Македонија

Семејствата на загинатите и повредените во несреќата кај Ласкарци ќе добијат отштета

Обвинителството почна со сослушувањето на очевидците на несреќата кај Ласкарци, кое треба да помогне во откривање на причините за трагедијата.

Обвинителството до крајот на неделата се очекува да има појаасна слика за прашањето – како се случи сообраќајната нсреќа кај Ласкарци и уште поважно, дали има одговорен за несреќата?

Сите очи се вперени кон возачот, кој денеска бил сослушан. Неофицијално неговиот распит траел многу кратко, а обвинителството не открива што кажал. Во првичниот разговор со него, обвинителите не добиле релаватни податоци. Сослушувањето ќе треба да даде одговор – дали тоа било поради првичниот шок или навистина тој нема претстава како се случило да изгуби контрола над возилото.Она што е сигурно е дека во неговата крв и урина не се пронајдени алкохол и дрога, а листинзите на обилните оператори треба да дадат одговор дали пред несреќата 49 годишниот гостиварец разговарал на мобилен телефон.

Паралелно со сослушувањето, се очкуваат и извештаите на судските вештаци за исправнотста на автобусот, стар 18 години. Сомнежите во јавноста се актуелизираа откако се дозна дека овој и останатите автобуси, Дурмо турс ги проверувал во сопствениот технички преглед.

Во јавноста веќе се отворија дилеми зошто заштитната ограда не успеала да го спречи излетувањето на автобусот, особено ако се потврди дека тој се движел со бризна помала од 100 км на час.

Експертите велат дека улогата на заштитните банкини кои се направени од челичен лим поставени на челични столбови, е да ја апсорбираат енергијата, да го одбијат ударот и со тоа да го сменат правецот на возилото.

Заштитните банкини на местото на несреќета се заменети со нови. Но и денеска на самото место можеа да се забележат минувачи како застануваат и ја разгледуваат околината.

Во најтешката автобуска несреќа животот го загубија 15 луѓе, а уште неколкумина на скопските болници се борат за живот.

Тенис

Победникот на УС Опен ја завршува кариерата со 30 години

Австрискиот тенисер Доминик Тием (30) на крајот на сезоната ќе ја заврши кариерата, дознава Салцбургер Нахрихтен, а веста ја пренесоа и големите светски медиуми.

Победникот на УС Опен во 2020 година многу рано ќе престане да игра активно, а причината за тоа се повредите.

По освојувањето на Грен слем, тој беше измачуван од бројни повреди на колкот и коленото и не можеше да го достигне нивото на кое беше во неговите најдобри денови. Во годината кога го освои УС Опен беше трет играч во светот, а сега е само на 117 место на АТП ранг листата. Покрај освојувањето на УС Опен, Тием во истата година играше и во финалето на Австралија Опен, додека во 2018 и 2019 година беше во финалето на Ролан Гарос. Во кариерата освои вкупно 17 титули, а е еден од само 11 тенисери кои ги победиле сите членови на големата тројка (Новак Ѓоковиќ, Рафаел Надал, Роџер Федерер). Вкупно против нив остварил 16 победи.

Живот

Ги искористила замрзнатите ембриони да затрудни со мртвиот љубовник и да бара наследство

Жена од Кина, позната по презимето Ленг, имала афера со оженет бизнисмен кој загинал во сообраќајна несреќа во 2021 година.

Нејзината приказна покрена жестока јавна дебата, а сѐ започнало набргу по несреќата, пренесува SCMP.

Жената од провинцијата Гуангдонг тврдела дека нејзините јајце клетки биле оплодени со спермата на нејзиниот љубовник во приватна клиника. Развиените ембриони беа замрзнати и подоцна биле искористени за да ја забременат.

Таа во декември 2021 година родила син и му го дала името Ксиовен, а на крајот на минатата година го тужела семејството на починатиот за наследство.

Таа тврдела дека детето има право на удел во капиталот на компанијата и бенефиции за осигурување, но не можело да докаже како тоа е добиено, ниту дали љубовникот дал согласност неговата сперма да се користи во процедурата за ИВФ.

Како резултат на тоа, судот ја отфрлил тужбата, а приказната станала популарна.

Корисниците на социјалните мрежи, пред сѐ Веибо, го коментирале бизарниот случај. Поединци сметаа дека сега семејството треба да реагира.

„Се надевам дека вдовицата ќе поднесе противтужба“, напишало едно лице.

И адвокатите дале свое мислење. Така, се наведува дека процедурата за ин витро оплодување во лиценцирани клиники е легална, но дека за тоа треба да се договорат и двајцата родители - што во овој случај останало нејасно.