Македонија

Собраниската комисија за образование го прифати Предлог-законот за спортска академија

Собраниската Комисија за образование, наука и спорт на својата прва седница во новиот парламентарен состав го прифати Предлог-законот за спортска академија во прво читање, со заклучок да се проследи во следна фаза. Спортската академија во која средношолци се едуцираат за професионални спортисти и за идни членови на националните спортски репрезентации, од 2015/2016 година ќе биде ново државно средно училиште.

Во 2012/2013 беа отворени пет експериментални паралелки на спортска академија, во состав на спортската гимназија „Методија Митевски-Брицо“ во Скопје, за фудбал, кошарка, тенис и две паралелки за ракомет (за машки и за женски). Од новата учебна 2014/2015 година дисперзирани паралелки по овие спортови ќе бидат отворени во уште седум општини: Битола, Велес, Гостивар, Прилеп, Охрид, Струмица и во Штип. Паралелките ќе бидат пренесени во спортската академија кога таа ќе почне да функционира како посебно средно училиште.

Министерот за образование и наука Абдилаќим Адеми на комисиската седница истакна дека целта на законот е да се даде нормативна рамка за постоечката академија да се трансформира во посебен правен субјект, во ново државно средно училиште како продолжение на досегашните експериментални паралелки. Крајната цел, рече тој, е учениците да се оспособат за постигнување врвни спортски резултати и од рана возраст да бидат членови на национални спортски селекции во фудбал, тенис, ракомет и кошарка.

- На иницијатива на Владата, Министерството за образование и наука, Бирото за развој на образованието и Агенцијата за млади и спорт подготвија план и програма за настава во средното стручно образование за четири спортови: фудбал, тенис, ракомет и кошарка. Крајната цел е формирање врвни спортисти и откривање нови таленти во спортот во Република Македонија, рече Адеми. Додаде дека се создала потреба тоа да се уреди во посебен закон, поради специфичностите како: критериумите за запишување ученици, проверка на учениците, реализација на наставниот процес, ангажирањето стручни лица за практичната настава, оценувањето...

Адеми напомна и дека предлог-законот овозможува спортски академии, покрај Скопје, да се отворат и во други општини ако има услови и интерес. Рече и дека предлозите и сугестиите ќе бидат разгледани во второто читање на предлогот.

Членовите на Комисијата го поддржаа предлогот оценувајќи дека тој ќе го развие спортот во Македонија, ќе изгради професионални спортисти, а потоа од нив квалификувани тренери. Посочија дека спортот е значаен за здравјето и за отргнување на младите од пороците што ги демнат.

Имаше и предлози од некои пратеници: Андон Чибишев смета дека во иднина треба да се отворат и паралелки за борачки вештини (бокс, борење, карате), Рафис Алити предложи паралеки да има во сите општини за да им бидат блиску на учениците и да се организираат летни кампови за спортски таленти од дијаспората, а Ејуп Рустеми праша дали е неопходно тренерот да познава светски јазик, односно дали е тоа поважно од знаењето за одреден спорт што треба да им го пренесе на учениците.

Талентот, а не желбата за спорт ќе биде пресуден услов за прием на ученици во спортската академија. Предвидени се и парични казни од 1.000 до 1.500 евра за академијата ако запише ученик без потребните вештини или ангажира нестручен тренер. Условите за запишување во новото државно средно училиште ќе бидат исти како и досега. Секој кандидат ќе мора да помине низ фазата на тестирање според критериумите дадени за секој спорт одделно. Проверката за секој спорт потоа ќе ја прават членовите на спортските федерации и претставници на Министерството за образование и наука.

Како и досега, соодветната федерација за секој избран ученик ќе обезбедува спортска опрема и превоз до местото на одржување на тренинзите, а за учениците кои живеат надвор од општината каде што се изведува наставата, ќе се обезбедува сместување во ученички домови.

Учениците во спортската академија и натаму ќе бидат дел од процесот државна матура и ќе може да одлучуваат дали ќе полагаат државна или училишна матура, со тоа што тие што ќе полагаат државна матура ќе може да продолжат на студии./МИА

Шоу биз

Чола „тежи“ 25 милиони евра, a носи часовник вреден 2.000 евра

Според познатиот американски сајт „Celebritynetworth“, Здравко Чолиќ е еден од најбогатите пејачи на Балканот. Според податоците од 2021 година, неговото богатство се проценува на 25 милиони евра.

Иако има толку милиони, Чола отсекогаш бил скромен, а сега тоа го докажа уште еднаш - со изборот на својот часовник. Така, пејачот на зглобот носи часовник вреден „само“ 2.000 евра . Како што стои на Инстаграм профилот „Sat na ruci“, се работи за часовник од брендот „TAG Heuer Carrera“ со челично куќиште и функција хронограф.

Здравко отсекогаш нагласувал дека финансиите отсекогаш му биле слаба страна, иако по професија е економист.

- Човекот не може да го смени темпераментот, не мислам на начинот на трошење и начинот на живеење, но тоа ми беше малку претерано и така е и денес - изјави тогаш Здравко.

Тој откри на што најмногу ги трошел хонорарите.

- Никогаш не сме имале толку високи хонорари. Патувањето и гардеробата беа фетиш во седумдесеттите и осумдесеттите. Никогаш немав големи материјални желби. Моето беше да одам некаде, на море или да направам некоја забава и да потрошам таму, но никогаш немав желба да купам часовник. Не страдав од тоа – скромно вели пејчачот.

Извор: Аваз

Живот

Најчестите знаци на прекумерно внесување шеќер

Внесувањето шеќер во големи количини е штетно за човековото тело и тоа ја зголемува опасноста од дијабетес и многу други болести. 

Дополнителен проблем е што шеќерот се наоѓа и во намирници коишто не се благи, па затоа е важно да се внимава на составот на секојдневните хранливи производи. Нутриционистката Брук Алперт и лекарката Ребека Казин предупредуваат на најчестите знаци на прекумерно внесување шеќер коишто ги испраќа самото тело.

Постојано копнеење за слатки

Шеќерот предизвикува зависност. Ова е затоа што сензорите за вкус се адаптирале на благото и на тој човек му треба сѐ повеќе благо, за да го добиете истиот вкус, но и истото задоволство како и првиот пат, слично како дрога. Поради сѐ тоа, докторите советуваат навремена контрола на внесувањето шеќер.

- Со тоа што јадете многу шеќер, предизвикувате хормонален одговор во Вашето тело што е како бран. Ве крева, а потоа Ве треснува од земја, и тоа го поттикнува Вашето тело да бара повеќе шеќер, појаснува Алперт.

Промени во расположението

Премногу внесен шеќер може да значи моментна „еуфорија“. И обратно... Падот на шеќерот во крвта може да предизвика пад и во расположението и поголема нервоза и вознемиреност.

Тромавост

Откако шеќерот ќе го предизвика почетниот скок на енергијата, тој предизвикува и пад. Енергијата е најстабилна кога шеќерот во крвта е стабилен, така што кога се консумира премногу шеќер, има и падови во енергијата. Премногу шеќер честопати значи и недоволен внос на протеини и влакна.

Пукање на кожата

Д-р Ребека Казин смета дека некои луѓе се чувствителни на напливи на инсулин поради прекумерно внесување на шеќер. Тоа може да предизвика нарушување на хормоните, што води, на пр., до сува кожа, ранички, акни и сл.

Дебелеење

Вишокот шеќер значи - вишок калории, а во недостиг на протеини или влакна, шеќерот нема никаква хранлива вредност. Сѐ тоа, заедно со ослободувањето инсулин, ја покачува телесната тежина, но и ја зголемува опасноста од појава на дијабетес.

Кога се јаде премногу шеќер, на телото „му се кажува“ да лачи повеќе инсулин, а подоцна, тоа прекумерно лачење може да доведе до отпорност кон инсулин. Отпорноста пак, значи дека телото нема да може правилно да реагира на нормални количини инсулин и правилно да го користи шеќерот.

Премногу кариес

Кога бактериите ги разјадуваат честичките храна меѓу забите, се создава киселина што постепено предизвикува расипување на забите. Плунката сама по себе одржува здрава рамнотежа на бактерии, но шеќерот може да влијае на пе-ха вредноста и да го наруши тој природен сооднос. Неправилното размножување на бактериите, всушност, води кон расипување на забите и кариес.

Мозочна магла

Деконцентрацијата што обично се јавува после оброк е симптом на низок шеќер во крвта. Кога се јаде многу благо, пак, нивото шеќер во крвта се зголемува и опаѓа, наименично и брзо. Тоа, според стручњаците, ја зголемува расеаноста, и укажува на задолжителна контрола на внесот на шеќер.

Ништо не е така слатко како порано

Премногу шеќер предизвикува сензорите за вкус да се навикнат на слатките вкусови, па затоа човекот бара сѐ повеќе шеќер за да ја задоволи својата глад за слатко. Меѓутоа, тука се препорачува свесно намалување на благото и самоконтрола. На тој начин, по извесно време, телото повторно ќе се навикне и ќе се задоволува со малку шеќер. /МИА

Свет

Борел повтори дека Рафа не смее да биде нападнат

Го повика Израел да се вклучи во мировниот процес.

Високиот претставник на ЕУ за надворешна политика и безбедност Жозеп Борел денеска изјави дека партнерите на Израел и соседните земји имаат заеднички став дека градот Рафа на југот од Појасот Газа не смее да биде нападнат и ја повика израелската влада конструктивно да се вклучи во политичкиот мировен процес.

Борел на Х напиша дека меѓународната заедница, исто така, едногласно бара итно ослободување на сите заложници кои ги држи Хамас во Појасот Газа.

Тој истакна дека Израел не може да го уништи Хамас по цена на убиени илјадници палестински цивили и оти понатамошното раселување на повеќе од милион ранливи Палестинци би било „погубно“.

- Ја повикуваме владата на Израел да ги послуша повиците на меѓународната заедница и конструктивно да се вклучи во политичкиот мировен процес, наведе Борел. /МИА

притисни ентер