Македонија

Со субвенционирани придонеси зголемени се платите на 44 940 работници

Околу 45 илјади вработени земале повисоки плати во ноември. Министерката за труд Мила Царовска информираше дека над 8 илјади работодавачи преку мерката за субвенционирање дале повисоки плати.

Во просек платите на овие вработени се зголемиле за 4 100 денари.

Според мерката - Газдите можат да ја покачат платата од 600 до 6 илјади денари.

Мерката стартуваше минатиот месец, а може да ја користат и газдите кои законски мораа да ја покачат минималната плата.

Од огранизацијата на работодавачи признаа дека се уште има случаи каде газдите исплаќаат пари на рака, но тоа се ретки случаи најчесто кај сезонските работи – а за тоа се подготвува и ново законско решение, но според Ангел Димитров и оваа мерка може да помогне тоа да се сузбие.

Власта за оваа мерка која ќе трае 3 години, од буџетот одвои 40 милиони евра.

Забава

Фото:Девојката на екс фудбалер на Барса воодушеви со секси фотографии

Девојката на шпанскиот фудбалер и поранешна ѕвезда на Барселона, Марко Бартра е голем љубител на социјалните мрежи.

Убавата Џесика сега ги воодушеви следбениците на Инстаграм со атрактивни фотографии на која таа е облечена само во минијатурно бикини.

На фотките убавата Џесика Гојкочеа која е манекенка ја покажа својата совршена фигура и на тој начин собра голем број лајкови на социјалните мрежи.

Фудбал

Унион Берлин му врачи отказ на Бјелица

Бундеслигашот Унион Берлин се раздели со тренерот Ненад Бјелица, ден откако клупскиот претседател изрази поддршка на хрватскиот стратег.

Унион загуби со 3-4 на домашен терен од ривалот за испаѓање Бохум во неделата и се наоѓа на еден бод и едно место над плеј-офот за опстанок на два натпревари до крајот на сезоната.

Бјелица седна на клупата на Унион во ноември откако Урс Фишер беше отпуштен по серијата слаби резултати, и покрај тоа што го обезбеди првиот настап во Лигата на шампионите претходната сезона.

Унион соопшти дека клубот на двата завршни натпревари ќе го предводат Марко Гроте, заедно со сегашниот помошник тренер Мари-Луиз Ета, првата жена која предводеше машки тим на натпревар од Бундеслигата.

Свет

Макрон ја поздрави намерата на Кина да се воздржи од продажба на какво било оружје на Москва

Францускиот претседател Емануел Макрон за време на денешната заедничка прес-конференција со претседателот Си Џинпинг во Париз, ги поздрави „намерите на Кина да се воздржи од каква било продажба на оружје“ и „каква било помош за Москва“.

Шефот на француската држава, исто така, ја поздрави „подготвеноста“ на неговиот кинески колега „да ги замоли сите заинтересирани страни“ во различни конфликти на „олимписко примирје“ за време на летните Олимписки игри во Париз.