Како што јави Би-Би-Си, под каменоломот се пронајдени околу 200 огромни отпечатоци од стапалки стари 166 милиони години.

Експертите веруваат дека трагите ги оставиле два вида диносауруси: долговратен сауропод Цетиосаурус и помалиот месојаден Мегалосаурус.

- Ова е едно од најимпресивните места на траги од диносаурус што некогаш сум ги видел - изјави Кирсти Едгар, професорка по микропалеонтологија од Универзитетот во Бирмингем.

Отпечатоците првпат биле забележани кога работник во каменоломот „Гери Џонсон“ забележал необични испакнатини на земјата. Оваа есен, повеќе од 100 научници, студенти и волонтери учествувале во ископувањето.

Четирите траги припаѓаат на сауроподи, тревопасни животни кои оделе на четири нозе и чии траги се слични на оние што ги оставиле слоновите, но многу поголеми. Останатите траги му припаѓаат на мегалосаурусот, месојад кој одел на две нозе.

Овие диносауруси живееле во топла и плитка лагуна, а нивните траги веројатно биле зачувани поради наталожените седименти по бурата.

Научниците направиле повеќе од 20.000 фотографии за време на ископувањето за детално да ги проучат трагите.

Министерството за животна средина и просторно планирање информира дека според податоците од Државниот автоматски мониторинг систем за квалитет на амбиенталниот воздух и добиената временска прогноза од Управата за хидрометеоролошки работи, прагот на алармирање на суспендирани честички со големина до 10 микрометри (надминување на вредноста од 150 mg /m3 во текот на два последователни денови) е надминат на мерното место Струмица.

Прагот на алармирање е дефиниран во Уредбата за изменување и дополнување на Уредбата за гранични вредности за нивоа и видови на загадувачки супстанции во амбиенталниот воздух и прагови на алармирање, рокови за постигнување на граничните вредности, маргини на толеранција за гранична вредност, целни вредности и долгорочни цели (Службен весник бр. 183 од 14.12.2017 година).

Во табелата се прикажани среднодневните концентрации на PM10 на мернoто место и деновите каде има појава на надминување на праг на алармирање.

Согласно настанатата состојба, за Струмица важат следните мерки:

Да се интензивираат вонредните инспекциски надзори на инсталациите со А-Интегрирана еколошка дозвола

Да се интензивираат вонредните инспекциски надзори на терен за контрола на инсталациите со Б-Интегрирани еколошки дозволи и Елаборати

Инсталациите со континуиран мониторинг да овозможат јавен пристап на измерените податоци

Да се интензивираат вонредните контроли на техничката исправност на возилата, особено оние со дизел горива и нерегистрирани возила

Да се интензивираат вонредните контроли на градилиштата

Забрана на горење на отворено

Се препорачува на сите правни субјекти (работодавци) да ги ослободат од работни обврски бремените жени, лицата постари од 60 години, како и лицата со хронична астма, прележан миокарден инфаркт или мозочен удар, без разлика на возраста, со препорака на матичен лекар

Се препорачува на сите правни субјекти (работодавци) да го реорганизираат работното време и лицата кои работат на отворено да работат од 11.00 до 17.00 часот

Се препорачува да не се организираат спортски натпревари и други културни манифестации на отворено.

Министерството за животна средина и просторно планирање

-Се подготвуваме да ги обновиме дипломатските односи со Сирија и соработката во меѓународните организации, рече Зеленски откако го слушна извештајот на министерот за надворешни работи, Андриј Сибига и министерот за земјоделство, Виталиј Ковал по нивната посета на Сирија претходно оваа недела.

„Украина ќе ги поддржи сите напори за стабилизирање на Сирија. Ќе создадеме програма „Зрно од Украина“ за соработка со сириската администрација и сите заинтересирани партнери. Ќе се ангажираме со Европејците и Америка за да обезбедиме максимална поддршка“, рече Зеленски. Тој додаде дека „повеќе стабилност на Блискиот Исток значи повеќе мир и трговија за сите партнери“.

На 27 декември, Зеленски најави испорака на 500 тони украинско пченично брашно во Сирија како дел од хуманитарната иницијатива „Зрно од Украина“ во партнерство со Светската програма за храна на ОН.