Рецепт на: Анета Димоска
Постапка:
Во подлабок сад со брашно се додава: малку сол, малку пециво, малку масло, млака вода и се замесува тесто.
Тестото треба добро да се измеси.
Потоа се дели на 5 дела и се формираат топчиња.
Од секое топче со сукало се сука помала кора.
Корите се премачкуваат со масло и се оставаат да отстојат 15 минути.
Секоја кора се тегне и се добива голема тенка кора.
Краевите од кората се отстрануваат со рака.
Кората се попрскува со масло и се реди урда.
Потоа кората се витка и се реди во тепсија премачкана со масло.
Истата постапка се повторува и со останатите кори.
Во едната кора се става паричка.
Мазникот се пече во загреана рерна околу 30 минути.