“монети од две евра.

Полициската акција е опишана како „најважната“ против фалсификувањето на пари во Европа во последните 10 години.

Уапсени се 10 кинески државјани, а шпанската полиција соопшти дека ги бркала шест години. Се вели дека монетите се исклучително тешки за следење.

Монетите немаат холограми и безбедносни печати како хартиените пари. Но, повторно имаат доволно карактеристики што тешко се копираат.

Кошарка

Во Италија тврдат: Димитријевиќ ќе биде ново засилување на Олимпија Милано

Познатиот италијански новинар Андреа Калцони во ексклузивна вест денеска вели дека нашиот најдобар кошаркар и актуелен член на Уникс Казан, Ненад Димитријевиќ, својата кариера ќе ја продолжи во Олимпија Милано.

– Ненад Димитријевиќ ќе биде второто засилување (после Џош Небо) за следната сезона. Договор на три години за македонскиот плејмејкер, објави новинарот на социјалните мрежи.

Станува збор за клуб кој редовно настапува во Евролигата, а сезонава во регуларниот дел заврши на 12-тото место.

Популарниот Нено сезонава покажува одлични игри во дресот на рускиот клуб и беше избран за МВП во регуларниот дел на сезоната.

Македонија

Гордана Сиљановска-Давкова и Стево Пендаровски во „ПРЕТСЕДАТЕЛСКИ ДУЕЛ ЗА МАКЕДОНИЈА“

Дами и господа, утре Канал 5 Телевизија ќе ви го претстави последниот претседателски ПРЕТСЕДАТЕЛСКИ ДУЕЛ ЗА МАКЕДОНИЈА, помеѓу кандидатите Гордана Сиљановска-Давкова на ВМРО-ДПМНЕ и Стево Пендаровски на СДСМ.

Време за промени или за реформи, чекор напред, или статус-кво, што ќе им понуди Пендаровски на гласачите да го задржи тронот, а што Сиљановска да го освои?

Лојален на ветеното или на партијата, каков претседател сакаат граѓаните?

Политички инжињеринг или пародија, се кројат ли договори под маса уште пред да се знаат бројките? Ќе го надомести ли СДСМ пропуштеното во првиот круг? Можен ли е бојкот?

Продолжување на европскиот пат или отворање на Пандорината кутија, што ќе се случува на 9 Мај?