Свет

Трамп вечераше со Марк Закерберг- за што разговарал со сопственикот на Фејбук?

Основачот на Фејсбук, Марк Закерберг вчера го посетил Мар-а-Лаго, каде што се сретнал со новоизбраниот американски претседател Доналд Трамп и членовите на неговата претстојна втора администрација.

Извршниот директор на Мета бил виден со силно обезбедување и бројни членови на персоналот додека престојувал во приватниот клуб на Трамп во Палм Бич вечерта, изјави извор за Политико.

На Фокс њуз, Стивен Милер, заменик-шефот на кабинетот на администрацијата на Трамп, го потврди извештајот за присуството на Закерберг, велејќи дека тој „јасно ја изразил својата желба да ги поддржи и да учествува во промените што ги гледаме низ Америка, ширум светот во ова реформско движење што го води Доналд Трамп“.

Портпаролот на Мета, исто така, ја потврди средбата, велејќи во изјавата дека Закерберг е „благодарен“ за поканата да му се придружи на Трамп на вечера и да се сретне со другите членови на претстојната администрација.

„Ова е важен момент за иднината на американските иновации“, изјави портпаролот на Мета.

Трамп јавно го критикуваше Закерберг во последниве години, осудувајќи ја неговата одлука да одвои стотици милиони долари за изборната инфраструктура во 2020 година, што Трамп го опиша како мешање во изборите. Тој постојано сугерираше дека Закерберг треба да заврши во затвор и се закани дека ќе го стори тоа доколку и оваа година инвестира слични суми во изборната инфраструктура.

Сепак, и двајцата во последните месеци навестија дека нивната врска се подобрува. Трамп на подкастот „Bussin' With The Boys“ во октомври рече дека се чувствува подобро во врска со Закерберг, нарекувајќи го „убаво“ што овој пат „останува надвор од изборите“ и му се заблагодари на Закерберг што му се јави по обидот за атентат на 13 јули во Батлер, Пенсилванија.

„Ќе видиме што ќе излезе од тоа“, изјави Милер за Фокс њуз за интересот на Закерберг да работи со Трамп.

„Марк очигледно има свои интереси, своја компанија и своја агенда, но јасно стави до знаење дека сака да ја поддржи националната обнова на Америка под водство на Трамп“, заклучи Милер.

Живот

Позната инфлуенсерка крадела по маркети, ја откриле според облеката во која се снимала (ВИДЕО)

Популарната инфлуенсерка Марлена Велез е уапсена откако наводно крадела од познатиот американски маркет Таргет во Флорида.

Од продавницата велат дека прво не знаеле која е девојката, но подоцна ја идентификувале како Марлена Велез. Девојката на 30 октомври влегла во продавницата во Кејп Корал и почнала да се снима како купува разни производи.

Откако ја наполнила корпата, отишла на касата за самопослужување каде скенирала баркодови за производи со помала вредност од она што всушност го купила. Откако наводно завршила со купувањето, таа ја напуштила продавницата.

„Нашите полицајци првично добија пријава од Таргет за оваа малопродажна кражба. Добија безбедносна снимка. Имаа фотографија од жена во продавницата која купува“, рече Мерцедес Симондс, службеник за информации во полицискиот оддел на Кејп Корал.

Полицијата соопшти дека украдените предмети, вклучително и предмети за домаќинство и облека, биле проценети на повеќе од 500 долари.

@marlenavelezz didn’t realize how far we were from the camera 🥲 - #momsoftiktok #momlife #sahmof2 #sahmoftiktok #familyof4 #ootd #ootn #familyootd #momof2 #toddlermom #sahmlife #softlife #momootd ♬ thang for you . - PrettyjawnsloveMacho

Откако полицијата објави слика од осомничената на своите профили на Фејсбук и Инстаграм, анонимно лице пријавило дека ја видело жената. Полицијата веднаш по пријавата излегла на терен

Само неколку минути пред наводната кражба, Марлена објавила видео на својот TikTok како се подготвува да го напушти својот дом. Истиот ден, само кратко време подоцна, таа била видена облечена во истата облека во продавницата Таргет.

@cnn Social media influencer Marlena Velez was arrested for theft after police used her own posts to find her, according to a Cape Coral Police press -release. Police tracked down the suspect after an anonymous caller helped them identify the suspect on Instagram and TikTok. #CNN #news #Target #Florida ♬ original sound - CNN

Велез сега е обвинет за кражба, а истрагата се уште е во тек.

Свет

УНРВА: Околу 15.000 бремени жени во Газа се на раб на глад

Агенцијата на Обединетите нации за помош и работа на палестинските бегалци на Блискиот Исток (UNRWA) предупреди дека 15.000 бремени жени се на работ на глад во Појасот Газа, кој е под интензивни израелски напади повеќе од една година, јавува Anadolu.

Во објавата на X, вниманието го привлече ситуацијата во Газа.

Беше наведено дека во Газа има околу 50.000 бремени жени и дека само следниот месец се очекуваат 4.000 раѓања.

„Околу 15.000 од нив веројатно ќе бидат на работ на глад“, предупреди УНРВА.

Во соопштението се нагласува дека обилните дождови и ограничената помош ја влошиле состојбата на раселените луѓе во Газа.

Исто така, е наведено дека 2024 година беше „најсмртоносната година за хуманитарните работници“ со 281 смртен случај ширум светот, од кои повеќето вработени на УНРВА во Газа.

Живот

Се обидел да си ги згрее нозете, му екплодирала батеријата во чизмите и останал инвалид (ФОТО)

Томас С. (47) завршил во Универзитетската болница во Минстер со сериозни повреди кога во неговата позната марка чизми експлодирала батерија од влошка за загревање на нозете.

Томас отишол на шопинг во градот со своето семејство во саботата наутро. Во чизмите ставил електрични греалки за стапала бидејќи со години страдал од студени стапала и раце.

Кога стигнал пред продавницата со семејството, застанал на паркинг простор и наеднаш дошло до „експлозија“. Почувствувал силна болка во стапалото, но ништо не му било јасно...

"Одеднаш почувствував исклучително силна болка во стапалото, стоев во облак од чад. Веднаш ми беше јасно дека само батеријата може да експлодира", објаснува за Билд Томас С.

Отпрвин не можел толку брзо да се ослободи од тој запален извор на топлина и само си помогнал кога ги одврза врвките, што траело кратко.

Кога успеал да се ослободи од чизмите, побрзал да си ја олади ногата. Чорапот му изгорел, а стапалото му било во саѓи и црно, додека кожата му се лупела.

"Изгледаше лошо. Веднаш ми беше јасно дека се работи за многу сериозна повреда", рекол Томас и додал дека жената го однела во итната медицинска помош.

Веднаш бил примен кај пластичен хирург кој ја исчистил и ја преврзал раната, но не бил сигурен дали кожата ќе треба да се трансплантира.

„Ќе знаеме утре дали треба да направиме кожни графтови. Бидете подготвени за фактот дека можеби ќе треба да ја оперираме“, му рекол хирургот.

Томас С. сега сака да ангажира адвокат и вели дека сите „треба добро да размислат дали сакаат да купат такви електрични производи или да се префрлат на алтернатива“.

Внимание советува и Донато Муро (39), експерт за безбедност и заштита од пожари и истакнува дека „вакви инциденти се многу ретки, но се случуваат“.

„За жал, вакво нешто не е вообичаено, но се случува. Колку е потенка вградената батерија, толку е поподложна на оштетување. Ознаката „CE“ (како што се наоѓа на ѓонот) нема многу смисла , додека отпечатокот „UN 38.8“ укажува на тестиран квалитет“, објаснува Донато.

притисни ентер