Свет

СЗО ги предупреди државите да бидат претпазливи со укинувањето на мерките

Директорот на Светската здравствена организација (СЗО) за вонредни ситуации, Мајкл Рајан, ги повика државите да бидат крајно внимателни во ублажувањето на мерките воведени поради коронавирус за да не ги изгубат остварените придобивки.

Рајан ова го рече додека Англија, домаќин на финалето на Европскиот фудбалски шампионат, се подготвува на 19 јули да ги укине повеќето рестриктивни мерки, додека другите европски земји ги укинуваат ограничувањата за патување, а индиските држави го олеснуваат нивниот општ карантин и покрај зголемувањето на бројот на новоинфицирани со заразната делта варијанта.

Тој рече дека секоја држава мора сама да одлучи, но и дека поединците, вклучително и оние кои не биле вакцинирани, мора да преземат одговорност да се заштитат себе си и другите со цел да го запрат притисокот врз болниците поради потенцијален нов бран на инфекција.

На прес-конференцијата во Женева, Рајан предупредил на многу опасна претпоставка дека сите во Европа сега се заштитени и дека светот се враќа во нормала. Пред укинувањето на мерките, британскиот премиер Борис Џонсон изјави дека доаѓањето на летните и училишните одмори може да помогне во поповолната епидемиолошка состојба. Рајан рече дека верува оти британските научници се свесни за заканата што ја носат новите соеви, особено варијантата делта, и дека тие се за внимателно укинување на мерките.

СЗО ги предупреди и земјите, вклучувајќи ги Соединетите држави и Швајцарија, наместо да вакцинираат деца на возраст од 12 до 15 години, да им донираат дози на вакцини на сиромашните земји преку иницијативата Ковакс. Експертот за вакцинирање на СЗО, Ен Линдстранд, предупреди дека не страдаат најмногу децата од коронавирус, туку возрасните и групите со висок ризик.

Шоу биз

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.