Регион

Србија обединета во болката: Се палат свеќи во чест на настраданите во Нови Сад (ВИДЕО)

По страшната вест дека 14 тела на загинати се извлечени од под урнатините на настрешницата на Железничката станица во Нови Сад, граѓаните на Нови Сад се собраа на местото на смртта на своите сограѓани.

По страшната вест дека 14 тела на загинати се извлечени од под урнатините на настрешницата на Железничката станица во Нови Сад, граѓаните на Нови Сад се собраа на местото на смртта на своите сограѓани, како и на Плоштадот Слобода да запалат свеќи за загинатите, а се солидаризираа и белграѓани, објави Телеграф.

Граѓаните на главниот град им оддаваат почит на жртвите од Нови Сад на мостот на Сава.

Додека цела Србија е обединета во болка поради трагедијата што се случи, на тоа место се собираат голем број граѓани, а нивните лица одразуваат шок и неверување.

Од првите информации за загинатите до последните пристигнати, бројот на загинати е двојно зголемен. Прво што беше објавено е дека под урнатините се извлечени осум тела, а според досегашните информации загинале 14 лица. Се уште се работи на расчистување на урнатините и се стравува дека има уште повеќе жртви.

Вишото јавно обвинителство соопшти дека се идентификувани две починати лица од женски пол, како и пет лица од машки пол.

Во Клиничкиот центар во Војводина поради повреди се примени три лица, две жени и еден маж, а нивниот идентитет се уште не е утврден.

Во Нови Сад е прогласена тридневна жалост, додека 2 ноември во цела Србија е прогласен за ден на жалост.

Свет

Пронајден е автомобилот на убиецот на градоначалник и уште едно лице во Австрија

Пронајден е автомобилот на Роналд Дрекслер, кој е осомничен за убиството на две лица во Австрија во понеделникот, меѓу кои и градоначалникот Кирхберг.

Според Кроне, автомобилот бил пронајден во шумата меѓу Арнрајт и Алтенфелден.

Сето ова се наоѓа недалеку од местото на злосторството, а на терен е и специјалната полициска единица Кобра која го пребарува теренот.

Случаен минувач во утрово го пронашол автомобилот во шумата и веднаш ја известил полицијата.

Медиумите јавуваат дека меѓу жителите на тоа место кружат пораки дека не треба да ги напуштаат куќите, а во потрагата повторно е вклучен хеликоптер и оклопни возила.

Да потсетиме, потрагата по Роланд Дрекслер сега ја држи во неизвесност цела Австрија: во средата, по дојава, во Бургенланд се трага по осомничениот двоен убиец. Неговиот автомобил наводно бил виден во областа Оберпулендорф, во општина Никич - место кое се наоѓа веднаш до границата со Унгарија, каде што биле извршени контроли.

Полицијата го пребарала теренот со дронови и кучиња трагачи. Сепак, 56-годишникот не бил пронајден. Исто така, околу пладне бил вклучен аларм во Државната болница во Велс, но и оваа трага се покажа како лажна.

Во двата случаи, полицијата пришла тешко вооружена - пронаоѓањето на вооружениот Дрекслер за полицијата би значело животна опасност.

Шоу биз

Фановите во дебата: Дали Хајди Клум или Жанел Моне е „кралица“ на Ноќта на вештерките (ВИДЕО)

Хајди Клум и нејзиниот сопруг Том Каулиц ги воодушевија фановите со нивните вонземјански костими од истоимениот филм од 1982 година, но не беа единствените кои ја имаа оваа идеја.

Впрочем, истата маска ја избрала и уметницата Жанел Моне, а нивната сличност предизвика многу коментари на социјалните мрежи.

Многумина се прашуваа дали оваа сличност е случајна или тоа е некаква конкуренција меѓу нив. Како и Хајди, Жанел е позната по нејзините костими за Ноќта на вештерките. Белиот зајак од Алиса во земјата на чудата, мувата и невестата без глава се само дел од костимите со кои таа ги израдува фановите во последните години. Оваа година таа го претстави својот костим на шоуто на Џенифер Хадсон.

„Може да има две кралици за Ноќта на вештерките. Навистина ја сакам Хајди“, изјави Жанел за Association Press.

"Верувам дека Хајди Клум беше болна и лута кога го виде костимот на Жанел", "Не само што го имаат истиот костим, туку Жанел го откри 24 часа пред Хајди. Сигурно го изгубила умот", "Ми се чини дека ова е премногу смешно" , продолжија коментарите на Х. Многумина се согласија дека и двете завршиле одлична работа и ги надминаа сите други костими оваа Ноќ на вештерките.

Регион

Објавени се имињата на 7 загинати во Нови Сад, Македонецот Васко Саздовски е еден од жртвите

Од 14-те жртви во страшната трагедија во Нови Сад, засега е познат идентитетот на седуммина.

Во Клиничкиот центар во Војводина лекарите се борат за животот на тројца посериозно повредени лица - две жени и еден маж, објави српски Информер.

Во несреќата загинало и шестгодишно девојче чиј идентитет не е познат.

Засега идентификуваните жртви се:

Анѓела Руман, родена 2004 година од Стара Пазова

Сања Арбутина Ќириќ, родена 1989 година од Каќ

Стефан Хрка, роден 1997 година од Белград-Ѕвездара

Милош Милосављевиќ, роден 2003 година од Криќанин-Зрењанин.

Ѓуро Швоња, роден 1947 година од Степановиќево

Вукашин Раковиќ, роден 1955 година од Буковац

Васко Саздовски, државјанин на Македонија

Работите на идентификација на останатите продолжуваат.

Министерот за внатрешни работи Ивица Дачиќ изјави дека спасувачката акција во Нови Сад е завршена, а дефинитивниот биланс од несреќата е 14 загинати и тројца повредени.

Утре во Србија ќе биде Ден на жалост поради смртта и страдањето на граѓаните поради уривањето на железничката станица во Нови Сад.

притисни ентер