Ракомет

Шпанија убедливо ја порази Македонија

Машката ракометна репрезентација на Македонија загуби од Шпанија со 32-21  и го претрпе вториот пораз на Светското првенство во Германија и Данска.

Последната шанса за пласман во вториот круг останува Исланд ,против кого нашите ракометари ке играат утре во Минхен.

Најдобрите македонски ракометари се обидоа да дојдат до позитивен резултат против Шпанија но сетот тоа остана на обид па се помирија со 32-21 вториот пораз на Мундијалот.

Македонија одигра извонредно квалитетно прво полувреме во кое постојано беше во водство но на крајот го загуби со 13-12. На голот кај нас блескаше Никола Митревски но и Варгас кај Шпанците.

Двајцата беа брилијантни но карактеристика на првиот дел беа и големиот број промашени зицери на двете страни. Шпанија фуриозно го почна вториот дел со серија 5-0 по што стана јасно дека вториот пораз во Минхен е неминовен.

Во продолжение Раул Гонзалес ги штедеше силите за утре за решавачкиот дуел со Исланд за пласман понатаму. Исланѓаните денеска ја совладаа Јапонија со 25-21, а Хрватите рутински триумфираа над Бахреин со 32-20.

Утрешниот дуел со Исланд ке се игра во Минхен во 18 часот ,а веднаш потоа за првото место во групата ке се борат Шпанија и Хрватска.

Македонија

Скопјанец измамен во менувачница од двајца странски државјани

Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.

Синоќа во 19.15 часот во СВР - Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.

Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.

Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.

Се преземаат мерки за расчистување на случајот.

Македонија

Арсовска: Нова енергија, нови луѓе, Нова Алтернатива.

Во изминатите две години покажавме дека со упорност и покрај блокадите може да се наметнат системски промени кои од корен ги менуваат градските институции.

Затоа Нова Алтернатива со нови луѓе и нова енергија за прв пат самостојно настапува на овие парламентарни избори со бројот 9.

Успеавме да ги намалиме непродуктивните трошоци, единствено не ги згаснавме светлата на улиците сред најголемата енергетска криза, ги консолидираме јавните претпријатија.

Први и единствени се боревме повеќе да нема лица кои не одат на работа, а земаат плата. Успеавме да откриеме стотици такви случаи за кои останатите институции сега треба да превземат мерки за враќање на парите кои ги земале.

За Македонија која ќе се базира врз право и правда неопходно е да се спроведат системски реформи:

-Целосно чистење на институциите од оние кои не одат на работа, а сепак земаат плата

-Воведување системска дигитализација со која човечкиот фактор и влијание при избор на вработување ќе се елиминира

-Со ветинг во сите јавни институции да се детектираат злоупотребите на позициите и за истото да следат највисоки санкции

Затоа на овие избори одберете го бројот 9 и гласајте за Нова Алтернатива, за луѓе кои секогаш ќе се спротивстават на неправдите и ќе работат за подобар живот во Македонија.

Нова енергија, нови луѓе, Нова Алтернатива.

Македонија

Денес е ден на Македонскиот јазик

Денеска Македонија го одбележува 5 мај – денот на Македонскиот јазик.

На овој ден во 1945 година, со решение на Народната влада на Федерална Македонија е усвоена азбуката на македонскиот јазик врз принципот еден глас – една буква, а набргу потоа, на 7 јуни 1945, е усвоен и Правописот на македонскиот јазик.

Кодификацијата на современиот македонски стандарден јазик се заокружува со делата на Блаже Конески – Граматиката на македонскиот литературен јазик, Речникот на македонскиот јазик и Историјата на македонскиот јазик.

притисни ентер