Свет

Трамп се вози во голф- количка и ги пцуе Бајден и Камала Харис (ВИДЕО)

Доналд Трамп ги нарече американскиот претседател и неговиот ривал на претстојните избори „скршен куп го*на“ кој е на работ да „испадне од трката“, во тајно снимено видео објавено од Дејли Бист.

На видеото се гледа како 78-годишниот Трамп седи во количка за голф и држи куп пари, објави Дејли Бист.

„Како поминав во дебатата пред некоја вечер? Го клоцав тој стар, скапан куп го*на. Тој се откажува од трката“, им рекол Бајден на толпата луѓе во близина.

„Го исфрлив од трката, а тоа значи дека ја имаме Камала. Мислам дека таа ќе биде подобра. Таа е толку лоша. Таа е толку патетична. Таа е само толку е*ана лоша“, продолжи Трамп.

„Можете ли да замислите Бајден да има работа со Путин и претседателот на Кина, кој е тврд човек? Тој е тврд човек. Многу тврд човек“, заврши Трамп.

Да потсетиме, по лошиот настап на Бајден на минатонеделната дебата, многу демократи и аналитичари побараа Бајден да се откаже од трката поради сѐ повидливите проблеми со неговото здравје. Воедно, тоа беше и голема победа за Трамп, кој според анкетите води во трката за претседателската функција, иако оваа предност најчесто е на ниво на статистичка грешка.

Македонија

Утре сончево со температури до 39 степени, а во следните денови наместа уште потопло

 Времето утре ќе биде сончево и многу топло со мала до умерена локална облачност. Ќе дува слаб до умерен ветер од северен правец.

Минималната температура ќе биде во интервал од 13 до 21, а максималната ќе достигне од 33 до 39 степени. УВ индексот ќе изнесува 9.

Во Скопје времето ќе биде сончево и многу топло со мала облачност. Ќе дува слаб до умерен ветер од северен правец. Минималната температура ќе се спушти до 19, а максималната ќе достигне до 39 степени.

Во наредните денови следува период на многу топло време со дневна температура која насекаде ќе биде над 30, а наместа ќе достигнува 40 степени. Во попладневните часови претежно во планинските подрачја ќе има изолирана појава на нестабилност со краткотраен дожд и ретки грмежи.

Живот

Фото: Најубавата скриена плажа во Европа 2024!

Престижниот американски магазин Форбс ја одреди најубавата скриена плажа во Европа во 2024 година.

Позната по својата природна убавина и уникатниот пејзаж, плажата Пасјача во Хрватска е прогласена за најубава скриена плажа во Европа во 2024 година.

Се наоѓа во селото Поповиќи во Конавле, блиску до Дубровник и Цавтат, и е позната по својот нереален изглед кој привлекува фотографи и инфлуенсери од целиот свет, дури и само да фотографираат.

Кристално чистото море и спектакуларниот поглед на Јадранското Море ја прават оваа плажа совршена за љубителите на природата. Самата патека која води до плажата е издлабена во карпа и нуди прекрасен поглед на морето.

Оваа необична и по малку авантуристичка патека е омилена меѓу туристите кои сакаат да се фотографираат и да уживаат во природните убавини.

Автомобилизам

Кинескиот бренд на електрични возила „BYD“ според продажбата се поблиску до Тесла

Водечкиот кинески производител на електрични возила, BYD, се израмнува со „Tesla“ во продажба на автомобили, според податоците за продажба објавени од Reuters.

Компанијата објави зголемување од 21 отсто во продажбата на електрични возила во вториот квартал - тоа е 426.039 ЕВ од април до јуни, само 12.000 возила помалку од проценетите испораки на Тесла за истиот временски период.

Ова го става „BYD“ во добра позиција да стане водечки снабдувач во светот, оценува британската агенција.

Претходно, „Tesla“ објави пад од пет проценти во испораките за минатиот квартал, што е прв пат компанијата да доживее пад во два последователни квартали. Производството е намалено за повеќе од 20.000возила во споредба со првиот квартал.

Има многу фактори кои придонесуваат за падот на Tesla, но најголемиот веројатно е фактот што Тесла ги напушти моделите од ниска класа во корист на роботаксија и „луксузни модели“ од нерѓосувачки челик како „Cybertruck“.

Од друга страна пак автомобилите на BYD се евтини.

притисни ентер