Технологија

Шефот на Гугл: Вештачката интелигенција може да биде многу штетна, со ноќи не спијам

Извршниот директор на Google, Сундар Пичаи, предупреди дека погрешната имплементација на технологијата за вештачка интелигенција (AI) може да „предизвика многу штета“ на „општествено ниво“.

„Може да биде многу штетно ако е погрешно поставена, а ние сè уште ги немаме сите одговори на тоа - а технологијата се движи брзо... Дали ме држи буден ноќе? Апсолутно“, рече извршниот директор на технолошкиот гигант.

Во интервју за 60 минути на CBS, Пичаи изрази загриженост дека општеството ќе треба да се прилагоди на технологијата за вештачка интелигенција. Тој предвидува дека вештачката интелигенција ќе „влијае на секој производ во секоја компанија“, додавајќи дека „работниците со знаење“ како што се оние кои работат како писатели, сметководители и софтверски инженери веројатно ќе бидат повеќе погодени.

„На пример, можеш да бидеш радиолог, ако мислиш за пет до десет години од сега, ќе имаш асистент со вештачка интелигенција со тебе. Ова се најсериозните случаи што треба прво да ги погледнете“, убеден е тој.

Шефот на технолошкиот гигант ја истакна леснотијата со која може да се генерираат лажни медиумски извештаи со помош на вештачка интелигенција. Тој смета дека ваквите пораки, кои лесно се создаваат со помош на вештачка интелигенција, „може да предизвикаат голема штета“.

Сепак, тој сугерира дека наместо да се напушти вештачката интелигенција, нејзината употреба би можела да биде регулирана со повеќе закони кои се „во согласност со човечките вредности, вклучувајќи го и моралот“, пишува Independent.

„Затоа мислам дека развојот не треба да вклучува само инженери, туку и општествени научници, етичари, филозофи и така натаму“, сугерира Пичаи. Google неодамна објави документ од 20 страници во кој се наведени „препораки за регулирање на вештачката интелигенција“. Гигантот од Силиконската долина, исто така, го лансираше својот нов чет-бот за вештачка интелигенција Bard во февруари како алтернатива на веќе добро познатиот систем за вештачка интелигенција ChatGPT.

Google на својата веб-страница објави дека Bard е „експериментална услуга за разговорна вештачка интелигенција“ која може да се користи за поедноставување на сложени теми како „објаснување на новите наоди на вселенскиот телескоп Џејмс Веб на НАСА на деветгодишно дете“.

Свет

Лондонскиот градоначалник Садик Кан со историски резултат на изборите

Актуелниот градоначалник на Лондон освои рекорден трет мандат како прв човек на британската престолнина.

Кан освои историски трет мандат со сите 14 изборни единици во Лондон објавени досега, пренесува Sky News.

Тој ја доби довербата на 43,7 отсто од гласачите.

Неговата конзервативна ривалка Сузан Хол освои 32,6%.

Излезноста била 40,5%.

Во Лабуристичката партија имало стравувања дека резултатите од гласањето ќе бидат многу поблиски поради загриженоста за слабиот одѕив.

Сепак, Кан собрал 1.088.225 гласови, наспроти 811.518 на Хол.

Кан сега е првиот човек кој освоил трет мандат како градоначалник на Лондон.

Македонија

Православните христијани ја одбележуваат Велика Сабота - денот меѓу смртта и воскресението

Православните христијани денеска ја одбележуваат Велика Сабота - денот меѓу смртта и воскресението...

Верниците ги прават последните подготовки, а се подготвуваат и црквите во земјава...

Пред Соборниот храм е Дејан Трајкоски, какви се обичаите за денешниот ден и од колку часот треба да почне вечерната литургија?

Свет

Грузискиот премиер до Американците: Јас не ви приговарав на вас за вашата полициска бруталност

Грузискиот премиер Иракли Кобахиџе ги критикуваше американските официјални лица за давање „лажни изјави“ за контроверзниот закон на неговата влада за „странски агенти“, кој наиде на големи протести во Тбилиси и критики од западните официјални лица.

Законот ќе бара од невладините организации и медиумите кои добиваат повеќе од 20 отсто од своето финансирање од странство, да се регистрираат како агенти со странско влијание. САД тврдат дека законот е инспириран од Кремљ и некомпатибилен со демократските вредности.

Кобахиџе, од владејачката партија Грузиски сон, му одговори на Вашингтон. „Лажните изјави на претставници на американскиот Стејт департмент за уличните собири и нацрт-законот за транспарентност нѐ потсетуваат на слични лажни изјави на поранешниот американски амбасадор во 2020-2023 година“, рече тој.

Да потсетиме, во вторникот вечерта грузиските безбедносни сили употребија солзавец и водени топови за да ја растераат толпата демонстранти. Западните политичари и локалната опозиција изразија загриженост поради полициската репресија.

Владата инсистира на законот и покрај зголемениот гнев во јавноста и постојаното предупредување дека потегот може да ги загрози аспирациите на земјата за членство во Европската унија, пишува Политико.

„Законодавството на Грузискиот сон и антизападната реторика ја ставаат Грузија на несигурен пат. Ги повикуваме властите да им дозволат на ненасилните демонстранти да продолжат да го користат своето право на слобода на изразување“, соопшти Стејт департментот.

Кобахиџе возврати дека „не ја изразува својата загриженост поради бруталното задушување на студентскиот протестен собир во Њујорк“, очигледно мислејќи на пропалестинските протести на универзитетите во Њујорк за време на кои беа уапсени повеќе од 300 демонстранти.

Поддржувачите на законот во партијата Грузиски сон велат дека законот е направен според американскиот Закон за регистрација на странски агенти (ФАРА). Сепак, ФАРА се однесува само на лобисти кои активно работат во име на владите на другите земји и комуницираат со пратениците.

Грузиската верзија на законот ќе се однесува на сите граѓански групи, локални медиуми и невладини организации кои добиваат дури 20 отсто од своето финансирање од странство, што ќе го направи посличен на законот за странски агенти на Русија кој се користеше за задушување на несогласувањето во земја.

притисни ентер