Македонија

Состојба на патиштата

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

РАБОТИ НА ПАТ:

Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај мост на река Шемница на Државен пат Р1101 км 85+903, делница Прилеп - Битола", и тоа од 27.03.2024 ќе има целосно затворање на делницата.

На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.

Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.

Започнувајќи од 11.12.2023 год. ќе биде изменет режимот на сообраќај на магистралниот пат A3, делница Прилеп - Битола поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните работи.

Започнувајќи од 05.12.2023 год. е изменет режимот на сообраќај на државен пат A2, делница Тетово - Гостивар во двата правци на движење поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните.

Oд 24.11.2023 година од 16:00 часот режимот на сообраќајот на делницата од автопатот А-1, Куманово – ГП „Табановце“поточно кл.Куманово-кл.Кр.Паланка, десната сообраќајна лента за присилно запирање и застанување ќе биде затворена за сообраќај во должина од 500м, додека сообраќајот ќе се одвива по сообраќајната лента за возење и претекнување.

ГД Гранит АД Скопје известува дека согласно ново издаденото одобрение за времен режим на сообраќај поради изведување на градежни работи на Автопат А4, делница ГП "Блаце" - Скопје (клучка "Стенковец") Подделница 1 – од 08.11.2023 г. постоечкиот локален пат до с. Блаце од магистраниот пат А4 пред граничниот премин ќе биде затворен, а пристапот до с.Блаце ќе биде обезбеден по привремен пат пред граничниот премин, согласно поставената сообраќајна сигнализација. Останува и претходно воспоставениот времен режим на сообраќај согласно кој на 2 км пред граничниот премин "Блаце" на местото на изведување на градежните работи сообраќајот се одвива по двонасочен режим на сообраќај (со два нови кружни тека) и поставена соодветна сообраќајна сигнализација.

На 07.11.2023 година од 13:00 ч. извршена е времена измена на режимот на сообраќајот на делницата од Автопат А1, Пeтровец – Катланово - рехабилитација со проширување на автопатот А1 (лево и десно коловозот во двата правца) во должина од 6000 м, сообраќајот ќе се одвива по новоизградената коловозна лента (Катланово - Петровец) двонасочно, со вертикално поставена сигнализација, додека коловозната лента Петровец - Катланово ќе биде затворена за сообраќај.

Oд 24.10.2023 година ќе се започне со реконструкција на регионалниот пат 1301 (Охрид-Свети Наум). Сообраќајот ќе се одвива непречено и ќе биде регулиран со содветна сообраќајна сигнализација.

ГД Гранит АД Скопје известува дека согласно издаденото одобрение за времен режим на сообраќај на Автопат А4, делница ГП "Блаце" - Скопје (клучка "Стенковец") Подделница 1 - проширување на постоен пат А4 од ГП "Блаце" до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2км пред Граничниот Премин "Блаце" од 06.10.2022 г. на местото на изведување на градежните работи се одвива нов времен двонасочен режим на сообраќај (со два нови кружни тека) со поставена соодветна соорбаќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација.

Oд 11.9.2023 г. воспоставен е времен режим на сообраќај во тунелот на патниот правец Блаце – Скопје, поради изведување на градежни работи – санација на тунелот. Поставена е светлосна сигнализација со наизменично пропуштање на возилата.

БИОН ДОО Тетово известува дека од 20.05.2023 година на патниот правец "Државен пат А3, делница: Буково - Охрид, подделница Буково - влез во Охрид" ќе има измена на времениот режим на сообраќај поради изведување работи што се предвидени на објектот "Поставување на сообраќајна сигнализација и опрема на државен пат А3, делница Буково - Охрид, подделница Буково - влез во Охрид". Режимот ќе биде според сообраќајниот проект. Работите на објектот се предвидени да завршат на 29.02.2024.

Од 14.06.2023 година почнува проектот „Санација на трупот на патот Р1303, делница Македонски Брод – Прилеп, премин Барбаpос. Сообраќајот на овој патен правец ќе се одвива непречено со ограничување на максимална брзина до 30 км/час.

Поради изведување на градежни работи (реконструкција на коловозот) на патниот правец Подмоље – Охрид на магистралниот пат А3, сообраќајот ке биде пренасочен преку регионалниот пат Р-1208. Работите започнуваат на 09.6.2023 г., а на местото ќе биде поставена соодветна сообраќајна сигнализација.

Почнувајќи од 06.03.2023 г., на автопатот А1, делница Петровец – Катланово, започнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување.

Поради изведување на работи на експресниот пат од Градско до Дреново на државен пат А1, делница Велес-Неготино, ќе се применува времена измена на режим на сообраќај. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско.

На патниот правец Градско - Прилеп се изведуваат градежни активности и затоа препорачуваме внимателно возење и прилагодена брзина на движење.

На патниот правец Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

ИНФОРМАТИВЕН ЦЕНТАР на АМСМ

Тел. (02)15-555

Регион

Големо невреме во Србија: Спасени жени и двегодишно дете од поплавен автомобил (ВИДЕО)

Поради силното невреме и обилните врнежи од дожд кои денеска го зафатија Ужице во Србија, две жени со дете (2) во еден момент биле заглавени во автомобил на локалниот пат Врела-Љубања.

Поради силното невреме и обилните врнежи од дожд кои денеска го зафатија Ужице во Србија, две жени со дете (2) во еден момент биле заглавени во автомобил на локалниот пат Врела-Љубања, но за среќа, пожарникарите многу брзо се појавиле на терен и ги спасиле, објави Телеграф.

Припадниците на Одделението за вонредни состојби на МУП од Ужице по обилните врнежи во населбата Златибор евакуирале две жени и двегодишно дете од потопено возило.

Тие дојдоа на терен за само 15 минути и ги спасија.

На социјалните мрежи беа објавени фотографии на кои се гледа автомобил заробен поради обилните дождови и силното невреме кое го зафати овој дел на Србија.

Има и видео од автомобилот што го снимиле патниците кои им се заблагодаруваат на пожарникарите за спасувањето.

„Голема благодарност до пожарникарите кои пристигнаа со брзина на светлината и нѐ евакуираа со мало двегодишно дете. Голема благодарност!!!“, напишаа тие.

Во текот на попладневните часови силно невреме го зафати Ужице и неговата околина, а обилниот дожд беше проследен со голем град кој паѓаше неколку минути.

Обилниот дожд во Ужице беше проследен со силен град.

- Мразот беше со големина на орев, паѓаше силно и интензивно. Дури и шофершајбната на моето возило беше напукната од силината на невремето. За да не дојде до поголема катастрофа на возилото, застанавме на бензинска пумпа додека не помине невремето - изјавил за Рина еден од очевидците.

Свет

Германија во шок: Убил девојче, полово ја злоставувал и тоа го снимал

Случајот со убиството на Марија Софија (14) ја потресе и згрози цела Германија.

Кога на крајот на септември девојчето не се вратило од училиште, семејството го пријавило како исчезнато. Но, 23 часа подоцна, била откриена страшна сцена: дрвокрадец го пронашол мртвото девојче зад барака во Бад Емстал, пишува Билд.

Марија Софија била задавена и нејзиното тело било сексуално злоставувано.

Денеска пред Големиот младински совет на Окружниот суд во Касел започна судењето за убиството на осомничениот Рене Г.(21).

„Кога ќе се смирам навечер, многу размислувам за тоа“, вели нејзината сестра Шантал Р. (18).

На денот кога починала нејзината сестра, таа го родила своето второ дете, синот Емилијано. Марија Софија требало да биде кума.

Шантал го познавала осомничениот убиец уште од училишните денови, некогаш биле блиски пријатели. Сега вели: „Тој е опасност за човештвото“.

Родителите на Марија Софија живеат одвоено, а двајцата се помошници обвинители.

„Најголема грижа ми е сторителот да биде преблаго казнет“, вели таткото Демијан С. (40).

Како што вели, од фотографии го познава само Рене Г.

„Не знам како ќе биде кога ќе го видам на суд за прв пат. Но, што и да се случи на судењето – ништо и никој нема да ми ја врати ќерката“.

Марија Софија и Рене Г. повремено поминувале време заедно, биле пријатели. Очигледно, Рене Г. сакала врска.

"Таа се чувствуваше премногу млада. На тоа тој веројатно рече: "Ако не можам да те имам, никој нема да те има", рекла нејзината тетка.

На 27 септември 2023 година, тој наводно го задавил 14-годишното девојче за време на средба за да го задоволи својот сексуален нагон, се вели во обвинението.

После тоа, тој наводно „сексуално мотивирано“ го допирал телото и тоа го снимал. Според информациите на Билд, тој носел проѕирни ракавици за еднократна употреба.

Инспекторите нашле две инкриминирачки видеа на телефонот на обвинетиот.

На прашањето на Билд, главниот обвинител Андреас Тоне потврдил дека покажале мртво 14-годишно девојче и „рака што го допира телото“.

„Злосторството се случило пред да наполни 21 година, така што тој сè уште спаѓа под законот за млади. Сигурен сум дека тоа го имал на ум. Тој исто така направил опсежно истражување пред злосторството“, рече Ергун Есер (52).

Според информациите на Билд, Рене Г., меѓу другото, пребарувал и колку време е потребно за човек да умре од давење.

За првиот ден од судењето се повикани 11 сведоци. Пресудата би можела да биде изречена до крајот на мај.

Свет

Најмалку десет жени и деца загинаа кога минибус пропадна во реката Нил (ФОТО)

Најмалку 10 лица, претежно жени и деца, загинаа денеска кога автобус со околу 20 патници се лизна од траект и падна во реката Нил во близина на Каиро, соопштија египетските власти, додавајќи дека се уште не е јасна причината за несреќата.

Државните медиуми објавија дека најмалку пет жени се водат како исчезнати, пренесува АП.

Ахмед Рашед, гувернер на провинцијата Гиза, една од трите провинции што го сочинуваат Големиот Каиро, рече дека автобусот бил извлечен од реката и дека континуираните напори за пронаоѓање и спасување не успеале.

Министерството за здравство соопшти дека на лице место е укажана помош на шест повредени лица, додека тројца се префрлени во болници, не прецизирајќи каква е природата на повредите.

Списокот на жртви што претходно го доби АП покажува дека шест од жртвите се малолетни, а државниот весник Акбар објави дека „во автобусот кој превезувал работници на работа имало дваесетина патници“, а возачот на автобусот е приведен.

притисни ентер