Забава

Што значи ако сонувате погреб на блиска личност, или ако умирате или дека сте убиле некого?

Стручно лице открива што ви порачува вашата потствест!

Кошмарите, особено ако се повторуваат, можат да ве преплашат и да ви ја „изедат“ цела енергија. Сосема логично, се прашувате што значат овие мрачни соништа. Еден стручњак за соништа открива што ви кажува вашата потсвест кога сонувате дека умирате или дека убивате некого.

Лори Ловенберг, е познат аналитичар на соништа која открива што всушност се крие зад најчестите кошмари.

Важно е да имате предвид дека причината за ваквите соништа не мора да биде страв од нешто, како и некои други емоции, вина, тага, гадење или збунетост.

Сон во кој ви паѓаат заби

Овој сон е поврзан со проблеми во комуникацијата во реалниот живот. Постојат различни верзии на сонувањето заби, но најчесто овој сон е поврзан со нивно паѓање. Сè што има врска со устата во соништата е поврзано со разговор, а паѓањето на забите е показател дека неодамна сте кажале нешто што не требало да го кажете.

Ако сонувавте дека сте убиле некого

Иако смртта е природен крај на животот, убиството е чин на насилство. Па, ако сонувате дека убивате некого, тоа веројатно значи дека работите на тоа да се промените или да ставите крај на нешто негативно во вашиот живот. Ако неодамна сте се откажале од пушењето или сте поминале низ развод или сте почнале да слабеете, поголема е веројатноста да сонувате убиство.

Кога сонувате дека умирате

Смртта во соништата е крај на дотогашниот живот што сте го воделе. Соништата за сопствената смрт се вообичаени кога ја менувате кариерата, или прекинувате врска или кога ќе дознаете дека сте бремени.

Ако сонувате за смрт на друга личност, тоа обично значи дека ќе се случи некаква промена во однос на таа личност. Соништата за смртта ни овозможуваат полесно да ги препознаеме промените во нашите животи, кои се неизбежни.

Погреб на некој близок

Ако сонувате смрт, запрашајте се што се менува или завршува во вашиот живот. Оној што умира во сон обично претставува дел од вашата личност, некоја заедничка особина што ја имате.

Погребот е добар знак - за прифаќање на некои работи или помирување за да можете да продолжите понатаму.

Сонувате дека сте се посрамотиле

Без разлика дали се работи за сон во кој паѓате на испит, проект за кој сте се посрамотиле или нешто слично, тие се поврзани со стресот на работа или она што мислите дека се очекува од вас. Неуспехот на испит е вообичаен сон, а после него треба да се запрашате кој или што го тестира вашето трпение.

Сонувате дека сте се изгубиле

Местата и патиштата на кои сме се изгубиле во нашите соништа симболизираат каде сме во нашето срце и мозок. Таквиот сон симболизира неодлучност во реалниот живот, неможност да се донесе одлука или да се придржуваме до истата.

Соништа за паѓање

Ваквите соништа отсекогаш биле едни од најчестите за сите луѓе и укажуваат на тоа дека има нешто во будниот живот што „нè влече надолу“. Овој сон е вообичаен кај оние кои страдаат од депресија, а може да биде и предупредувачки знак за психолошки тежок период за кој треба да се подготвите со цел да спречите пад.

Заборавање

Овој тип на соништа најчесто се јавува кај луѓе кои се преоптоварени со грижи. Тоа е предупредување дека човекот во својот буден живот е на работ и дека треба да ги прераспореди своите приоритети и да го прифати фактот дека не може да добие сè или да стигне секаде. Сонот ви порачува да си го олесните животот, пишува Дејли меил.

Свет

Остатоци од соборен дрон предизвикаа експлозија во трговски центар во Русија (ВИДЕО)

Експлозијата во трговскиот центар во рускиот град Владикавказ, во која најмалку едно лице загина, била предизвикана од остатоци од украински беспилотно летало што го собориле руските сили за воздушна одбрана.

Експлозијата во трговскиот центар во рускиот град Владикавказ, во која најмалку едно лице загина, била предизвикана од остатоци од украински беспилотно летало што го собориле руските сили за воздушна одбрана, изјави гувернерот на Северна Осетија, Сергеј Мењаило. .

Во објава на Телеграм, тој рече дека руските системи за противвоздушна одбрана го собориле ова беспилотно летало околу 8:30 часот по локално време, а руското Министерство за одбрана објави дека уништиле 119 украински беспилотни летала во последните 24 часа, пренесува Ројтерс.

Руски Интерфакс претходно објави дека најмалку едно лице загинало, а седум се повредени во експлозија на гас во трговскиот центар.

Експлозијата се случила на третиот кат од трговскиот центар додека вработените ги подготвувале продавниците за отворање и предизвикала голем пожар, а во моментов околу 800 квадратни метри малопродажен простор е зафатен во пламен, вклучувајќи го и покривот на зградата.

Автомобилизам

Пропадната компанија го надмина Фолксваген во продажбата на електрични возила

Во еден од најнеобичните пресврти на пазарот на електрични автомобили во 2024 година, американскиот стартап Фискер, кој заврши во ликвидација во октомври, успеа да го надмине Volkswagen по бројот на електрични возила регистрирани во САД во тој месец.

Податоците од S&P Global Mobility открија дека Fisker регистрирал 110 возила, додека Volkswagen само 92.

Дури и Fiat, кој ретко се поврзува со успеси на електрични автомобили, регистрира 135 возила, додека Jeep заостануваше со само 63. Овој необичен развој го поставува прашањето: Како Fisker, компанија која прогласи банкрот во јуни, успеа да го постигне овој подвиг?

Импресивните бројки на Fisker доаѓаат благодарение на продажбата на непродадените модели на кросовер Ocean. Откако судијата го одобри планот за ликвидација, компанијата пушти на пазарот приближно 3.000 возила по значително намалени цени. Голем дел од овие автомобили купила американската компанија од Њујорк, специјализирана за лизинг, додека останатите возила се продавале со попуст преку дилерите на Фискер.

Иако се чини дека Fisker ги искористил последните ресурси за да го постигне овој резултат, неговиот успех е изненадување во индустријата каде Volkswagen се смета за еден од клучните играчи.

За разлика од Fisker, Volkswagen се соочи со сериозни предизвици во текот на октомври. Ограничениот опсег на електрични модели во САД, кој ги вклучува само ID.4 и ID.Buzz, претставуваше пречка за германскиот гигант. Ситуацијата дополнително се влоши со повлекувањето на речиси 100.000 модели ID.4 поради проблеми со електронските брави на вратите.

Покрај тоа, производството во фабриката во Чатануга, Тенеси, беше прекинато на крајот на септември, а забраната за продажба на ID.4 дополнително ја искомплицира ситуацијата. Резултатот беше поразителен: глобалниот лидер во автомобилската индустрија се најде зад брендот кој веќе го напушти пазарот.

Иако сегашниот успех на Fisker може да биде краткотраен, тој ги осветлува слабостите на Volkswagen во електричните возила. Овој случај покажува колку е важно да се управува со кризи и да се обезбеди стабилност на синџирот на снабдување, особено на сè поконкурентен пазар.

Свет

Снимка од авионот непосредно пред уривањето, патник низ солзи се простува од најблиските(ВИДЕО)

Еден од патниците, кој имал среќа да го преживее падот на патнички авион во Казахстан, ја снимил драматичната ситуација од леталото и ѝ го испратил на сопругата само неколку минути пред да се случи несреќата.

Во текот на денот на социјалните мрежи се појавија бројни видеа од авионската несреќа и експлозијата при слетувањето, но ова е првото кое документира каква била атмосферата во внатрешноста на леталото.

Лицето на мажот јасно покажува загриженост и исчекување како ќе заврши ситуацијата во која се нашол. За среќа, тој се спасил со полесни повреди и жената вели дека бил примен во болница поради површни рани на лицето.

Да потсетиме, по падот на патнички авион во Казахстан, кој со 67 лица патуваше од Баку за Грозни, се појавија информации за причината за несреќата. Имено, како што пишуваат азербејџанските медиуми, авионот налетал на јато птици.

Подоцна се појави информација дека авионот бил пренасочен кон аеродромот поради густа магла, но дошло до несреќа на само три километри од градот Акатау.

Според последните информации од Казахстан, по падот на патнички авион во близина на градот Актау, преживеале 32 лица на кои им била укажана лекарска помош, а 38 загинале.

„Најновото ажурирање вели дека 32 лица ја преживеале авионската несреќа и се лекуваат“, изјави за време на брифингот Кенан Зејналов, виш обвинител на Прес-службата на Јавното обвинителство, пренесува АПА.

притисни ентер