Живот

Сторми Дениелс го бранеше своето тврдење дека во 2006 година имала случајна средба со Трамп

По испрашувањето од обвинителите, поранешната актерка во филмови за возрасни Сторми Дениелс синоќа беше ставена пред вкрстен распит од одбраната на поранешниот претседател на САД Доналд Трамп.

На судот во Њујорк што се води против него за сторено кривично дело таа веќе втор ден се соочува со Трамп при што во графички детаљи опиша како во 2006 година имала случајна средба со него што завршила во неговата хотелска соба.

Тогаш таа имала 27 години а Трамп 61. На обвинителите им кажа дека потоа, во пресрет на претседателските избори во 2016 година, кога Трамп беше успешен републикански претседателски кандидат, тој и платил 130.000 долари да молчи за тоа. Централен дел на процесот е оваа сума бидејќи била исплатена од касата на изборната кампања, што е незаконски.

Краткотрајната и непланирана средба со Трамп се случила во голф клуб покрај езерото Тахо во Невада. Дениелс, на адвокатката Сузан Неклес ѝ кажа дека тој ја поканил на вечера во својот апартман во хотелот, никогаш не донел храна, и потоа се соблекол да има сексуален однос со неа.

На вкрстеното испитување Неклес сакаше да ја претстави Дениелс пред поратата како парољупка и лажга и сугерираше дека средбата меѓу двајцата никогаш не се случила.

-Имате големо искуство во тоа кога раскажувате лажни приказни за секс тие да звучат како вистински (во повеќе од 200 филмови за возрасни во кои таа глумела или ги продуцирала).

Дениелс одговори: „Не би кажала така. Сексот во филмовите е многу реален, исто како тоа што ми се случи и во таа соба“.

Неклес беше упорна: „Сето ова го измислувате“? Дениелс одговори: „Не. Ме терате да кажам дека се променило, но се нема променето“.

Очигледно беше навреда за Трамп сведочењето дека ако нејзината непланирана средба со него била невистинита „би ја напишала да биде многу подобра“, што предизвика смеа во судницата.

По неколкучасовното сведочење на Дениелс, другиот адвокат од одбраната побара прогласување на неправилно судење заснована на тоа дека сведочењето против Трамп било со предрасуди и без поврзаност со обвинувањата со кои тој се соочува, како например исказот дека таа го плеснала по задникот со некое списание.

Шоу биз

Бела Хадид во проѕирен фустан на црвениот тепих во Кан, сите занемеа (ФОТО)

Манекенката Бела Хадид го украде шоуто на Канскиот филмски фестивал кога се појави во проѕирен фустан кој ги откри нејзините облини.

Во фустан со потпис на брендот Ив Сен Лоран, Бела го привлече вниманието на фотографите на црвениот тепих и на балконот каде позираше пред да го напушти хотелот. Папараците буквално ја опколиле при нејзиното пристигнување на црвениот тепих.

Инаку, Бела се појави на проекцијата на филмот The Apprentice.

Свет

Во Калифорнија среде ноќ исчезна очувот на принцезата Татјана од Грција (ВИДЕО)

Очувот на принцезата Татјана од Грција (43) ненадејно исчезна среде ноќ во Малибу.

Како што објави „Дејлимејл“, Атиљо Брилембург (53) исчезнал во саботата, а последен пат бил виден во еден часот по полноќ. Носел сина кошула, сиви панталони и бил бос.

Властите ги повикаа сите кои можеби знаат нешто за неговото движење да се јават. Родениот њујорчанец, кој е поврзан со европските кралски членови, бил забележан недалеку од луксузен станбен комплекс. Тоа е ридско подрачје, кое што било слабо осветлено.

Околностите под кои исчезнал не се откриени. Полицијата навела дека станува збор за белец, висок 177 сантиметри, тежок околу 75 килограми, со седа коса, зелени очи и тетоважа на горниот дел од телото.

„Загрижени сме за господинот Брилембург“, се вели во соопштението од канцеларијата на шерифот.

Атилио Брилембург е очув на принцезата Татјана од Грција, член на грчкото и данското кралско семејство, која е родена во Венецуела. Полицијата изјавила дека тој повеќе нема никаква врска со кралското семејство. Принцезата Татјана од Грција е мажена за принцот Николај, син на Константин II, кој беше крал на Грција до укинувањето на монархијата во 1973 година.

Парот, кој се венчал во август 2010 година, минатиот месец објави дека се разведува. И покрај ова, Татјана најави дека ќе ја задржи титулата. На свадбата, која беше опишана како „Мама миа, со аристократи“, присуствувале претставници на кралските семејства на Холандија, Данска, Шведска и Шпанија.

Принцезата Татјана, чие полно име е Татјана Блатник, се занимава со пишување и филантропија. Таа пораснала во Швајцарија. Основач е на непрофитната организација „Дух“ која се занимава со подигање на свеста за менталното здравје.

Регион

Шок во Тирана: Тројца мажи киднапирале момче среде главниот плоштад и го силувале

Во Тирана денеска е киднапиран и силуван 20-годишен млад човек, соопшти полицијата, додавајќи дека сторителите се уапсени.

Невидениот настан се случил на плоштадот Скендербег во центарот на Тирана, каде Д.Б. (36), Е.Х. (31) и неименуван 19-годишен маж, насилно го зеле 20-годишникот и го силувале, пренесува VoxNews.

Сите тројца се уапсени, додека уште еден маж на 28-годишна возраст исто така е лишен од слобода бидејќи не го пријавил делото.

Се сомнева дека целиот настан се случил од банални мотиви.

Според полицијата, тројцата со употреба на насилство го киднапирале младиот човек.

Специјалисти за истрага на криминал од Полициска станица бр. 1, откако добиле пријава од дваесетгодишен маж дека тројца мажи му ја одзеле слободата, веднаш организирале нивно фаќање.

Материјалите се проследени до Обвинителството.

притисни ентер