Новоназначената еврокомесарка за проширување Марта Кос е свесна за порастот на евроскептицизмот во Македонија, но како што вели, директно ќе се ангажира да ја увери земјата и другите држави од Западен Балкан дека Европската Унија останува најдобрата алтернатива. Наследничката на Оливер Вархеји, чиј мандат наскоро треба да ѝ биде потврден од Европскиот Парламент во интервју за Словенечката национална телевизија немаше прецизен одговор дали и што може да направи околу предолгото чекање на Македонија, соочена со блокади на соседите.

-Постои голем скептицизам кај граѓаните на овие земји. Некои веќе не сакаат да влезат во ЕУ. Тука е и примерот со Македонија, која го смени името за да влезе, но се уште го прави тоа, зашто нејзините соседи, членки на ЕУ се противат. Како ќе се справите со тоа? , ја праша новинарката на Радио телевизија Словенија, Тања Стариќ.

-Покренавте исклучително важна тема. Една од исклучително важните точки што досега ја немаше е да се воспостави систем на прикажување на придобивките од проширувањето на Европската унија и во земјите членки и во земјите кандидати. Никогаш порано не сме имале комуникациска кампања за подигнување на свеста. Уште една работа ми изгледа важна. Проширувањето не значи влез во Европската Унија само од економски аспект. Проширувањето значи и прифаќање вредности, родова еднаквост, дигитализација... , изјави Марта Кос, номинирана еврокомесарка за проширување на ЕУ за РТВ Словенија.

Кос избегна да одговори на прашањето дали навистина за неа е реално недофатлива 2030-та како императив за членство на Западен Балкан, изјава што наводно ја дала пред два дена во Брисел. А, од Софија и натаму дуваат старите ветришта, особено по последните остри тонови упатени од двете страни. Техничкиот премиер Главчев порачува - со Македонија направивме доволно компромиси.

-Во однос на Македонија, не мислам дека тонот што го користат во последно време ќе им помогне да станат членка на ЕУ. Не станува збор за какви било нови преговори, мислам дека направивме доволно компромиси со нашиот национален идентитет и тие треба да ги испочитуваат барањата на ЕУ за да станат земја членка. , изјави Димитар Главчев, технички премиер на Бугарија.

Чекор подалеку денеска отиде бугарскиот пратеник од ГЕРБ, Андреј Ковачев, кој за бугарските медиуми, најави дека како сестринска партија ќе побараат исклучување на ВМРО-ДПМНЕ од Европската Народна Партија, изјава што иронично беше прокоментирана од македонскиот премиер Мицкоски.

-Не е април, но тоа би била добра првоаприлска шега, одговори Мицкоски.

Тој им се заблагодари за нивната жртва и истрајност во градењето на татковината и им порача дека тој и Владата на Република Македонија секогаш ќе бидат нивни партнер, а тоа го докажуваат и со дела.

- Нека е честит Денот на оние на кои им должиме сѐ - нашите родители, баби и дедовци, нека е среќен денот на пензионерите!

На 20 септември се одбележува Светскиот ден на пензионерите, а на мое задоволство, присуствував на пригодната прослава на З.П. од Кисела Вода.

Помеѓу нив се чувствувам најпријатно.

Се чувствувам како дома и секоја мајчинска прегратка, секоја силно стисната рака за поддршка за мене е највозвишено чувство.

На овој ден, сакам од срце да ви се заблагодарам за вашата пожртвуваност, истрајна желба и посветеност во градењето на нашата Република Македонија.

Со вашата мудрост и знаење кое ни го пренесувате на нас помладите генерации, вие сте трајно врежани во темелите на татковината.

Велат, во младите е силата но во повозрасните е мудроста и искуството и затоа јас ви се поклонувам.

Мојата поддршка пак, драги пензионери, ќе ја имате постојано бидејќи вие го заслужувате тоа.

Така беше изминатиот период преку воведување мерки за директна помош и олеснување на секојдневието, така ќе е и понатаму.

Ваш искрен партнер и рака за поддршка е и новата влада предводена од Премиерот Христијан Мицкоски која на дело покажува вистинска грижа и почит за вас.

До следното видување кое ќе биде за скоро,

да сте ми живи и здрави! – рече Ѓорѓиевски.

Според него треба се почека конечната одлука на Уставниот суд, кој сега само ги стави во мирување спорните законски одредби. Сепак, унапредувањата и вработувањата мора да се базираат на квалитет дециден е Мицкоски.

Министерот за јавна администрација Горан Минчев ги осуди повиците за протести од некои од политичките лидери од албанскиот блок по одлуката на уставните судии. Нов закон засега не се подготвува вели Минчев, а тоа ќе зависи од конечната одлука на Уставниот суд и разговорите со владините партнери. Во моментов предмет на јавна дебата се токму измените во спорните закони за вработени во јавниот сектор и за административни службеници.

- Јас се надевам дека во рамките на владината коалиција ќе имаме отворена дебата за она што следува, каков било повик на протести или пак на дестабилизација на државата за укинување или пак за времена мерка на балансерот ги осудувам. Сметаме дека е дојдено времето како Влада да направиме сеопфатна реформа во јавната администрација, кажа Минчев.

Со соопштение за одлуката за прв се огласија и од ДУИ.. Изразуваат загриженост и прстот го вперија во Вреди кои според нив ги стопирале вработувањата на Албанците.

Од Вреди, пак, одлуката на судот ја сметаат за избрзана. Министерот за здравство, Арбен Таравари, иако признава дека балансерот низ години се злоупотребувал, вели тензии во моментот не се потребни.

-Не ни требаат вакви тензични состојби во периодов. Ние и така имавме договор со ВМРО-ДПМНЕ пред да почне коалицијата дека треба да се договориме за Законот за правична застапеност на сите заедници и потоа „балансерот“. Меѓутоа, некако се избрза. Некој можеби сакаше да се зборува за ова и да се дефокусира од другите побитни теми., изјави Таравари.

Останува неизвесно дали владините партнери ќе најдат заедничко решение за нов закон или правичната застапеност ќе се регулира преку законски измени во постоечките закони за вработувања во јавниот сектор. Во меѓувреме, со времена одлука до конесувањето на конечниот став, Уставен ги стави во мирување сите вработувања по актуелните законски и подзаконски акти поврзани со балансерот..