Многумина, меѓу кои актерката Лена Данам, пејачката Мајли Сајрус и комичарката Ејми Шумер, изјавија дека ќе ги напуштат САД доколку Трамп биде избран за претседател.
Инаку, миграциониот сајт на Канада падна неколку пати откако се променија прогнозите за резултатот од претседателските избори во САД.
Канада на официјалниот Твитер профил ги повика мигрантите “ да ја донесат својата културна традицијата и да ја поделат со другите граѓани“.
Славната пејачка и актерка Шер во интервју синоќа изјави дека се чувствува како да “изгубила член од семејството“.
„Видов дека ова се случува уште со Брегзит. Тогаш бев во Лондон и видов што ќе се случи. Упорно им зборував на луѓето дека ова е како Брексит. Трамп е Брексит. Тоа е неверојатно. Живеев во ерата на 12 претседатели и никогаш немам видено некој како него. Разбирам зошто светот е ужаснат од тоа што тој ќе биде претседател“ – изјави Шер.
Другите ѕвезди своето незадовоство од текот на претседателските избори го изразија на социјалните мрежи.
„Што се случува???“- напиша Ева Лонгорија на Снепчет.
„Позитивната страна на сето ова е што не мораме да се преправаме дека сме слободни од расизмот и сексизмот. Прашањето е: Што ќе правиме сега?“ – напиша актерката Џесика Честејн.
Големиот фан на Хилари Клинтон, Кејти Пери изјави дека нејзините родители гласале за Трамп, но ги повика гласачите да не брзаат и да гласаат за Клинтон.
„Прво, ако сте во земјава и го гледате ова, а вашите бирачки места се и понатаму отворени, морате да гласате за Хилари Клинтон“ – изјави пејачката.
Пери во неколку наврати настапи во кампањата на Клинтон, но синоќа не успеја со својата песна да ја разведри атмосферата во штабот на кандидатката на Демократската партија.