Свет

Со исти стапчиња за корона тестирале илјадници патници на аеродром во Индонезија

Неколкумина вработени во фармацевтска компанија се уапсени во Индонезија поради наводно миење и препродажба на користени стапчиња за корона тестови.

Над 9000 патници на аеродромот Медан можеби биле тестирани со повторно употребени стапчиња, соопштила полицијата.

Државната компанија Кимија Фарм сега се соочува со потенцијална тужба поднесена во име на патниците, пишува Би-Би-Си.

Полицијата верува дека измамата траела од минатиот декември на аеродромот Куаланаму во Медан, во северна Суматра.

Патниците морале да направат негативен тест за корона пред летот, а аеродромот им нудел тестирање на лице место. Аеродромските власти користеле комплети за брз тест испорачани од Кимија Фарм.

По поплаките од патниците дека добиле лажни позитивни резултати од тестот, полицијата минатата недела испратила прикриен полицаец да се претстави како патник, објавиле локалните медиуми.

Откако зеле брис од полицаецот и го известиле дека тестот е позитивен, останатите полицајци упаднале и го пребарале местото за тестирање. Пронашле користени комплети за тестирање.

Минатата недела биле уапсени петмина вработени во „Кимија фарм“, вклучувајќи го и директорот на Медан.

Локалните медиуми велат дека властите разговарале со 23 сведоци и испитуваат дали приходите од измамата, проценета на околу 1,8 милијарди рупии (124.800 американски долари), биле искористени за изградба на раскошна куќа за еден од осомничените.

Кимија Фарм, со седиште во главниот град Џакарта, оттогаш го отпуштил персоналот и ветиле дека ќе ги засили внатрешните контроли.

Двајца адвокати, кои во последните месеци често летале преку аеродромот Куаланам, објавиле дека планираат да ја тужат Кимија, пренесува South China Morning Post.

Во колективната тужба тие се надеваат дека ќе добијат милијарда рупии за секој патник кој се тестирал со рециклирани стапчиња.

Забава

Фото: Нова провокација од екс девојката на фудбалерот Дос Сантос

Старлетата Аманда Тривизас се најде на насловните страници на сите медиуми во светот благодарение на „случајната“ интимна објава на мексиканскиот фудбалер Џонатан дон Сантос.

По „случајуната“ експлицитна објава атрактивната Аманда стана многу популарна на Инстаграм.

По серијата провокативни фотки со кои редовно ги радува своите следбеници, Аманда сега се надмина себе си.

На нејзиниот Инстаграм профил се појавија нови, никогаш пожешки слики!

Фудбал

Челси повторно тргнува по Виктор Осимен

Фудбалскиот клуб Челси е заинтересиран за напаѓачот на Наполи и нигериски репрезентативец Виктор Осимен, објавија денеска италијанските и британските медиуми.

Осимен (25) е член на Наполи од 2020 година, а со клубот од Неапол има договор до 30 јуни 2026 година, а минатото лето интерес за него покажаа Пари Сен Жермен и Барселона.

Италијанските медиуми пренесуваат дека претставници на Челси започнале преговори со раководните лица на нигерискиот напаѓач, како и со раководството на Наполи.

-Воспоставени се контакти помеѓу Челси и Наполи. Оттаму планираат да му платат на Осимен меѓу 80 и 90 милиони евра и да го испратат Ромелу Лукаку и уште еден помлад играч во Наполи, тврди извор близок до челниците на „сините“ за „Скај Спортс“.

Осимен со Наполи ја освои титулата во Серија „А“, а оваа сезона одигра 29 натпревари и постигна 16 голови.

Италијанските медиуми потсетуваат дека претседателот на Наполи, Аурелио де Лаурентис неодамна изјавил дека планира да го продаде Осимен, бидејќи нигерискиот напаѓач ја одбил понудата за продолжување на договорот до јуни 2028 година.

Живот

Фатена чудна кинеска банда: Фалсификувале монети од две евра?!

Чудна банда кинески фалсификатори е фатена во Шпанија, која правела лажни монети од две евра.

Ова е чудна идеја на фалсификаторите бидејќи во Европската Унија најчесто се фалсификуваат банкноти од 50 и 20 евра, што е и логично - тие се најобични банкноти, и има многу мали шанси некој да ги земе под микроскоп. од банкноти од 100 или 200 евра, пренесува Дојче веле.

Со помош на Европол, шпанската полиција во Толедо разби синџир фалсификатори на пари кои фалсификувале половина милион „висококвалитетни“монети од две евра.

Полициската акција е опишана како „најважната“ против фалсификувањето на пари во Европа во последните 10 години.

Уапсени се 10 кинески државјани, а шпанската полиција соопшти дека ги бркала шест години. Се вели дека монетите се исклучително тешки за следење.

Монетите немаат холограми и безбедносни печати како хартиените пари. Но, повторно имаат доволно карактеристики што тешко се копираат.