Цената на акциите на Tesla е повеќе од двојно зголемена од октомври минатата година, кога компанијата објави дека го затвори својот трет фискален квартал со профит. Претходно, позитивен деловен резултат беше забележан во последните два квартали од 2018 година.
Компанијата на Илон Маск сè уште не може да се пофали со позитивен резултат за целата деловна година.
Во средата, акциите на „Тесла“ пораснаа за четири проценти, а пазарната вредност на компанијата надмина 100 милијарди американски долари. Притоа, го дислоцираше германскиот Фолксваген од втората позиција во светот со пазарната капитализација.
Водечката позиција ја држи јапонската Тојота со 230 милијарди долари.
Некои аналитичари сметаат дека растот на цените на акциите на Тесла ги одразува добрите перформанси на компанијата во последните месеци. Неодамна Тесла отвори фабрика во Шангај што треба да послужи како отскочна даска во освојување на кинескиот пазар.
Бројот на испорачани автомобили сè уште заостанува зад традиционалните автомобилски гиганти. Така, во јануари објавија дека доставиле повеќе од 367.500 автомобили минатата година, 50 проценти повеќе отколку во 2018 година.
Фолксваген испорача скоро 11 милиони , а Тојота продаде нешто повеќе од девет милиони од јануари до ноември.