Здравје

СЗО го одржува првиот самит за традиционална медицина

Светската здравствена организација денеска го одржува својот прв самит за традиционална медицина, со предупредување дека третманите со природни производи можат да бидат ефикасна алтернативна здравствена заштита само ако научно се докажани.

Традиционалните лекови се „прво пристаниште за милиони луѓе ширум светот“, соопшти здравствената агенција на ОН, при што разговорите во Индија ги здружија креаторите на политиката и академиците кои имаат за цел да „мобилизираат политичка посветеност и акција заснована на докази“.

Шефот на СЗО, Тедрос Аданом Гебрејесус, рече дека традиционалната медицина може да ги зајакне „празнините за пристап“ во здравствената заштита, но има вредност само ако се користи „соодветно, ефективно и пред сè, безбедно засновано на најновите научни докази“.

Дводневниот глобален самит за традиционална медицина на СЗО се одржува заедно со состанокот на министрите за здравство на Г20 во индискиот град Гандинагар.

„Унапредувањето на науката за традиционалната медицина треба да се држи според истите ригорозни стандарди како и во другите области на здравството“, рече шефот за истражување на СЗО, Џон Ридер.

Индискиот премиер Нарендра Моди, кој се очекува да ја отвори конференцијата на СЗО преку видео порака, во неколку наврати ги промовираше здравствените придобивки од јогата, величајќи ја како „панацеа“ за стрес.

Самитот, што треба да стане годишен настан, следи по отворањето минатата година на Глобалниот центар за традиционална медицина на СЗО, во индиската држава Гуџарат.

Свет

Белгискиот Универзитет во Гент ја прекина соработката со три израелски институции

Белгискиот Универзитет во Гент (UGent) ги прекинува врските со три израелски образовни и истражувачки институции поради тоа што повеќе не се усогласени со политиката за човекови права на Универзитетот, изјави ректорот Рик Ван де Вале.

- Прекинати се врските со Технолошкиот институт Холон, Истражувачкиот институт МИГАЛ Галилеја и Центарот Волкани, што врши земјоделски истражувања. Во моментов ги оценуваме тие три партнери како (многу) проблематични според тестот за човекови права на Универзитетот во Гент, за разлика од позитивната оценка што ја дадовме на овие партнери на почетокот на нашата соработка, посочи Ван де Вале.

Тој додаде дека соработката е прекината поради поврзаност со израелските министерства и поддршката на армијата во операциите во Појасот Газа.

Пропалестински демонстранти во Гент протестираа против израелската воена офанзива во Газа и окупираа делови од Универзитетот од почетокот на мај.

Демонстрантите ја поздравија одлуката на Универзитетот во Гент, но ја оценија само како прв чекор. Тие најавија дека ќе продолжат со блокада на делови од образовната институција „додека Универзитет не ги прекине врските со сите израелски институции“. /МИА

Фото: Фејсбук на Гент

Македонија

Одбележани 81 година од смртта на првоборецот Иљо Антески Смок во Тетово

Во Тетово денеска се одбележаа 81 година од смртаа на првоборецот Иљо Антески-Смок. Одбележувањето се одржи пред неговиот споменик во населбата Два бреста каде повеќе делегации положија букети цвеќе, а беше одржан и историски час за негово дело и лик

-Иљо Антески Смок загина на неполни 24 години и немаше можност и среќа да ја почувствува и да ја дочека слободата во која толку многу веруваше. Тој како член на Мавровско-гостиварскиот одред во април 1943 во битката кај Ново Село, Гостиварско бил заробен заедно со 12 други соборци од балистичките одреди кои служеле на италијанскиот окупатор. Подоцна фашистите го осудуваат на смрт, а на денешен датум 17 мај во 1943 година Иљо е обесен. При бесењето извикува „Смрт на фашизмот-слобода на народот“ и самиот го поттурнува столчето за да биде обесен, беше истакнато во пригодниот реферат од наставникот по историја, Љубиша Марковиќ.

Во Тирана покрај Иљо Антески Смок, италијанските фашисти осудиле на смрт и обесиле уште петмина други негови соборци Душко Поповиќ, Раде Угриновски, Христо Оџаклиески, Драги Тодоровски и Трифко Андоновски. /МИА

Свет

Унгарија стави вето на резолуцијата на Советот на Европа за Украина

Унгарскиот министер за надворешни работи Петер Сијарто денеска изјави дека Унгарија стави вето на резолуцијата на Советот на Европа со која се признава планот на претседателот на таа земја, Володимир Зеленски, како единствен предлог за мир во Украина.

„Советот и денеска сакаше да донесе резолуција со која сакаше да го признае мировниот план на претседателот Зенески како единствена мировна формула која треба да се разгледа и поддржи. Тоа за нас е неприфатливо. И други направија мировни планови што не полоши“, напиша Сијарто на Фејсбук.

Тој изјави дека ставил вето на резолуцијата бидејќи бил одбиен неговиот предлог во неа да се вклучат и други мировни планови. /МИА

притисни ентер