Тој утринава со тим од јавни обвинители од институцијата со која тој раководи пристигна во СЈО каде што заедно со заменичката на Јанева,обвинителката Елизабета Јосифовска и присутните специјални обвинители го договараа трансферот на предметите.
По двочасовната средба Јовески рече дека до крајот на денот ќе се заврши предавањето, по што ќе следува попис на списите во секој предмет поединечно.
“ Донесов и упатство за примање на предметите, се постапува по упатството за примање на овие предмети, откога обинитеслтвото ќе го заврши процесот на примање на овие предмети ќе се пристапи конпописот на списи споредување со содржината на предметите и откако тој процес ќе заврши ќе се пристапи во натамошна фаза да се определи стварната и месната надлежност на обвинтислтво. До тој момент преземените предмети остануваат кај јавните обвинители од СЈО кои досега постапувале по предметите. На сила се безбедностните мерки кои досега внатрешната процедура на СЈО во делот на безбедносните прашања и ракување со предметите. “,Љубомир Јовески – Државен јавен обвинител.
-Најважно е во моментов дека тече процесот на преземање на предмерите, за сите останати прашања ќе постапуваме како што ќе биде наложено од државниот обвинител. Во моментов не можам да одговорам на тоа каде ќе бидеме ние и што ќе се случува со нас,Елизабета Јосифовска – СЈО.
Во овој трансфер период се одложуваат сите рочишта на СЈО. Денеска и самите обвинители побараа да се одложат расправите за “Титаник” и “Титаник 3” се додека не се утврди кој ќе ги застапува обвиненијата. За да нема застој во судските процеси и додека не заврши процесот на преземањето Јовески вели случаите ќе останат во надлежност на јавните обвинители од СЈО кои досега постапувале по нив.
“ Предметите нема да бидат стопирани затоа ние ги преземаме тие предмети, за да може, како што гледате во последните денови предметите се одлагаат, за да може тие понатаму да се процесуираат. Ние во процесот на определување на јнадлежноста на обвинителството и надлежноста на обвинителот ќе им дадеме приоритет на рпедметите по кои се водат определени рочишта. Јас очекувам дека Собранието час поскоро ќе го донесе законот за јавното обвинителство во кој ќе се решат не само овие прашања, туку и сите кои создаваат проблем во работата на ЈО. Мислам дека во овој период, ние можеме врз основа на постојните прописи да работиме и нас постојните прописи не не овозможуваат да работиме по конкретните предмети,Љубомир Јовески – Државен јавен обвинител.
Државниот обвинител не гледа ништо спорно во тоа начинот на кој Јанева преку писма испратени од притвор издаде наредба за префрлање на предметите, нешто што беше оспорувано во изминатиот период од дел од правниет експерти.
Јовески додаде дека идејата за трансферот, не е актуелна од сега, туку таа се наметнала и претходно со носењето начелното мислење на Врховниот суд.