Грејси Мачадо, Бруклин Триплет, Остин Холт, Медисон Робертсон, Адисон Гратц и Мемори Вилсон загинаа на раскрсница позната кај локалното население како многу опасна.
Несреќата се случила кога возачот на камионот, 51-годишниот Валендон Бартон, се обидел да сврти и удрил во нивниот автомобил. Девојките се возеле во мал Шевролет Спарк и сите шест биле во автомобилот. Две седеле на предното седиште и биле врзани со појаси, додека другите не биле врзани, соопшти полициска патрола во Оклахома.
Девојчето кое возело имало 16 години, три девојчиња 15, а другите две 17. За четири девојчиња, меѓу кои и таа што управувала, била констатирана смрт на лице место. Останатите две починале откако биле пренесени во болница.
Возачот на камионот во моментот на несреќата бил врзан и не е повреден. Против него се уште не е покренато обвинение, бидејќи истрагата е во тек. Луѓето од тоа место се загрижени за раскрсницата каде се случила несреќата, која ја нарекуваат и опасна Y бидејќи, велат, долго време е проблем и треба да се реши.