Алатката, која ќе биде достапна од септември, е наменета за луѓе кои се изложени на ризик да ја загубат моќта на говорот или оние на кои зборувањето им претставува проблем, пренесува „SkyNews“.
За да може корисникот да создаде свој дигитален глас на барање, треба да прочита 150 случајни фрази, што трае околу 15 или 20 минути.
На телефонот му треба многу време за да го обработи гласот бидејќи се е направено на самиот уред, а уредот мора да биде заклучен и наполнет.
Откако алатката ќе добие доволно податоци за гласот на корисникот, тој ќе може да внесува текст и сè што ќе напише ќе биде изговорено со неговиот „личен глас“.
Новинарот на „SkyNews“ ја испробал функцијата и ја тестирал околината испраќајќи им гласовни пораки изговорени со „личен глас“.
Неговата мајка и сестра не ја забележале разликата, но технолошките пријатели забележале дека нешто не е во ред и дека некој можеби го злоупотребил гласот на репортерот.
„Apple“ тврди дека сите кориснички информации се безбедни. „Личниот глас“ може да го избрише сопственикот на „iPhone“, а не може да се сподели меѓу корисниците.
Компанијата за компјутерска безбедност „McAfee“ предупреди дека технологијата за гласовно клонирање генерално поттикнува зголемување на измамите, но посочи дека заштитата на „Apple“ треба да биде доволна.
„McAfee“ неодамна анкетираше 1.009 возрасни лица во ОК и откри дека речиси четвртина од луѓето доживеале некој вид на говорна измама со вештачка интелигенција или познаваат некој што го има.
Истражувањето исто така покажа дека 65 отсто од возрасните не се сигурни дека можат да разликуваат клониран глас од вистински.
Извор