Култура

Трибина на Друштвото на филмски работници за состојбата во македонскиот филм

Друштвото на филмски работници на Македонија во соработка со Агенцијата за филм на Македонија одржа трибина за состојбата во македонскиот филм и за неопходноста од промена на Законот за филмска дејност.

Oд Друштвото соопштија дека низ конструктивна атмосфера се дискутирало за проблемите во македонскиот филм и за начинот како тие да се надминат. Била формирана работна група која ќе ги сублимира забелешките за постојниот Закон за филмска дејност и на наредната средба тие ќе бидат подготвени во форма на предлог до Министерството за култура.

В.д. директорот на Агенцијата за филм Горјан Тозија ги запознал присутните за лошата состојба во која се наоѓа институцијата и неговите размислувањa за начинот на кој тој ќе раководи со неа.

Од присутните била искажана поддршка за погледите и насоките што тој има намера да ги спроведе. Било изразено задоволство што за прв пат на чело на најважната филмска институција е поставен човек од фелата со кој може отворено и транспарентно да се дискутира за проблемите во филмската дејност. /МИА

Македонија

Мицкоски: Христовото Воскресение е многу значаен ден, да се обединиме, да се сплотиме..

Христовото Воскресение е многу значаен ден, да се обединиме, да се сплотиме како народ и како нација.

Ќе ми дозволите да го честитам на сите православни христијани овој голем ден, значаен дел, Христовото Воскресение. И да им посакам хармонија, спокој, ним и на нивните семејства.

Истото сакам да го посакам на сите граѓани во Македонија, насекаде во светот без разлика на верската припадност.

За нас православните христијани Христовото Воскресение е многу значаен ден и во име на тоа дозволете денеска да уживаме во мирот, во спокојот.

И да се обединиме, да се сплотиме бидејќи како народ и како нација тоа ни е потребно во деновите, месеците, и годините кои што следат.

Христијан Мицкоски, претседател на ВМРО-ДПМНЕ

Центар за комуникации на ВМРО-ДПМНЕ

Фудбал

Чави по поразот од Жирона: Можеби ни недостасува зрелост

Тренерот на Барселона, Чави Ернандез даде свое мислење по вчерашниот натпревар против Жирона. Барса го загуби каталонското дерби со 2-4 и на тој начин Реал Мадрид ја обезбеди титулата во Ла Лига на четири кола до крајот.

-Ја загубивме контролата врз играта поради огромните грешки, кои се неприфатливи на ова ниво. Вакви работи се случуваат цела сезона и не чинат вредни бодови. Можевме да победиме, но грешките што ги направивме се покажаа како одлучувачки. Ни недостигаше ефикасност и во нападот, а тешко е да се добиваат такви натпревари. Мораме да промениме многу работи за да се бориме за титулата следната сезона. Можеби ни недостига зрелост. Повеќето од нашите играчи се доста млади. Ќе ги донесеме вистинските заклучоци и ќе ги исправиме нашите слабости, нагласи Чави по мечот.

Тој му честиташе на Реал Мадрид за титулата.

-Собраа најмногу бодови и затоа се шампиони, додаде тренерот на Барселона.

Свет

Унгарија е подготвена за претседавање со ЕУ, тврди унгарскиот заменик-министер за ЕУ прашања

Унгарија е подготвена да го преземе претседавањето со Европската унија на 1 јули, изјави денеска унгарскиот заменик-министер за ЕУ прашања, Пал Барна Жигмонд.

Во објава на Фејсбук, тој истакна дека во сегашното политичко и економско опкружување, претседавањето со ЕУ ќе биде „возбудлив предизвик“, пренесува МТИ.

Жигмонд го цитираше претседателот на Европскиот совет, Шарл Мишел, кој вели дека е уверен и полн со надеж во врска со унгарското претседателство и истакна дека моментално премиерот Виктор Орбан е единствениот шеф на Влада во ЕУ кој ќе раководи со ротирачкото претседателство по втор пат.