Македонија

Средба на министерот Муцунски со министерот за надворешни работи на Чешка, Јан Липавски

Во рамки на работната посета на Чешка, министерот Муцунски оствари средба со чешкиот министер за надворешни работи, Јан Липавски. 

Посетата ја одразува нашата посветеност кон градење на цврсто партнерство, засновано на меѓусебно почитување и заеднички вредности.

На средбата двете страни го поздравија динамичниот и континуиран политички дијалог помеѓу двете земји и одличната билатерална соработка која трае веќе 30 години. Дополнително, беа изразени заемни заложби за интензивирање на економската соработка, а во таа насока, покрај денешниот бизнис форум, беше инициран и голем економски настан кој ќе биде одлична можност за продлабочување на соработката меѓу нашите земји. На средбата стана збор и за низа важни прашања, вклучувајќи трговија, миграција, како и културна и образовна соработка.

Фокусот на разговорите беше ставен и на актуелните геополитички прашања, особено агресијата на Русија врз Украина, при што беше најавено продлабочување на соработката во полето на меѓународното право.

Министерот Муцунски изрази благодарност за континуираната и јасна поддршка од Република Чешка за пристапниот процес на нашата земја кон ЕУ, рефлектирана и преку нејзината активна улога во Вишеградската група и групата Пријатели на Западен Балкан, соопштуваат од МНРНТ.

Македонија

Седница на Централниот одбор на СДСМ

СДСМ вечерва одржува седница на Централниот одбор. Како што потврдија за МИА од партијата, една од темите ќе биде подготовката за претстојниот конгрес. 

Претседателот на СДСМ, Венко Филипче, вчера на прес-конференција во одговор на новинарско прашање, изјави дека на Конгрес на 24 ноември СДСМ ќе го избере новиот Централен и Извршен одбор, како и целокупното партиско раководство. На конгресот, како што најави, ќе се дискутира за идните политики и делување на партијата.

- За 24 ноември е закажан Конгресот на СДСМ на кој што ќе се избре новиот Централен одбор од кој ќе произлезе новиот Извршен одбор и целокупното партиско раководство, по што сите активности ќе се засилат, рече Филипче.

При тоа, Филипче потенцираше дека во моментов во СДСМ се случува значајна консолидација и активно се работи на враќање на довербата во партијата.

Технологија

Астронаутите на НАСА гласаа во вселената, облечени во чорапи со боите на САД (ФОТО)

Астронаутите Буч Вилмор, Суни Вилијамс и Дон Петит гласаа на претседателските избори од Меѓународната вселенска станица.

Астронаутите на НАСА објавија фотографија на Инстаграм облечени во чорапи во американски бои, јавува Си-Ен-Ен. На чорапите на двајцата астронаути пишуваше „Горд што сум Американец“.

Гласачките ливчиња во вселената се емитуваат на Земјата на ист начин како што повеќето податоци се пренесуваат помеѓу вселенската станица и контролата на мисијата - преку блиската вселенска мрежа на НАСА, констелација на сателити во вселената кои комуницираат со антени на нашата планета.

Фудбал

Полски репреентативец се удавил за време на тренинг, го однела реката

Голема трагедија го погоди полскиот фудбалски свет.

Играчот Матеуш Хемпе (33) денеска трагично го загуби животот на тренингот на локалната третолигашка Нолец Чарнкова.

Тој игра како голман и се обидел да стигне до топката која завршила во блиската река, но многу силна струја го однела. Очевидци велат дека немало начин да се спаси.

Се огласи и полската репрезентација за која настапувал несреќниот голман на Нолец:

- Никогаш нема да бидеме подготвени за вакви вести. Полската репрезентација загуби многу посветен играч Матеуш Хемпе, кој исто така долги години беше футсал голман - напишаа накратко.

Управниот одбор на полското здружение на глуви изрази сочувство до семејството на починатиот голман.

Пред Нолец тој играше за Венус Џемџехово и Темча Оса Осиечна.

притисни ентер