Од Центарот, информираат дека домаќинствата во текот на летниот период, но и станбените домари се почесто бараат дезинскеција, дезинфекција и дератизација на објектите.
– Во текот на летниот период засилена е работата на оваа служба која врши третмани во јавните установи и институции и домаќинства, изјави денеска раководителот на одделението за епидемиолошка дејност, доктор Јадранка Стаменковска од Центарот.
Покрај третмани во домаќинствата и станбените единици и јавните установи и институции бараат третмани од стручни лица за дезинфекција, дезинскеција и дератизација во летниот период. Најчесто, информира Стаменковска, во домаќинствата се бара дезинсекција против лебарки, бубашваби и мравки, прскање против муви.
И објектите каде се подготвува, складира и преработува храна, односно угостителските објкети, како што се ресторани, сендвичари, пекарници, бараат зачестени услуги од службата од Центарот за јавно здравје во летниот период.
По завршувањето на варосувањето и уредувањето на објектите кон крајот на август ќе следи интензивна дезинсекција, дезинфекција и дератизација на училиштата и градинките во градот. /МИА