Свет

Шпанскиот премиер е казнет со 500 евра, зашто во кампањата ја користел Владата , портпаролката помина полошо

Премиерот на Шпанија, Педро Санчез, треба да плати казна од 500 евра за давање интервју за приватна телевизиска станица во зградата на владата за време на изборната кампања додека работел како технички премиер во периодот пред изборите.

Со употреба на јавен простор, Санчез го прекршил законот за непристрасност во предизборната кампања, пресуди денеска Централното изборно собрание, орган надлежен за спроведување на изборите. Ова е првпат телото да казни шпански премиер. Казните за вакви прекршоци се движат од 300 до 3000 евра.

Санчез, лидер на Шпанската социјалистичка работничка партија (ПСОЕ), е на власт од јуни 2018 година и се кандидираше за премиер на изборите на 10 ноември. Пет дена пред изборите, тој даде интервју за шпанската телевизија Ла Секста, кое беше снимено во просториите на зградата на владата, а потоа се емитуваше на тогашната владина страница.

Изборното тело заклучи дека користел јавен простор, зграда и веб-страница за предизборни цели, со што ја нарушил законската непристрасност.

Тогашниот министер за образование и портпаролката на владата, Изабел Чела, исто така се казнети за одржување прес-конференции во зградата на владата за време на предизборната кампања, испраќајќи предизборни пораки. Портпаролката мора да плати 2200 евра казна.

Санчез освои најмногу гласови на изборите, но не доволно за самостојно да формира влада, по што постигна договор за коалициска влада со помалата левичарска партија Унидас Подемос. Владата, која што ја презеде функцијата овој месец, е прва коалициска влада во Шпанија во последните 80 години.

Македонија

„Тигрите” ќе го пречекаат Палчо на Аеродром

Првоосомничениот за двојното убиство на Вања Ѓорчевска и Панче Жежовски, Љупчо Палевски, веројатно на аеродромот во Скопје ќе го пречека специјалната единица „Тигри“.

Според досегашната пракса на екстрадиција на високоризични затвореници, Палевски, би требало во присуство на турската полиција да биде спроведен до авионот со кој ќе патува, а таму ќе го пречекаат припадници на македонската безбедносна служба. Тие ќе бидат задолжени за него за време на летот. Веднаш по слетувањето, под силно полициско обезбедување, веднаш ќе биде транспортиран во истражниот затвор ,,Скопје”, бидејќи му е одредена мерка притвор.

Професорот за безбедност, Методи Хаџи Јанев, не очекува никакви проблеми при спорведувањето, но предупредува дека мора да бидат запазени сите човекови права, во спротивно осомничениот би можел тоа да го употеби во своја корист.

Во пресрет на екстрадицијата, политичката партија Десна на својот официјален Фејсбук профил, објави наводно писмо од својот поранешен лидер Љупчо Палевски. Тврдат дека тоа било упатено до министерот за правда Кренар Лога, пишувано лично од Палчо, на 29 април, а следниот ден му било испратено преку службениот маил. Тој во писмото го обвинува министерот за правда Кренар Лога дека правел калкулации и застој со екстрадицијата поради изборите во земјава.

Барањето за екстрадиција доаѓа по неговото апсење на 5 декември во Турција, откако ден претходно беше распишана меѓународна потерница по него како осомничен за две кривични дела – „грабнување“ и две убиства на свиреп начин.

Македонија

Димитриевски: До 8 мај нема да учествуваме во било какви преговори

Една изборна единица, црвени национални линии, промена на преговарачката рамка, се условите на Максим Димитриевски за постизборна соработка. 

Тој во гостувањето во утринската програма на Канал 5 „Здраво Македонија“, оцени дека СДСМ го допрела дното, а опозицијата уште не дојдена на власт потсетува на власта до 2016 година...

Регион

Необичен протест на млади во Тирана, упаднаа во Парламентот

Необичен протест се одржа денеска во албанскиот Парламент, каде група млади луѓе упаднаа за да ја изразат својата поддршка за иселениците од албанската дијаспора да имаат право на глас на следните избори во земјата, објави Еуроњуз Албанија.

Тие, како што пренесуваат медиумите, се качиле на една од терасите во пленарната сала на Парламентот, од каде фрлале летоци кон пратениците држејќи транспарент со натпис „Сакам да гласам во 2025 година“.

Тие истакнаа дека власта ја прекршува одлуката на Уставниот суд што им даде рок од една година да го решат прашањето за гласањето на дијаспората на изборите во 2025 година, кога се очекува да се одржат редовни парламентарни избори.

Во изјава за медиумите, младите додаваат дека се активисти кои сакаат да го информираат јавното мислење и владејачкото мнозинство за гласањето на дијаспората./МИА

притисни ентер