Свет

Се зголемува бројот на жртвите од ерупцијата на новозеландскиот вулкан (ВИДЕО)

Потврдена е смртта на уште две лица по ерупцијата на вулканот на островот Вајт , па сега официјално бројот на анстрадани е осуммина.

Полицијата соопшти дека жртвите починале во болницата од повредите здобиени за време на трагична ерупција на Нов Зеланд.

Хирурзите соопштија дека третманот на преживеаните е попречен од специфичноста на изгорениците поради ерупција на хемикали и дека 22 пациенти сè уште дишат со апарат, пренесуваат локалните медиуми.

Лекарите соопштија дека денес побарале околу 100 квадратни метри кожа од САД за да ги лекуваат преживеаните од кои некои имаат изгореници на дури 95 проценти од нивните тела.

Да потсетиме дека за време на ерупцијата, на островот имало 47 туристи, а шестмина наскоро биле потврдени за мртви. 30 туристи завршиле во болница со изгореници, од кои некои сè уште се во животна опасност.

Кога избувнал вулканот, луѓето кои престојувале близу најверојатно биле прекриени со облаци со топла пареа, токсични гасови и експлозија на карпи.

Според вулканологот Џесика Џонсон од Универзитетот во Источна Англија, млазот на токсични гасови бил толку интензивен што посетителите мирисале на хемикалии.

Дерек Вајман, геолог од Универзитетот во Сиднеј, верува дека за време на ерупцијата, вулканот исфрлил материјал со температура од 1000 степени Целзиусови.

Македонија

Честитка по повод празникот Воскресение Христово - Велигден од претседателот на ВМРО-ДПМНЕ

Поучени од христијанските начела, да си ја сакаме државата, да го сакаме ближниот, да направиме се утре да биде подобро од денес.

Честитка по повод празникот Воскресение Христово - Велигден од претседателот на ВМРО-ДПМНЕ Христијан Мицкоски

Дозволете ми од мое лично име и од име на ВМРО-ДПМНЕ да го честитам големиот христијански празник, Христово Воскресение - Велигден, на сите верници.

Христовото Воскресение му покажа на човекот колку Бог го сака, и дека беше спремен да биде распнат за спасението на човештвото. Љубовта на Бога кон човека е неизмерна.

Воскресението е потврда дека надежта секогаш ќе победи, човековата волја, љубов и верба можат да допринесат за поубав свет.

Поучени од христијанските начела, да си ја сакаме државата, да го сакаме ближниот, да направиме се утре да биде подобро од денес. Промените кои доаѓаат да ги запечатиме со силна победа, за догодина да славиме Велигден со многу поголеми насмевки на задоволство како нација.

Христос Воскресе! За многу години Велигден!

Со почит,

Христијан Мицкоски

претседател на ВМРО-ДПМНЕ

Центар за комуникации на ВМРО-ДПМНЕ

Свет

Русија распиша потерница и за командантот на копнените сили на Украина, Пављук

Министерството за внатрешни работи на Русија синоќа распиша потерница за командантот на копнените сили на Украина, Александар Пављук.

Министерството вчера распиша потерница и по претседателот на Украина, Володимир Зеленски и поранешниот претседател, Петро Порошенко.

По Пављук е распишана потерница поради „кривично дело“, но не е прецизирано за кое кривично дело, јавија руските медиуми.

На 11 февруари, Пављук беше назначен за командант на копнената армија, а пред тоа беше прв заменик - министер за одбрана на Украина.

Македонија

Претежно сончево и потопло

Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи.

Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.

Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.

Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.