На средбата се разговарало за конкретни теми, како продлабочување на соработката и засилување на поддршката на жените жртви на семејно насилство и нивите деца, преку обезбедување на прифатилишта (шелтер центри) во целата држава.

Точка на разговор била и поддршката на руралните жени, во насока на обезбедување на услови за нивно активирање на пазарот на трудот и можности за згрижување на децата во предучилишни установи во средината каде што живеат. Ова, велат од Министерството, претставува двојна придобивка со тоа што тие стануваат и економско независни, а нивните деца вклучени во предучилишниот процес, од што бенефит имаат и самите тие и државата.

Од страна на Регионалната директорка, Санз Луке била искажана поддршка и во проектите и мерките за младите, со акцент на младите девојки и нивна поголема видливост во општеството.

Двете страни се согласиле на зајакната соработка преку заеднички проекти и потпишување на меморандум за соработка во областите кои ги покрива министерството.

Взаемниот заклучок на крајот бил дека доколку не се имплементираат законите, тие залудно се напишани на хартија.

Македонија, велат од Министерството за социјална политика, демографија и млади, направи значителен исчекор напред во заштитата на човековите права на жените со усвојувањето на Законот за спречување и заштита од насилство врз жените и семејно насилство и измените на Кривичниот законик.

„Денеска бев назначен за постојан известител на ЕП за Србија. Во продолжение на големото искуство што го стекнав и со познавање на состојбите во Западен Балкан како и политиката за проширување на ЕУ, ова назначување го гледам како признание за досегашната работа“, напиша Пицула на Инстаграм.

Пицула го поздрави фактот што политиката на проширување повторно е во фокусот на ЕУ, но нагласи дека пристапниот процес мора да се заснова на исполнување на критериумите.

„Очигледно има поголема политичка поддршка од претходно, но процесот на пристапување сепак мора да се заснова на исполнување на критериумите. Секоја земја треба да биде оценува поединечно според резултатите“, изјави тој.

Пицула е член на ЕП од 2013 година, оттогаш е член на Комитетот за надворешна политика (АФЕТ). На функцијата известител за Србија ќе го наследи словачкиот член на Европската народна партија (ЕПП), Владимир Билчик.

Бил министер за надворешни работи на Хрватска во владата на Ивица Рачан (2000-2003), пратеник во Парламентот, претставник на Парламентот во Парламентарното собрание на ОБСЕ.

Во претходното свикување на ЕП, тој беше известител за Црна Гора, како и известител на ЕП за Инструментот за претпристапна помош (ИПА III) и новиот План за раст на Европската унија за Западен Балкан, кој беше усвоен оваа година.

Политичките групи во Европскиот парламент неделава одлучуваат за своите постојани известители, по што Комитетот за надворешна политика на ЕП (АФЕТ) ќе објави список со имиња.

Според медиуми во Брисел, групата социјалисти и демократи, освен известител за Србија, ќе има и за Албанија, Европската народна партија за Босна и Херцеговина и Косово, либералната група Обнови ја Европа известители за Црна Гора и групата на Зелените - известител за Македонија.

Државната изборна комисија денеска на седница изгласа извештајот со кој констатира дека пратеник во Собранието за остатокот од мандатот согласно Изборниот законик станува Катерина Димитровска, на местото на Марија Митева од ВМРО-ДПМНЕ и Коалицијата „За твоја Македонија“.

Претседателот на ДИК, Борис Кондарко, информираше дека 114-тата седница е свикана по добивање на известување од претседателот на Собранието, со кое ги информира дека Собранието денеска на седница констатирало престанок на мандат на пратеничката Митева, која е избрана од листата на кандидати за пратеници за Изборната единица 1 поднесена од Коалицијата „За твоја Македонија“, предводена од ВМРО-ДПМНЕ.

- Согласно Изборниот законик, ДИК со свој допис го извести наредниот кандидат Катерина Димитровска, од листата на кандидати поднесена за пратеници во Собранието за ИЕ 1 од истиот овластен подносител - Коалицијата „За твоја Македонија“. ДИК доби писмено известување дека наредниот кандидат Катерина Димитровска го прифаќа мандатот за пратеник во Собранието за останатиот дел од мандатот согласно Изборниот законик, информираше Кондарко.

Извештајот, ДИК го изгласа едногласно и донесе заклучок да се достави до Собранието, за да продолжи процедурата за верификација на мандатот на Катерина Димитровска.

Марија Митева на седница на Влада на 8 октомври беше именувана за портпарол на Владата.