Свет

Таџ Махал е повторно отворен за туристите

Светски познатиот и монументален Таџ Махал во Индија повторно се отвора за јавноста, иако земјата сè уште е среде вториот бран пандемија, а брза да ги укине ограничувањата во обид да ја заживее економијата.

Легендарниот споменик, дел од светското наследство од 17 век, изградено од императорот Мугал Шах Јахан во северниот град Агра, беше затворено на почетокот на април, бидејќи Индија воведе строги мерки за затворање за да се спречи наглиот пораст на инфекциите со коронавирус, кој сè уште убива илјадници секој ден.

Само 650 туристи ќе можат да влезат во Таџ Махал во исто време, изјави Прабху Синг, окружен судија во Агра. Споменикот од бел мермер обично го посетуваат седум до осум милиони луѓе годишно, или во просек повеќе од 20 000 луѓе на ден.

Државата Утар Прадеш, каде се наоѓа Агра, објави 270 нови инфекции во текот на ноќта и 56 смртни случаи. Таа е меѓу најтешко погодените држави, според вкупниот број на случаи на инфекција. Другите федерални заштитени споменици, вклучувајќи ги и Ред Форт и Кутуб Минар во Њу Делхи, исто така се отвораат за туристите, и покрај предупредувањата во втората најнаселена земја во светот дека обновениот народ во поголемите градови се заканува со нов пораст на бројот.

Индиските медиуми оваа недела објавија зголемен број туристи на северната планинска станица Шимла, позната по своите погледи на завеаните врвови на Хималаите, што дополнително го разгорува стравот од ширење на вирусот.

Индиското Министерство за здравство пријавило повеќе од 62.224 новоинфицирани во текот на последните 24 часа, нешто повеќе од претходниот ден, но сепак е далеку под мајскиот максимум од над 400.000 дневни инфекции. Вкупниот број на случаи во оваа јужноазиска земја сега е 29,63 милиони, додека бројот на починати е 379.573, покажуваат податоците. Индија во текот на ноќта забележала 2542 смртни случаи.

Свет

Северна Кореја тестираше тактички балистички ракети со нов систем за наведување

Северна Кореја денеска потврди дека вчера тестирала балистичка ракета со нов систем за наведување, а на тестот присуствувал и севернокорејскиот лидер Ким Џонг-ун.

- Ким изрази задоволство по повод успешното тестирање на ракетата, објави севернокорејската новинска агенција КЦНА.

Јужнокорејската армија вчера соопшти дека Северна Кореја лансирала повеќе балистички проектили со краток дострел кон Источно Море.

Тестирањето се случи само еден ден откако САД и Јужна Кореја имаа заедничка вежба со стелт борбени авиони при што се симулираше борба во воздух. /МИА

Македонија

Ново електрично возило ,,Грин Машинс”од велешки БРАКО претставено во Германија

На саемот ИФАТ во Германија претставено е ново електрично возило за чистење од Македонија. 

Велешката фирма БРАКО разви нов модел на свипер, односно електрична метларка за одржување хигиена. На саемот во Минхен електричните и хидрогенските возила на БРАКО од брендот Грин Машинс го привлекоа виманието на посетителите, главно општини, специјализирани претпријатија и компании за јавна хигиена.

Покрај постоечките возила за чистење на електричен и водороден погон од својот бренд Грин Машинс, велешки БРАКО во Минхен претстави ново возило целосно развиено од инженерите во БРАКО. Моделот 720 ZE работи со технологија од последната генерација, со вградени мотори во задните тркала и управување на сите четири тркала, има поголем контејнерски простор, 360◦ камера и помала тежина од конкурентските возила во својата категорија. Ова е осмо возило во програмата на Грин Машинс.

,, На овој саем гордо го претставуваме нашето портфолио, ја претставуваме првата електрична метларка во светот, првата метларка на хидрогенски погон, и сега нашето најново достигнување, моделот 720 ZE.

Ние сме особено горди што целиот развој на ова возило е направен во Македонија, од страна на нашиот тим од инженери. Тоа значи дека сите механички, дизајнерски и софтверски решенија се направени тому од нашиот тим”, рече Ангел Анѓушев-директор на ,,Грин Машинс’’ на БРАКО.

Во развојот свој придонес дадоа и експерти од Машинскиот факултет во Скопје.

Од Грин Машинс на БРАКО сметаат дека новото возило ќе отвори нови пазари, таму каде се бараат возила за чистење со овие перформанси. Досега македонските електрични метларки се продаваат во 60 држави и ги чистат сите светски метрополи.

Од БРАКО велат дека нивните електрични и хидрогенски возила се поквалитети и поевтини од тие на светската конкуренција, и затоа успеваат успешно да се борат со американски, германски и француски производители. Додаваат и дека е полесно да се развие и произведе патничко возило, отколку возило за чистење - кое треба да се направи и да вози и да извршува задачи, соопштуваат од компанијата .

Култура

„Хрватска вечер“ на фестивалот „Поетски синтези - 2024“ во Битола

о рамки на 13. Меѓународен фестивал „Поетски синтези - 2024“ што беше отворен синоќа во Битола, денеска ќе се одржи „Хрватска вечер“. Промовирани ќе бидат книгите на Дарија Жилиќ, Диана Буразер, Валерио Орлиќ и Срџан Духовиќ, сите од Хрватска.

Фестивалот почна со доделување на наградата „Поетска муза“ за најдобра интерпретација и композиција на песна која ја доби хрватскиот поет Валерио Орлиќ, а ЗГ „Нова“ ја додели наградата „Поетски хоризонти“ на хрватската поетеса Диана Буразер за најзината книга „Рајски јаболка“ како најдобра книга објавена меѓу две лета во издание на Здружението „Нова“ од Битола.

„Поетски синтези - 2024“ се одржува во Домот на културата. Го отвори претседателката на Здружението за наука и култура „Нова“ Мирјана Стојановска. Со своја поезија се претставија 15 поети од Хрватска, Италија, Црна Гора, како поети од Битола, Скопје, Гостивар и Ресен. Во музичкот дел се претставија дуото Александар Талевски на гитара и Билјана Талевска-вокал со арија од Џузепе Џордани.

Фестивалот се организира под покровителство на Министерството за култура и општина Битола. /МИА

притисни ентер