Автомобилизам

Тојота подготвува електричен модел со автопилот како оној на Тесла

Јапонскиот производител планира на кинескиот пазар следната година да го лансира првиот електричен автомобил опремен со напреден систем за автономно возење налик на Тесла, објави „GAC Toyota“.

Заедничкото вложување со кинеската државна групација „GAC“ има за цел да го врати пазарниот удел на јапонскиот производител на автомобили во Кина со тоа што ќе ги достигне кинеските ривали во технологиите за хибридни, батерии и паметни возила.

Групата објави голем број цели за иновации на настанот во Гуангжу денес, пренесува Ројтерс.

„GAC Toyota“ најави дека следната година ќе го лансира теренецот „Bozhi 3X“, како прв модел кој ќе биде опремен со систем кој ќе овозможи напредна помош при возење за паркирање и навигација на автопати и градски сообраќај.

Ова ќе обезбеди нејзино лидерство во понудата на технологија за автономно возење меѓу сите странски брендови во Кина, се вели во соопштението.

„GAC Toyota“ го развива системот со „Momenta Global“, стартап кој развива софтвер за автономно возење за производителите на автомобили вклучувајќи го и „Mercedes-Benz“.

Работи и со „Huawei“ за да може да користи софтвер за контрола на возилата, почнувајќи со електричен седан кој ќе биде лансиран во 2025 година на кинескиот пазар.

Извор: Б92

Свет

САД ги обвинија Русија и Кина дека „бесрамно ја штитат“ Северна Кореја

 САД упатија критики до Русија и до Кина пред Советот за безбедност на ОН дека „бесрамно ја штитат“ и ја охрабруваат Северна Кореја да продолжи да ги крши санкциите на ОН.

„Русија и Кина бесрамно го бранат Пјонгјанг од каква било казна, па дури и од осуда на неговите дејствија“, рече заменик-постојаниот претставник на САД во ОН, Роберт Вуд на денешниот состанок одржан во врска со најновото тестирање на интерконтинентална балистичка ракета од страна на армијата на Северна Кореја. /МИА

Свет

Нетанјаху, наводно, нуди милиони долари за секој ослободен заложник

 Во обид да обезбеди ослободување на заложниците кои ги држи Хамас, израелскиот премиер Бенјамин Нетанјаху е подготвен на нивните киднапери да им понуди неколку милиони долари, објави вечерва израелската телевизија Канал 12.

Премиерот е исто така подготвен да гарантира безбедно поминување од Газа за киднаперите да ги ослободат заложниците и нивните семејства, се додава во извештајот.

Нетанјаху даде инструкции за ова вечерва на безбедносна консултација.

Тој јавно разговараше за овие напори минатиот месец, објавија израелските медиуми./МИА

Македонија

Ахмети: Ако изгубам на избори, ќе се повлечам од политиката

Претседателот на Демократската унија за интеграција (ДУИ), Али Ахмети од вечерашната средба со граѓаните во Куманово нагласи дека доколку загуби на изборите ќе се повлече од политиката.

Ова изјава на Ахмети доаѓа неколку дена откако Коалицијата „Влен“ му порача дека ако тој навистина сака предвремени парламентарни избори, да депонира писмена гаранција дека кога ќе загуби, ќе си замине од политиката.

- Мораме да излеземе јавно, отворено да им кажеме, бидејќи овие не разбираат. Ние не сме заинтересирани да влеземе во Владата, но што е можно побрзо да ја напуштат владата, толку подобро е за нив, за нивните семејства, затоа што ова е црна страница за Албанците. Слушнав, бараат да потпишам кај нотар дека доколку со еден глас ги загубам изборите, нема да бидам дел од власта. Четврт век велам, ако ги изгубам изборите, се враќам дома, рече Ахмети.

притисни ентер