Парламентот денеска ги одобри исплатите, давајќи зелено светло на предлогот на владата, која првично размислувала да даде ваучери за хотели или ресторани, но наместо тоа се определиле за паричен поттик.
Оние кои ќе добијат бустер доза до средината на јануари ќе добијат 300 евра, додека групата над 60 години кои ќе аплицираат за оригиналната доза до тој датум ќе добијат 200 евра.
Словачка не е првата земја што нуди стимулации за вакцинација. Во октомври, Швајцарија им понуди бесплатни оброци во ресторани или кино билети на граѓаните кои ќе ги убедат своите пријатели да се вакцинираат против Ковид.
Американскиот град Хјустон во април соопшти дека ќе му плати 100 долари на секое лице кое ќе ја прими првата доза од вакцината против Ковид.
Словачка, со население од 5,5 милиони луѓе, беше сериозно погодена од последниот бран на пандемијата, поради што, полни се болниците, а мораше повторно да воведе и мерки за затворање.
Таа вчера имала втора највисока стапка на инфекција во светот во текот на изминатата недела, според Our World in Data.
Но, Словачка заостанува далеку зад другите земји од ЕУ во вакцинирањето на своето население, со 68 отсто од луѓето над 60 години целосно вакцинирани - трето најниско ниво во Унијата по Бугарија и Романија и помалку од просекот на ЕУ од 88 отсто.