Шведската лекарка и писателка Кристина Доктаре, која ја доби Нобеловата награда за мир во 1988 година како членка на мировните сили на ОН, изјави дека ќе ја врати наградата во знак на протест поради доделување на Нобеловата награда за литература на австрискиот писател Петер Хандке.

Но, на сајтот на Нобеловиот комитет меѓу имињата на добитници на Нобеловата награда за мир за 1988 година го нема името на шведската докторка Кристина Доктаре.

Имено, наградата како колектив ја добиле сите припадници на мировните сили на ОН од 19048 до 1988 година, што вкупно е повеќе од 500 000 луѓе од 53 земји од светот.

Швеѓанката како лекарка на Обединетите нации во 1992 година прва проговори за систематските силувања за време на војната во Босна и Херцеговина и укажала што се случува.

Синоќа таа се обрати пред стотици лица собрани во Стокхолм во знак на протест против одлуката на Шведската академија да го врачи признанието на Австриецот, кој за време на војните во поранешна Југославија го поддржуваше режимот на Слободан Милошевиќ и кој отворено негира дека во сребреница се случил геноцид.

Насобраните гласно и аплаудираа и го извикуваа нејзиното име.

Таа се присети на војните на Балканот, од каде известувала и укажувала на злосторствата кои се случуваат.